لعبه مجننانى ..... ده سحر بجد ؟

[خلود]

كل سنه و انتوا طيبين يا بشر
عاملين ايه ؟؟
من غير لت و عجن كتير ...دى لعبه كده مجنانى جدا جدا جدا و عايزة اعرف ازاى بتتعمل ..
او فكرتها ايه
اللعبه عبارة عن انك بتحط شخصيه معينه فى دماغك مشهورة او غير مشهورة
و بيطلعلك مارد يسالك اساله عن الشخصيه دى ..
و انت بتجاوب على الاسئله دى
زى ما فعلا موجود فى الشخصيه
و فى الاخر المارد فعلا بيقول على الشخصيه.!!!
عايزاكم كلكم تجربوها و حد يقولى دى بتتعمل ازاى؟؟
للوصول للعبه اضغط هنا

[دعاء الكروان]

استنى اروح اجرب واجى اقولك

[دعاء الكروان]

ازاى ده
ده عرف كنت بفكر فى مين

[ghada]

انا غلبته كنت بفكر فى حلا شيحة

وكسبتهههههههههههههه

هيههههههههههههههههه

[محمود التهامي]

اللعبة دي عبارة عن قاعده بيانات مبنية على السؤال واستبعاد الاجابات
كل سؤال بتجاوبيه كل اجابة له ليها احتمالات كل احتمال فيهم بيوديكي لسؤال تاني وهكذا
سهل قوي تخدعي اللعبة لو اخترتي حاجه صعبة او غريبة او غير متداولة
لكن المشاهر سهل قوي ان اللعبة تكتشفهم
وبرضو لو غلطتي غلطة بسيطة قوي فجايز جدا انها برضو تغلط وماتجيبلكيش نتيجة صحيحة