كل عام وأنتم بخير أعاده الله علينا بالخير واليمن والبركات ...



بصراحه بقى انا جايه اتكلم معاكم فى موضوع مهم اوى

حتى مردتش اعمله فى ركن حوارات ولاالركن الاسلامى
ولا حتى فى اى مكان فى القهوه الا هنا معلشى ياحبايب قلبى استحملوا الموضوع طويل اوى بسـ مش هتملوا منه .. مش هرغى كتير ...بس ..


اشهدوا انتوا يا جماعة



لما يكون صاحبتى .. و صديقه عمري ...



بقالي معاها سنين طويلة



وقفت معاها في حاجات كتير



و هى برضه بصراحة وقفت جنبي كتير ..



و قضينا مع بعض أيام جميلة


و ذكريات عمرها ما تتنسي ....



و لما ييجي الموقف اللي هاحكيلكم عليه كمان شوية ده



أصعب موقف ممكن يعدي عليا على الإطلاق



لما ابقى في الموقف ده



و محتاجه أي حد يساعدني ...




صاحبتى بتخلي عني في وقت زي ده ؟؟؟؟؟


و كمان .. تبقى ضدي .. ؟؟؟؟



يرضيكم ؟؟؟؟



دى تستحق تبقى صاحبه ....؟؟



أنا هاحكيلكم على الموقف اللي حصل معايا عشان تعرفوا قد إيه هى سابتني في وقت صعب







تخيلى إنك واقفه في عز الحر ...
حر جامد جداااااااااااااا
عطشانه جدااااااااااا
هتموتى من الجوع ...
التعب هيقتلك ....
تخيلوا إنكوا واقفين كده ...
لمدة عشر ساعات .....
يااااااااااااااااااااه .. عشر ساعات ؟؟؟؟
ده الواحد يموت من أول ساعة
طيب تخيل لو عشرين ساعة !!؟؟؟؟؟
إيه يا طنط سما الكلام ده ؟؟؟؟
انت عاوزه تقولى إيه ؟؟؟
أنا باقول كده عشان تتخيلوا الموقف اللي حصل معايا .. قد إيه كان صعب
الموقف ...





إني كنت واقفه
في عز الحر .. و الجوع .. و العطش .. و التعب
لمدة ..









































50 ألف سنة
أيوة ...
يوم القيامة
كل الناس واقفين ..
الشمس فوق الرؤس
العرق مغرقهم
حلوقهم هتتقطع من العطش
هيموتوا من الجوع و التعب
50 ألف سنة
مرعوبين إن ربنا يدخلهم النار بعد كل ده
نفسهم ياخدوا حسنات من أي مكان .. عشان تدخلهم الجنة
نفسهم حد يشفعلهم عند ربنا عشان يعدي اليوم ده
و ينجيهم من النار
ربنا بيقول عن صعوبة الموقف ده
{فَكَيْفَ تَتَّقُونَ إِن كَفَرْتُمْ يَوْماً يَجْعَلُ الْوِلْدَانَ شِيباً }المزمل17
يعني الولد الصغير اللي مات و هو لسه صغير.. و مش هيتحاسب أصلا ..
شعره هيشيب من رعب اليوم ده
و في عز الموقف ده ...
صاحبتى اللي كنت معاه في الدنيا على طول
و كان بتقف جنبي في المواقف الصعبة
لو كان بعيد عن ربنا ....
هيتخلى عني ...
مش بس كده ...
ده هيبقى عدوي ....
قال الله تعالى
{الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ }الزخرف67
طيب بالله عليكم ....
دى تستحق انى اصاحبها.. ؟؟؟




*********




طيب لما واحد ييجي في اليوم ده ...
يلاقي إنه برغم إن عمله قليل ....
مش واقف في الشمس زي بقية الناس






لأن صاحبتها كانت انسانه بتقى ربنا .. و كانوا بيحبوا بعض في الله
فيلاقوا نفسهم واقفين في ظل عرش الرحمن






( سبعة يظلهم الله في ظله يوم لا ظل إلا ظله )


منهم


(ورجلان تحابا في الله اجتمعا عليه وتفرقا عليه. ) رواه البخاري
و بعدين تلاقي .. إنك برغم من إنك ماكانتش مجتهد في العبادة زيه ..
تلاقي ربنا غفر لك ذنوبك ....





لأنك – بس – كنت بتقعد معاه في جلسات الخير ...
ربنا بيكلم الملائكة وهم بيوصفوا حال الناس اللي بيذكروا ربنا
فيقول :

" فأشهدكم أني قد غفرت لهم . قال : يقول ملك من الملائكة : فيهم فلان ليس منهم ، إنما جاء لحاجة . قال : هم الجلساء لا يشقى بهم جليسهم "

رواه البخاري






و لما يشفعلك و تدخلوا الجنة ...
تقعدوا جنب بعض
{وَنَزَعْنَا مَا فِي صُدُورِهِم مِّنْ غِلٍّ إِخْوَاناً عَلَى سُرُرٍ مُّتَقَابِلِينَ }الحجر47
و تقعدوا تفتكروا الأيام اللي كنتوا بتطيعوا ربنا فيها
"وَأَقْبَلَ بَعْضُهُمْ عَلَى بَعْضٍ يَتَسَاءلُونَ{25} قَالُوا إِنَّا كُنَّا قَبْلُ فِي أَهْلِنَا مُشْفِقِينَ{26} فَمَنَّ اللَّهُ عَلَيْنَا وَوَقَانَا عَذَابَ السَّمُومِ{27} إِنَّا كُنَّا مِن قَبْلُ نَدْعُوهُ إِنَّهُ هُوَ الْبَرُّ الرَّحِيمُ{28}


الطور
و تفضلوا تتمتعوا بمتع الجنة
و تحمدوا ربنا اللي هداكم في الدنيا و دخلكم الجنة
{وَنَزَعْنَا مَا فِي صُدُورِهِم مِّنْ غِلٍّ تَجْرِي مِن تَحْتِهِمُ الأَنْهَارُ وَقَالُواْ الْحَمْدُ لِلّهِ الَّذِي هَدَانَا لِهَـذَا وَمَا كُنَّا لِنَهْتَدِيَ لَوْلا أَنْ هَدَانَا اللّهُ لَقَدْ جَاءتْ رُسُلُ رَبِّنَا بِالْحَقِّ وَنُودُواْ أَن تِلْكُمُ الْجَنَّةُ أُورِثْتُمُوهَا بِمَا كُنتُمْ تَعْمَلُونَ }الأعراف43
بالله عليك ...
حد يفرط في صاحبه زي دى ؟؟؟؟؟










منقول