صباحوو فل ع عيونكم
ورمضان كريم ياحلوين:biggrin23:

النهارده عاملين استفتاء ع مسابقه
فكرة وقصة
ومعانا اوول جرووب
الروماانسي

صوتو ع الفكره اللى تعجبكووو



المتسابقة الاولى
فكرتهاا:

تدور أحداث هذه القصه في بيت صغير يعيش أهله فى الغربة فلم يروا أرض الوطن ولو لمرة واحدة في حياتهم.
وفى وسط أفراد هذه العائلة فتاة اسمها ملك تبلغ من العمر 16 سنه.
وهى التى تدور عليها أحداث قصتنـــا...كانت ملك فتاة محبوبة من جميع صديقاتها ، لم تعرف العداوة أبداً في حياتها ، عاشت فترة المراهقة في هدوء ، كانت ترى صديقاتها كيف يعشن مراهقتهن ، هذه تحب للمرة الثالثة ، وهذه تعشق ابن الجيران والأخرى متيمة بمن هو في عمر أبيها ، ولم تكن لتقتنع بهذا الشيء الذي يدعى حب ، كانت كلما قالت لها صديقاتها عن معاناتهن مع أحبابهن تضحك ... !!


كانت ملك تعيش عصر الإنترنت ، كانت مولعة بالإنترنت وتجلس عليه لساعات وساعات من غير ملل أو كلل بل أنه يكاد أن ينفصل قلبها عن جسمها عندما يفصل خط الإنترنت !!


كانت تحب مواقع العجائب والغرائب وتجوب أنحاء الإنترنت بحثاً عنها وكانت تحب محادثة صديقاتها عن طريق الإنترنت وتجد في ذلك المتعة أكثر من محادثتهن على الهاتف أو على الطبيعه.

في يوم من الأيام كانت ملك كالعادة تمارس هوايتها المفضلة وتجوب الإنترنت من موقع لموقع وفي نفس الوقت تحادث صديقتها في المدرسة عندما قالت لها سأعرفك على فتاة تعرفت عليها عن طريق الإنترنت وسوف تحبينها للغاية ، كانت ملك ترفض محادثة الشباب عن طريق الإنترنت لأنها كانت تعتبر ذلك غير مناسبا وخيانة لثقة أهلها بها فوافقت ملك على أن تحادث الفتاة فقد كانت تحب إقامة صداقات مع فتيات من جميع أنحاء العالم وفعلا تعرفت عليها فوجدت فيها الفتاة المهذبة الخلوقة المتدينة ، و وثقت بها ثقة عمياء وكانت تحادثها لساعات وساعات لتزداد إعجابا بالفتاة وسلوكها وأدبها الجم وأفكارها الرائعة عن السياسة والدين وكل شيء .

في مرة من المرات بينما كانت تحادثها عن طريق الإنترنت قالت لها هذه الفتاة سأعترف لك بشيء لكن أوعديني ألا تكرهيني عندها فقالت لها انا اقول لكى الصراحه انا شاب مصرى ولما عرفت انك مش بتكلمى شباب حبيت اتكلم معاكى بس انا حبيتك واعجبت بك جدا ومقدرش أخدعك اكتر من كده.

وتمر الايام وملك تعلقت بالشاب واحببته ولكنها رفضت التحدث معه حتى لا تخون ثقة أهلها بهـا

ومرت السنين ومازالت ملك تحب هذا الشاب المصرى ودخلت ملك الجامعه فى مصر رجعت مصر
علشان تدخل الجامعه.

وتقابلا بالصدفه وقد عرفها هذا الشاب لما شاهد دفتر محاضرتهـا فذهب الى بيتها وطلب يدها من ابيها وبعدها قال لها انه الشاب الذى رفضت التحدث له حتى لا تخون ثقه اهلها فيهـا
وبعدها وافقت وتزوجا الحبيبان.




المتسابق التاني
فكرته:

الفكره عباره عن واحده جميله جدا ورقيقه جدا بس للاسف جمال مظهري فقط انما روحها مش طيبه بتحب جدا توقع اي حد وسيم في شباكها وبعد كده ترميه وتسيبه وجمالها كان ميسر لها المأموريه دي ياما كسرت قلوب شباب وياما فرقت بين اتنين حبيبين.

