بسم الله الرحمن الرحيم

انهرده عاوزين نتكلم فى موضوع صدعنى انا بجد

كل متقعد مع واحد يسالك سؤال غريب ايه مش ناوى نفرح بيك ولا ايه

ايه يا عم هونا شعرى ابيض ولا ايه

ولا تقعد مع الست الوالده تقلك ربنا يابنى يديك بنت الحلال

يا ستى ادعيلنا يدينا ربع جنيه افيد

بقى كل هم الناس انها تتجوز وخلاص ايه يعنى انا مش شايف ان الموضوع ده هموت الانسان لو متحققش

ولا البنات من 15 سنه و هتتهبل على الجواز توصل 25 ولسه تحس انها عدت الخمسن ولا امها تقلها انا عارفه الشباب عميو مش شايفين الحلاوه دى

حتى هنا فى المنتدى لاحظت ان فيه اعضاء 15 سنه ومنزلين مواضيع على الجواز طيب خلصو مدارسكو وبعد كده فكرو

محدش فينا عارف الظروف المهببه الى بقينا فيها انا مطلوب منى واحنا فى قريه مش مدينه على الاقل 200 الف جنيه علشان اتنيل طيب اجيبهم منين حتى مفيش حد يتسرق دلوقتى

يا جماعه الدنيا مش كلها جواز وبعدين سن الجواز الطبيعى دلوقتى بقى فوق الخمسين دا الى حظو كويس

اتمنى انى اعرف منكم احنا ليه بقينا كده مفيش فى دماغنا غير الموضوع ده ؟

ايه سبب انه كل ميغلا الذهب يعلى المهر والله عيب تروح لابو العروسه تحس انك بتشترى بقره

الكلام فى الموضوع ده مش هيخلص واتمنى ان الناس تبطل تعزينا فى حالنا بالاسئله السخيفه دى؟

فى النهايه الحياه عجوه

تحياتى للجميع مستنى رئيكم






منقول