يا نيلنا يا حب ايامنا ..

**وردة الايمان** · 26-12-2009, 01:03 AM

يا نيلنا يا حب ايامنا ....يا أصل جدودنا ووجودنا .

لو نطق الدم فـ عروقنا ...لكان لحبك فـ قلوبنا .

شاهد ودلـيل ..

على حب النيل ..

لو يقدر الورد وزهوره ....يوصف شوقه وحبه وجنونه .

لكتب الورد فى كفوفه ....بكل معانى الحب وحروفه .

بحب النـيل ..

وعلى غصنه يميل ..

من حب النيل .

اتباهى بنبعك الصافى ....واروينا بحبك الدافى .

دا خيرك نبت اراضينا ...وهواك لحزننا شافى .

تلاغيك الشمس فى سماها .

وانوار ليلك تغنيلك .

اغانى العاشق يهواها .

وضى القمر يحكيلك ..

احلى ليالى عشناها .

معاك يا نيل ..يا رمز جميل .

للخير ..والأمل ..وللحب سبيل .

بحبك يا نيل ..

**nasr** · 26-12-2009, 10:27 AM

برافو يا أستاذة

لقد لمستي مكانة النيل في قلوبنا
أحييكي وأتمني المزيد من السهل الممتنع .

**وردة الايمان** · 26-12-2009, 11:05 AM

المشاركة الأصلية كتبت بواسطة nasr

برافو يا أستاذة

لقد لمستي مكانة النيل في قلوبنا
أحييكي وأتمني المزيد من السهل الممتنع .

اشكرك جدا يا نصر ...

على ردك على موضوعى ..

وانا اللى احيك واتمنى انى اشوف المزيد من اشعارك ..

**AFIFI MOSTAFA** · 26-12-2009, 03:45 PM

الله عليكى يا وردة
وردة بتلاغى النيل والنتيجة قصيدة ملهاش مثيل

عفيفى

**fagrmasr01** · 26-12-2009, 03:49 PM

تلاغيك الشمس فى سماها .
وانوار ليلك تغنيلك .
اغانى العاشق يهواها .
وضى القمر يحكيلك ..
احلى ليالى عشناها .
معاك يا نيل ..يا رمز جميل .
للخير ..والأمل ..وللحب سبيل .

وردة

من اروع ما كبتى وأبدعتى فعلا يا وردة
تشبيهاتك حلوة اوى وواضح فيها الحب
أشعارك بتعجبنى جدا يا وردة من حلاوة تشبيهاتك وسلامة وزنها
كل بيت على حدة له جرس موسيقى جميل مع صيغ جمالية رائعة فعلا .. وروعتها فى سهولتها وفى حسن توظيفك لكل معنى فى مكانه بسهولة جميل وانسيابية اكثر من رائعة

وردة
القصيدة كلها متجانسة وموزونة .. وتجانسها يعطى نغمات جميلة
تسلم ايديكى
اتمنى ان دائما ارى جديدك