الســلام عليــكم
القصة دي مقتبسه من أغنية .. بالله عليكم أقروها كويس جدًا

أتمني تعجبكوو


هو .. سامحني يارب .. سامحني يارب .. سامحني يارب .. يارب أحميني يارب .. يارب أهديني يارب .. انا عبدك الضعيف
لا إله إلا انت سبحانك إني كنت من الظالمين .. سامحني يارب .. سامحني يارب .. سامحني يارب .. انت بتقبل التوبة يارب .. وانا جايلك بتوب يارب .. سامحني يارب .. يارب نفسي أحلم بأمي .. يارب عايز أحلم بيها .. آآمين يارب آآميــن


انا مش عارفة إيه الى بيحصل مش فاهمه حاجة .. طاب ماتيجي نرجع فلاش باك نشوف إلي حصل


فــلاش بــاك 21 سنـــة

الأب : يادكتور عايزين نعرف إيه إلي مأخر الحمل ..؟!

الدكتور : طاب أتفضلي يامدام

بعد الكشــف

الدكتور : مفيش اي حاجة مأخرة الحمل .. بس عايزين نعمل شويه فحوصات علي المدام عشان انا شاكك ف حاجة .. وإن شاء الله خير

الأب : يارب يادكتور يارب

وبعد ماطلعوا من العيادة

الأم : تفتكر هحمل ..؟!

الأب : خلي الأمل فى ربنا كبير

الأم : ونعمة بالله .. يارب

لما روحوا البيت .. ساكنـين ف فيلا جميلة جدًا .. قصادها جنينة

عدي اليوم وجه وقت الفحوصات ..

الدكــتور : مبروك المدام حامل

الأب : بجد يادكتور ..؟!

الدكـتور : قلتلك إن شاء الله خير .. بس بلاش إرهاق

عدت الشهــور .. وولـدت الأم .. وزرعت ف جنينتها بــذرة

بدأت البذرة تكبر والولد يكبر

نرجع للحــــــاضر

الولد نايم علي سريره بس مفتح عينه

هو .. يارب يارب .. ياريت إلي جرا ماكان .. ياريتني كنت لحقت نفسي ..

وبدء يعيط ويبكي .. ويفتكـر إلي حصــل ..

فــلاش بـــاك سنين لــورا

ندي : ياواد بطل بقي

لؤي : أبطل إيه ..؟!

ندي : هههههـ .. ياظريف

لؤي : ماشي ماشي .. قوليلي أجيلك الساعة كام ..؟!

ندي : كالعادة يا حبيبي .. تعالي كده الساعة 3 ونص مثلا

لؤي : لالالا خليها بدري عشان الكلام هياخدناااا اووي

ندي : ههههههـ .. ماشي ياشقي يبقي 1

لؤي : تماام يا قشطة .. هقوم انا بقي

ندي : إيه وراك معاد تاني ..؟!

لؤي بهزار : وانا ورايا غيرك يا نودي .. اقفلي الإيميل يابت وبلاش قلة أدب

ندي : ههههههـ .. بس ياواد ورايا تظبيطات تاني بقي .. الله

لؤي : ياااا بت .. يلا بيس

ندي : بيس

انا لؤي .. 21 سنــة .. كلية زراعة .. عايش زي مابقيت الناس عايشة .. بالطول والعرض .. اي حاجة تدخل دماعي بجيبها .. مش بتفرق معايا اي حاجة ..

لبس لؤي وهو نازل ..

الأم : لؤي يابني رايح فين ..؟!

لؤي : كورس ألماني ياماما

الأم : كورس الساعة 11 يا لؤي

لؤي : اه ياماما سلام بقي عشان متأخرش

الأم : طيب

لؤي : بقولك ايه عايز عشرين كده عشان الكورس

الأم : مش أبوك لسه مديك إمبارح 30 ..؟!

لؤي : مانا .. بتاع دا .. قصدي مانا 20 كورس و10 أكل ياماما ..
وبدء يزعق .. مدام مانتوا مش واثقين فيا يبقى سيبوني ف حالي بقي ..

