مش هتأسف على اللي عملتو ولا هقول من تاني سامحيني
مش هبكي واضعف تاني .. مش هتنزل دموع من عيني
مش هفتكر يوم من اللي فات .. ولا هقول ماضي و ذكريات
وحيات حبي اللي كان ليكي .. هقفل على قلبي اللي مات

وقتي معاكي كنتي بتحسيه ازاي .. حب بجد ولا دا ايه
راح فين كل اللي عملتهولك ..طب حبيتيني من الأول ليه
غمضت عنيا ومشيت وراكي .. كان حلم وانا عايش فيه
قال وانا قولت انك ليا .. وقلبك دا انا هعيش بيه

كل اللي خدتو منك جراح وقسيه .. كنت لعبه ليكي .. نسيتي الحنيه
كنت طيب عشان صدقتك .. مشيت ورا حبك .. واتغدر بيا

ناقص ايه تاني تعمليه فيا .. كفايه بقى دا كتير عليا
مش عايز افتكرت تاني .. سيبيني في حالي باللي فيا

انا بشكرك عشان علمتيني حاجات كتير
انا بشكرك عشان بعتيني من غير تفكير

وبحلف بأغلى حاجه عندي .. اتعلمت الدرس خلاص
مش هنخدع تاني ابداً .. وهلاقي في غيرك اخلاص






منقول