انا كنت كتبت قصة قبل كدا
لعنة سينثيا
وكانت رعب ولغة عربية وجو كدا

وقلت اجرب اكتب تاني يعني
هي القصة دي مختلفة عن الي قبليها واكبر بكتير
ودي الحلقة الاولي يعني لو عجبتكوا هكلمها


ــــــــــــــــــــــــــــــــــــــــــــ


انا مين ؟؟ .. انا بجد مش بستهبل ... انا مش عرفه انا مين ...


صحيت على ضوء الشمس ...

بصيت حواليا لقيت اني في مكان مش عرفاه ... مكان غريب ...

مكنتش قدره اقوم من السرير الي كنت نايمة عليه ....حاولت اتكلم عشان انادي حد يجاوبني ...

بس انادي مين .. ؟
وانادي ازاي .. ؟


حاولت اتكلم كتير صوتي مكنش طالع من التعب الي انا فيه ...بعد عذاب نص ساعة
حاولت استجمع صحتي

صوتي طلع بس مكنش عالي كفاية ان حد يسمعه ... وبدأت اعيط مش عرفه ايه الي انا فيه دا
انا مين وايه الي جابني هنا
ايه دا كماااان

ايه الي رابط دماغي كداا ؟؟

ايه ياربي الي انا فيه دا .. !!

وفجأة سمعت صوت الباب بيفتح

حاولت ارفع دماغي شوية عشان ابص مين .. لكن مقدرتش
حسيت بصداع رهيـــب خلاني اصرخ

(( مش اوي يعني انا اصلا مكنش فيا نفس اتكلم ))


لقيت واحده كدا معرفهاش


بتقولي : ايه دا حضرتك فوقتي ؟ حمد الله ع السلامة


قلت لنفسي مالها دي ؟؟

فوقت من ايه

وبعدين بقى

ايه الي بيحصل دا




قلت لها : نعم .. انتي مين

قالت لي : انا مي

قلت لها : طب وانا مين ؟



لقيتها بلمت وبرقت كدا كإني قلت حاجة غريبة
انا مش عرفه
قلت اسأل يمكن تعرف



قالت لي : حضرتك بتهزري ؟



ايه الرخمة دي اهزر معاها بتاع ايه
اعرفها منين انا ؟؟



قلت لها : لا يا ستي مش بهزر


لقيت انهت استغربت او زعلت معرفش


بس شكلها اتغير وقالت لي : ثواني كدا وجايه
شكلك فقدتي الذاكرة



وخرجت مي وانا بقى هتجنن

انا فقدت الذاكرة ؟

يا نهار بتنجان

هنيل ايه انا بقى .. يارب افتكر حاجة

انا مين انا

ومافيش خمس دقايق ودخل واحد كدا

شكله من سنها او اكبر شوية

و وراه مي


الشخص: ازي حضرتك يا انسه؟



ايه الغباء الي بيتكب منك دا
حوش حوش الغباء الي بينقط دا



وقلت له بـ عصبية : يعني حضرتك شايف ايه
دماغي مربوطة مش عرفه احركها وصوتي بيطلع بـ مجهوود


الشخص بقلق : فاكرة اسمك ؟



نعم يا روح مامي انت كمان مش عارف اسمي
اومال مين الي يعرف (( طبعا دا في سري ))


انا : معرفش هوا حضرتك مش عارف؟

الشخص بقلق اكتر : ممممم ريم .. اسمك ريم

انا بعصبية : وانت مين
وهي مين
وانا مين
وايه الي جبني هنا

الشخص : انتي بتتكلمي كدا ليه؟؟
بصي انا هحكيلك يا انسه

انا : اتفضل
الشخص :انا اسمي مصطفى

انا : تشرفنا وبعدين ؟

مصطفى :وبعدين انا من اسبوعين كدا وانا راجع م السفر

لقيت عربية واقفة قلت انزل اشوف يمكن عطلانة ولا حاجة

ركنت وراها ولسه هنزل لقيتك واقفة مع واحد

وبتزعقي وفجأة ضربتيه

راح ضربك على دماغك حتت ضربة

بعدها فقدتي الوعي ووقعتي ع الارض

والواد دا خد العربية وجري

روحت ختك وجبتك هنا معايا


ايييييه يا ربي دا وربنا الراجل دا شكله مش مريح
انا مش مصدقه اي حاجة من دي
خصوصا ان كلامه متقطع كدا
دا حتى لما بسأله عن اسمي بيفكر
كإنه بيألف لي اسم



انا : طب وانت عرفت اسمي ازااي

مصطفى : هاا . سمعته وهو بيزعق لك
عن اذنك بقى انا لازم اسافر حالا
واختي معاكي اهي لو عوزتي حاجة


وسابني في حيرتي ومشي المفتري
لقيت مي قربت مني وبتقولي



مش عايزة حاجة ؟؟


قلت لها بأسى : لا يا مي لا


وسابتني ومشيت وانا قاعده هترشق من الغيظ

روحت قمت بصعوبة فظيعه

دماغي هتومتني

ومكنتش عرفه احركها خااالص

ااااااااه بجد هاموووت اعمل اييه

مكنتش عرفه هاروح فين ولا انا مين

ولا هروح لمين

ولا هصرف ازاي

روحت نمت تاني

هعمل ايه بقى

وبعديها بشوية صحيت على صوت مي

مي : ريمم رييييييم

انا :ايوا في ايه

مي : قووومي يا بنتي كلي انتي شكلك هفتانه خالص



صحيت فضلت بصه للاكل وبفكر

ليييه هما بيسعدوني كدا ويعرفوني منيين

ومصطفى دا مين

انا بجد حاسه اني شوفته قبل كدا
وانا بفكر مي قالت لي : ايه مش بتاكلي ليه ؟
الاكل مش عاجبك ؟

قولي عايزة ايه وانا اعملهولك

قلت لها : انتي ميين


قالت لي : انتي فقدتي الذاكرة تاني ؟
انا مي


انا : يا بنتي اقسم بالله من ساعة ما شوفتك انتي واخوكي دا وانا مش استفدت اي حاجة منكوا
يعني ايه مي so what
تعرفيني منين وليه بتسعديني

مي : عااادي يعني انتي متعرفيش ان اهل اسكندرية ولاد اصول ولا ايه

انا : مش مبرر يا مي
مش اووي كدا يعني
مش تشوفوا واحده ميته ولا مرميه ف الشارع تعملوا معاها كل دا
وبعدين بصراحة انا حاسه اني شوفت اخوكي دا قبل كدا


برقت كدا واتخضت وقالت لي :لالالالالا
اخويا مين . وهتشوفيه فين


لقيت اني مش هوصل معاها لحاجة
وعديت اليوم ونمت
تاني يوم صحيت سمعت صوت مي برا بتعيط وبتقول :
تقتلها يا مصطفي؟؟ :blink::blink:






منقول