ونزل وخبط الباب وراه ..

نروح للأم .. سابته وراحت تصلي ..

الأم .. يارب أهديه يارب .. لو كان في أمل إنك تهديه يارب .. أهديه .. يا أما تاخده جمبك يارب .. مش قادرة أستحمل .. أدتنى طاقة يارب وأبني أخدها كلها مني .. يارب لو فيه أمل أهديه يارب ..

نـروح للؤي .. إلي وصل عند أصحابه

لؤي : انا جيت يا قطة ..

مصطفي : شرفتينا ياكلبة

وكلهم بيضحكة

لؤي : لم نفسك ياض .. فين حشيشي ..؟!

علاء : خدي يا حبيبتى

وطبعـًــا .. سهرة زي دي لا تخلو منها الأفلام إلي خارجة عن نطـاق الأدب ..

خلص السهرة بتاعته وهو مـروح .. ومش شايف حاجة أكيد .. ماشي ف الشارع .. بيبص جمــبه .. وطــــــآآآآخ

لؤي وهو بيحاول يقوم من ع الأرض : إيه ياعم مش تاخد بااالك

ولد : معلش حصل خير انت كويس ..؟!

لؤي : كويس اه ..

ولد : طاب تعالي أوصلك بدل ماتمشي

لؤي : ماشي

ووصــله بحكــم إنه خبطـه ..

ولما روح بيته ..

الأم : يالهوووي يابني إيه الى حصل

لؤي : واحد خبطني يا ماما

الأم : طاب مروحتش المستشفى ليه ..؟!

لؤي : خلاص مش مهم

الأب بنبرة شك : خبطك ..؟!

لؤي : ايوة ياعم خبطني

الأب : عم ف عنيك ياقليل الأدب يا سافل .. دا انت ريحتك كلها سجاير يامعفن

لؤي بصرييخ : أبعد عني بقي تعبتني حراام عليك

وشويه خناقات .. والأم بتحااول تحوش منهم وهي بتعيييط

مرت الساعات وجت الساعة 2

نزل من غير ماحد مايحس .. راح يقضي مشواره مع ندي ..

وبعدين روح البيت الساعة 6 ونص .. أمه كانت قاعدة مستنياه عشان قلقت عليه من خناقة أبوه

الأم : كنت فين لغاية دلوقتى ..؟!

لؤي : كنت بصلي ياماما ..

الأم : ماشي .. أعملك أكل ..؟!

لؤي : لا مش عاوز ..

أتجه ناحية المطبخ .. وأمه مراقبة خطواته .. وبعدين دخل أوضته .. ومطلع منها غير بعد ساعة .. وراح المطبخ .. غسل الكباية وراح نام

امه لما دخلت وشافت الكباية .. وشمت ريحتها .. عرفت إن دي ريحة خمرا .. وأول كلمة قالتها

الأم .. يارب أهديه يارب

صحــي الساعة 3 ونص العصر .. وجري ع الأب توب بتاعه

ولما فتح ..

إيمان : السلام عليكم

لؤي : وعليكم السلام

إيمان : أزيك النهاردة ..؟!

لؤي : الحمدلله علي كل شئ .. أزيك أنتى ..؟!

إيمان : الحمدلله كويسه

لؤي : العصر بيأذن لازم نصليه .. يلا قومي

إيمان : بارك الله فيك .. يلا نقوم

وبعد ماصلو .. أو بعد ماهي صلت .. وهو راح يتغدي

إيمان : تقبل الله

لؤي : منا ومنكم إن شاء الله

إيمان : حساك مختلف عن كل الشباب .. كلهم بحسهم مش محترمين .. ومش بيراعوا الفروض ف وقتها ..

