عُمر حبى

اللى يحب مصر يزرع فيها ورده


انت ليه مابتتنسيش..
باقى فيا مهما اعيش..
كل شىء يبعد عملته..
للابد..مابتنتهيش..

لسه ريحتك.. ماليه قلبى..
وابتسامتك.. صوتها جنبى..
بفتكر..وانا نفسى اخبى..
لسه كلك جوه قلبى..
مش بتبعد ليه ياربى..

انت ليه موجود وباقى ..
واحنا حرّمنا التلاقى..
كنت فاكره هزمت ضعفى..
واتهزمت.. بأشتياقى..

سيبت كل مكان عارفنى..
جيت مكان ممنوع تشوفنى..
قصدى أهرب من عذابك..
من غرامك.. لو صادفنى..

كل حته كنا فيها ..
سيبتهالك باللى فيها..
قلبى كان حيموت عليها..
بس انا.. كرّهته فيها..

وابتديت.. اقتل مشاعرى والحنين..
واملا وقتى.. وانسى عمرى والسنين..
كنت بهرب.. بس آخرى كان يومين..
مين ح ينسى.. طول مافى دموعك ياعين..

فضلت اقاوم كل ماضى..
وامحى ذكراك من حياتى..
واقول لنفسى..
عيشى وانسى..
انتى مخلوقه الليله دى..

كنت جسم مالوهش روح..
قفله قلبى منين مااروح..
شايله احساسى ورميته..
بس عايشه ع الجروح..

لسه ريحتك ماليه قلبى..
لسه صورتك طيفها جنبى..
عاشقه ايامك واخبى..
وانت لسه..
عُمرحبى






منقول