لحد ما جه اليوم اللي شافت شاب اعجبت جدا بس هو الوحيد اللي قدر يقف اودام جمالها ويصدها ومكانش بيهتم بيها وعرفت انه بيحب واحده تانيه وقعت بينهم وقدرت تفرقهم عن بعض ولاول مره تضعف اودام دموع شاب لما شافته قاعد في ركن وعمال يعيط وماسك صوره حبيبته بيكلمها وحست بذنب كبير اوي لانها للاسف حبته هو وهو ميعرفش انها السبب في التفريق بينه وبين حبيبته انصلح حالها علشانه وبقت محترمه جدا ومرات كتير كان بيروح لحبيبته الاولى بس هي كانت بتصده وقالت له ان كل شئ بينهم انتهى خلاص وفي الوقت ده قربت منه اوي وقعد يفضفض لها وهي تبكي ومفكرها بتبكي علشان قصته وهي كانت بتبكي عشان فرقت بينهم وقالت انا هروح لها واعترف لها بكل حاجه سألت على بيت البنت وراحت لقت ان البنت دي سافرت بره.

وطبعا لما الشاب عرف كده حالته النفسيه ادمرت خالص وهي قربت منه اوي في المرحله دي لحد ما بدأ يتعلق بيها هي وبدأ يحبها وهي كانت دايما بتحس بالذنب عشان فرقت بينهم بس حاولت تعوضه عنها وكانت ليه اخت وصديقه يحكي لها همومه ويفضفض لها باللي جواه لحد ما اتعودوا على بعض اوي وقربوا من بعض اوي وقعد يفكر مع نفسه ان هو فعلا بيحبها ولا لاء وخد قراره انه يصارحها بحبه ده.

راح تاني يوم وقعد يدور عليها في الجامعه كتير وسأل عليها صاحباتها لحد ما لقى رقم غريب بيتصل بيه وبيقول له الحق دي فلانه في المستشفى طبعا اتجنن وركب اقرب تاكسي وراح هناك دخل لقى ممدده على السرير ومتعلق لها محاليل وجهاز رسم قلب جنبها قرب منها وقال لها بكل خوف وقلق ايه اللي حصل مالك يا حبيبتي . وقع بلسانه وقالها ولما سمعتها عيونها دمعت وطلبت من اللي موجودين يستنوا بره وصارحته بكل حاجه قالت له انها كانت واحده مش كويسه بتحب انها تقضي اليوم مع اي شاب وسيم عشان جمالها وخلاص وانها السبب في التفريق بينه وبين حبيبته وندمت اشد الندم على كده وحاولت تعوضه عن فقدها وانها حبته قام باصص لها والدموع في عيونه وانا كمان حبيتك اوي التانيه مكنتش بتحبني لان من اول مشكله تواجهنا سابتني وسافرت ومدتنيش فرصه ادافع بيها عن نفسي وسمعت من قريب انها اتخطبت ومزعلتش عشانها ومسامحك يا فلانه وبحبك طبعا هي قعدت تبكي بشده وقالت الكلام ده متأخر لاوانه اوي انا هموت خلاص هو قال بفزع ايه ازاي لا مش هتموتي ان شاء الله بتقولي كده ليه قالت له انا مريضه بالقلب من اكثر من سنتين ومش مكتوب لي اعيش كتير والظاهر ان دي النهايه قالها بكل حسره والم واسى اااااااااااااه عشان كده كان دايما بيجيلك شكه في قلبك وكنتي بتقولي لي عادي لا يا فلانه مش هقدر اعيش من غيرك انا بحبك اوي قالت له وانا كمان بحبك اوي هطلب منك طلب وارجوك تنفذه حب غيري وافتكرني بالخير بس واعرف انك السبب ان انصلح حالي واتجهت لربي بس ربنا مش رايد لي اعيش اكتر وانا مش معترضه على قضاء ربنا....... وقدره هو تجمع جواه كل مشاعر الخوف وقال لا متروحيش افضلي معايا هتعيشي يا فلانه هتعيشي ان شاء الله هتعيشي بصت له وقالت بوهن خلي بالك من نفسك وبصت في السقف ورددت الشهادتين وفجأه هديت حركتها وسمع صوت جهاز القلب وهو بيصفر جري بره يصرخ زي المجنون على الدكتور وجه الدكتور بسرعه وحاول يعملها صدمات كهربيه ولكن للاسف روحها فاضت الى بارئها خلاص بكى فراقها كتير جدا وعزم على تحقيق حلمها اللي دايما كانت بتقوله عليه ذاكر واجتهد جدا في دراسته لحد ما فتح اكبر شركه في مجاله ومحتفظ بصورتها على المكتب وهو قاعد مع نفسه قعد يكلم الصوره ويقولها انا حققت حلمك وحلمي واللي ساعدني صورتك اللي مفارقتش خيالي ولما كنتي بتجيلي في الحلم تشجعيني......... ومتزعليش مني يا فلانه مقدرتش انفذ كلامك بأني احب غيرك هحب غيرك ازاي وانتي مش بتغيبي عن بالي لحظه و ان شاء الله نتقابل في الجنه يا حبيبتي





والفوكيره اللى هتعجبكو
هنعملها قصه تكسر المنتدى:biggrin23:









منقول