لؤي : انا بعمل حساب إني هقف قدام ربنا يوم القيامة

إيمان : صح .. هو دا الصح

وقعـدوا يتكلمـوا كتير .. وهو مستمر علي نفاقه .. وبعدها بأسبوع

لؤي : انتى مجنونة .. صدقتي انى ممكن اتجوز واحدة بتكلم ولاد

إيمان : بس انت وعدتني .. انا كلمتك انت لوحدك ومن ساعة ما حبيتك مكلمتش غير والله العظيم

لؤي : يلا يابت من هنا انا مش بتاع جواز ..

قفل معاها ونزل ف معاده المعتاد مع أصحابه .. وهو رااجع
خبطته عجــلة .. وعمل خناقة مع صاحب العجلة

بس عدت علي خير .. وما وصل بيته

الأب : ايه الى عمل فيك كده ..؟!

لؤي : كنت بتمرن ووقعت من علي الآلة

الأب : بتتمرن ..؟! ماشي ..

دخل أوضه أمه ..

الأم : ايه دا هدومك مقطعة ليه ..؟!

لؤي : خبطتني عجلة

الأم : يابني خلي بالك .. دي علامات من ربك .. التالته تابته .. ومحدش عارف إيه الى ممكن يحصلك ..

لؤي : ماشي ماشي ..

طلعت رحلة ف الكلية .. إلي هو مدبلر فيها سنتين .. كان لازم يكون متخرج دلوقتى .. وطبعًــا طلع الرحلة .. وأخد معاه اللاب توب بتاعه .. وسافروا الأقصر .. هو والشله بتاعه الزبالة زيه ..

مصطفي : بقلكوا إيه ..؟! الوزة الى هناك دي .. ماتيجي نتراهن عليها

لؤي : فين دي .. اااه .. لا وزة فعلا .. موافق ع 50 جنية ..

وبدءوا يتسابقوا عليها فعلا .. لسوء حظهم كانت محترمة وصدتهم كلهم .. وهما راجعين من الأقصر مرضيوش يركبوا الميكروباص مع بقيت الشباب .. روحوا بالعربية بتاع واحد فيهم

وهما ف نص الطريق .. طلع عليهم قطاع طرق ..

واحد : اطلع ياض بالفلوس منك له

لؤي : معنااش فلووس ياعم .. وإحنا مش بنتهدد

واحد : هتطلع يعني هتطلع ..

طلع عليه المطوة وأخد منه اللاب توب .. ولؤي مكانش معاه حاجة يدافع بيها عن نفسه ..

مصطفي : أديله أم اللاب خليه يمشي

لؤي : لالالا إلا اللاب بتااعي

بالعفيا وبالذوق أخدوه .. وعد مامشيو

لؤي : محدش ليه دافع عني فيكو يا زبالة

علاء : زباااالة ..؟! طاب وحياة أمي لاحنا سايبينك هنا

وطلعوا بالعربية وهما عمالييين بيتضحكووو ..

لؤي .. ياولاد الازينا .. انا تعملوا فيا كده وربنا لأوريكو


فضل لؤي قاعد بالسعات ومفيش اي عربية عايزة تعدي .. قعد يتمشي شويه .. وكان خايف جدًا .. لإنه فى مكان صحراوي لوحده 5 الفجــر .. لغاية لما عدت عربية .. ف عز سرحاانه .. محسش بيها وووطــآآخ ..


وعشان ربنا بيحبه محصلهوش حاجة .. وقعد يفكر إن دي فعلا كلها علامات من ربنا .. قطع تفكيره الشخص الى خطبه

واحد : انت كويس يا أستاذ..؟!

لؤي بوجع : ااااه كويس .. ممكن توصلني

واحد : يعني متأكد منروحش مستشفي ..؟!

لؤي : لا شكرًا

وروحــه برضه .. دايمًا كل حوادثه حد يوصله .. دليفيري ..

وصل بليل خاالص ومحدش كان معاااه .. قعد يفكر وهو متضاااايق جدًا


لؤي .. إيه المصايب دي كلها ..؟! .. اللاب توب اتسرق .. دي امي لسه بتدفعه أقساط لغاية دلوقتى .. أعمل إيه .. وأصحابي ولاد الازينا باعووني والله لووريهم ..


غير هدومه وأخد شاور .. ونزل علي أذان الـفجر بظبط قعد يتمشي ع البحــر .. وفرد جسمه ع الرمل .. وفضل باصص للسماء

لؤي .. انا أتدمرت .. كل حاجة ضاعت مني .. كل حاااجة .. أعمل إيه بس .. أعمل إيه ..؟؟! .. انا عايزة أصلي .. :shocking::shocking:

وبالفعل دخل جامع وصلي مع الناس .. وبعدين لقي ناس متجمعين .. قعد معاهم وسمع كلامهم .. مشاعره كانت أقوي منه وكلامهم خلاه يعيط .. ويعيط بحرقة اووي علي السنين الى عدت من إيده وهو ضاايع ..

خلص معاهم وقام عشان يروح .. وهو بيفتح بمفتاح الشقة .. لقي الباب أتفتحله .. أكيد قال أمو لإن أبو نايم وبيشخر دلوقتي ..
وبمجرد مادخل أتفاجأ إن أبوه الى فتحله ..

الأب : كنت فين ..؟!

لؤي : بصلي

الأب ضحك ضحكة إستهزاء

لؤي : انا عايز انام لو سمحت

الأب : تعالي دا الأكل اتحضر ..

وفجــأة مسك الأب وائل من إيده .. ودخل الأوضه بتاعت لؤي وقفل عليه .. ومسك الحزام .. ونزل ضرررررب فيه ..

لؤي : حراااااام عليك .. سبنيي حرام عليييك كفاااية سبني

والأب مستمر .. ولؤي عماال يصرخ بعلو صووته وعماال يعيط

لؤي : حراام عليك عقدتنى فى عشتي .. ربنا ياخدني عشان تستررررريح .. آآآآآآآآآآآآآآآآآه .. إبعد عني بقي أبعد عني

صحيت الأم ف الوقت دا وبتحاول تفتح الباب مش قادرة .. لدرجة إن
الجيران خبطوا عليهم .. والأم من حيرتها مش عارفة تعمل إيه .. لبست حاجة علي شعرها وفتحت الباب وهي بتطلم

الأم : ألحقوو الرااجل هيمووت الواااااد

دخلوا الجيران وبالعفيا شاالوا الأب من علي لؤي


لؤي : والله ما قاعدلكم فى البيت .. انت مش أب .. انت شيطااااااااان .. انا مش عاايز حااجة منك خلاص .. زهقت منك .. وعرفت انك مش عايزني أبقي أبنك .. خلاص خسرتني ومش عايز حاجة تاني ..

سبلهم البيت والأم قعدت ع الأرض وعماااله تلطم

الأم : أستني يابني ماتمشيش .. أرجعلي يا لؤؤي إرجعلي .. استنى يااابن بطني .. يااااارب

الأب وهو ف حاله إنهيار : خلاص سيبيه يغور ف داهيه مش عايزين حاجة .. خليه يروح ويتعذب ويشووف الناس عايشين ازااي

خرج لؤي .. وعنيه بتدمع .. والسماء بتمطر .. وراح قعد فى شقة كان عاملها للـحشيش ..

وتاني يوم الصبح .. فتح التلفزيون علي موت أصحابه .. كانوا سكرانين والعربية أتقلبت بيهم .. قعد يحمد ربه كتير جدًا

قعد فيها ..

بعد مرور كام يوم نروح نشوف حالة الأم ..

طلعت من الفيلا راحت للبذرة إلي زرعتها لما ولدت لؤي .. البذرة دي بقت شجرة

الأم وهي بتعييط : قوليلي مين الغلطاان .. الواد ضاع من إيدي .. سنين وسنين عماله أربي فيه وأسقيكي .. وانتى الى طمر فيكي وابني الى سابني وجه عليا ومشي ..

وتعدي شهووور وأيااام .. والأم من كتر البكــي بقيــت عميــا ومش بتقدر تشـوف

لؤي لسه عايش ف الشقة .. وهو قاعد بيدعي

هو .. سامحني يارب .. سامحني يارب .. سامحني يارب .. يارب أحميني يارب .. يارب أهديني يارب .. انا عبدك الضعيف
لا إله إلا انت سبحانك إني كنت من الظالمين .. سامحني يارب .. سامحني يارب .. سامحني يارب .. انت بتقبل التوبة يارب .. وانا جايلك بتوب يارب .. سامحني يارب .. يارب نفسي أحلم بأمي .. يارب عايز أحلم بيها .. آآمين يارب آآميــن .. يارب يارب .. ياريت إلي جرا ماكان .. ياريتني كنت لحقت نفسي ..

ودخل عشان ينام .. وأمه جتله فى حلمه ..

الأم : أرجعلي يا لؤي .. وحشتنى يا أبني اوي .. والبعد هيموتنى .. وممكن أموت ف أي لحظة .. نفسي أشوفك

لؤي : وحشتيني يا أمي أكتر .. والله هرجعلك يا أمي .. ومحدش هيقدر يمشيني تاني .. واي حاجة هتطلبيها مني هنفذها لو علي دمي .. اديني راجعلك يا أمي

وبمجرد ماصحي من النوم .. لبس وراح لبيته .. اول ماخبط .. لقي أبوه فى وشي .. خلاه يتوه ومبقاش بيفكر ف أي حاجة .. شاف دمع في عين .. هخلاه يتوه ومبقاش بيفكر ف أي حاجة ..

لؤي : لالالالالا اوعي تصدمني اوعي تقولي .. امي فينهااااا .. أمي فينهااااااااا

الأب : امك ماتت .. ماتت وانت مسألتيش عليها .. ماتت بحسرتها عليك بعد مانزلت بدل الدموع دم وبقيت عمياااا

لؤي : لالالالالالالالا انت بتكدب عليا .. قعد ع الأرض وقعد يصرخ ويلطم .. لا يا أمي انتى قولتلي أجيلك يا أمي .. انتى سبتيني لالالالا يارب يارب .. عايز أشوفك يا أمي .. أرجعيلي .. انا أسفة انا غلطاااان .. انا السبب انا الى قتلتك سامحيييني يا أمي سامحيييني .. :sadd::sadd:


***


إذا دق الموت بابي .. وشاء الرب ان يطوي شبابي ..
سأموت ويبقي حبك فوق التراب ..
عادي عادي كله عادي راجع بيته متأخر ..
عارف أن أبوه نايم بيحلم نايم بيشخر ..
بس اتفاجأ لما أبوه فتحله وقاله أتفضل ..
قاله بطريقة غريبة تعالي دا الأكل أتحضر ..
قفل عليه كده بابو ..
رفع عليه حزاموه ..
وعمال فى جسمه يضرب ..
والواد بيحاول يهرب ..
عمال يصرخ عمال يبكي حرام عليك كفاية سبني ..
والأب بيضرب مش كل مرة هتسكتني ..
أمه قامت مفزوعة ..
تجري وهي موجوعة ..
ماهو كل يوم لازم بتسمع منهم الموسوعة ..
مش عايز حاجة منك ..
زهقت خلاص انا منك ..
وعرفت برضو إنك ..
مش حابب إني ابقي أبنك ..
خلاص خسرتك ..
وهنسي سيرتك
وابقي ف ذاكرتك ..
تايه ف أرض فاضية ..
او غرقان ف بحر حيرتك ..
هلف وأدور ..
أطلع ف النور ..
أشوف قصور ..
بس متجيش تقولي انا ياما شلتك ..
أرجعلي يابنى استنى يابني يانبض قلبي حرام عليك كفاية أرحمني يابن بطني .. خلاص سيبيه هيمشي ويرجع وإيه الى يمنع من إنه يلف يمين وشمال ويروح ويسمع ..
أستنى يابني أرجعلي يابني يانبض قلبي حرام عليك كفاية أرحمني يابن بطني ..
خلاص سيبيه هيمشي ويرجع وإيه الى يمنع من إنه يلف يمين وشمال ويروح ويسمع ..
الدنيا تمطر والسماء تبرق .. وهو حالف إنه هيخرج .. وعنيه بتبرق ..
بدمع قلبه .. بجرح عقله .. وجعله قلبه ..
غلط كتير خسر كتير كره أبوه وشالو ..
زرعت فى الأرض بذرة ..
بذره فى أرض خصبة ..
من جوا قلب العذبة ..
الحمل حقيقي مطلعش كذبه ..
وهتعمل إيه ..
والدنيا معاد ونسبة ..
ماهو أصل شاء مالك الملك يبقى جنين وتبقى بذرة ..
ويوم ماولدت النبته طلعت ..
الأهل فرحت .. أيام تمر ..
كبر الواد والنتبه كبرت ..
وتعدي سنين وأيام بتربي وتروي كمان ..
والشجرة إلي كانت بذرة قويت مع الزمان ..
كبر بقي إنسان قادر يقول كلام ..
خلاص خلاص عالم بيشق طريقه وسط الزحام ..
وتعدي أيام وتمر ..
منها ينفع يضر ..
والحزن ف قلبي الحزن ف قلبي مابيسر ..
زرعت فى الأرض بذرة ..
بذره فى أرض خصبة
من جوا قلب العذبة ..
الحمل حقيقي مطلعش كذبه ..
هتعمل إيه ..
والدنيا معاد ونسبة ..
ماهو أصل شاء مالك الملك يبقى جنين وتبقى بذرة ..
جنين وبذرة .. ف أرض خصبة من جوا قلب العذبة ..
الحمل حقيقي مطلعش كذبه ..
هتعمل إيه ..
والدنيا معاد ونسبة ..
ماهو أصل شاء مالك الملك يبقى جنين وتبقى بذرة ..
الأم خرجت قدام بيتها ..
فى حته قدام بيتها ..
جريت بتكلم شجرة ..
لما ولدت زرعتها ..
جريت عليها سألتها ..
منها نزلت دمعتها ..
هي الدنيا دي قسية ولا إحنا الى مش فاهمينها ..
من سنين وانا بروي فيكي وبربي ضي عنيا..
وانتى الى طمر فيكي .. وابني الى جه عليا ..
وتعدي سنين وتكتر والقسوة ف القلب تكبر والأم من كتر البكا ظهرت عميا ومش بتقدر ..
قعد علي سجاة ربه ..
بيدعي ربه ..
إنه يحميه ..
إنه يهديه ..
إنه يغفرله ..
وبعد ماصلي وقام ..
دخل عشان ينام ..
وبيدعي من كل قلبه ..
أمه تجيله ف المنام ..
امه جتلو فى منامو وحشها حبو وحنانو ..
بصتله وهي بتبكي وبتسمع منو كلامو ..
قالتلو أرجعلي اصل انت واحشني ..
والبعد حايشني ..
وف اي لحظة الموت عنك ممكن هيحوشني ..
والله راجع يا أمي تحضني فيا وتضمي وإلي مني هتطلبيه راح يصير ولو بدمي ..
والله راجع يا أمي تحضني فيا وتضمي وإلي مني هتطلبيه راح يصير ولو بدمي ..
بسرعة رجع لبيته ضحكته بعد ماخانته ..
خبط علي بابو فتحله أبوه ..
شاف دمع في عينه .. خلاه يتوه ..
اوعي تصدمني أوعي تقولي هي فين امي .. ؟! هي فين امي .؟!
قالته امك ماتت .. يعنى شمس الفرحة غابت .. مشيت وسابت .. احزان تلال ف القلب دابت ..
الأم ماتت .. يعني شمس الفرحة غابت .. مشيت وسابت .. أحزان تلال .. ف القلب دابت ..







منقول