* دردشه * فكره جديده

**وردة الايمان** · 20-12-2009, 07:27 PM

اعضاء منتدانا الكريم ...

جيبلكم فكرة موضوع جديد ...ويارب تعجبكم ...

كلنا متفقين ان المنتدى هو بيتنا الثانى واننا كلنا فيه اسره واحده ...

ومن الطبيعى ان افراد الأسره يتعرفوا على شخصية بعض وطريقة تفكير كل واحد فيهم وايه الصفه الغالبه على كل منهم ...

وطبعا علشان نوصل للنتيجه دى لابد من الحوارات والمناقشات ..
وهى فكرة الموضوع الجديد ...

دردشه ...أو ...حوار على الهوا .

ومن خلال موضوع دردشه ..هيتم الآتى ...

سيتم توجيه اسئله لأحد الأعضاء ( طبعا ليست اسئله شخصيه ) هتكون اسئله عامه ومش هتكون ثابته طبعا ..

يعنى الأسئله هيتم تغيرها حسب العضو ( الضيف ) ..

وسيتم الاجابه على كل سؤال مباشرة ...

واتمنى طبعا بعد هذه الأسئله ان نستطيع تحديد شخصية هذا العضو ..

وطبعا انا عارفه ان كل اعضاء المنتدى مميزين ...بس بالتأكيد ...

هيكون لكل منا صفه غالبه عليه ...وهنا هييجى دور باقى الأعضاء لتحديد هذه الصفه ..او ( تحديد شخصية العضو )...مثلا متعاون ..متسامح ...صادق ...رومانسى ....وهكذا ....

الدردشه او الحوار على الهوا علشان يتم لازم يكون الطرفين ( الذى يحاور ) و( العضو ) موجودين فى نفس الوقت ..
ولن يزيد هذا الحوار عن ربع ساعه ان شاء الله ...

علشان الفكره توضح ....لازم نعمل تجربه ...

والتجربه هتكون قويه ...لأن الضيف هيكون ...

أستاذ محمد ....( الاحباب )

وهبلغكم بميعاد الدردشه او الحوار ..

ويارب يكون موضوع جميل ...ويقربنا كتير من بعض ..

وياريت تقولولى رأيكم فى الموضوع ده ....

**اميرة حبى انا** · 20-12-2009, 11:46 PM

جميلة اوى الفكرة
بس للاسف مكانها مش هنا
تنقل لقسم النقاشات الجادة

**وردة الايمان** · 21-12-2009, 01:02 AM

جميل جدا يا أميره ان الفكره عجبتك ...

وجميل برده انك نقلتى ...الموضوع فى قسم النقاشات

لأنى فعلا عايزه اعرف رأى الأعضاء فيه ..

وهنبدأ أول دردشه ان شاء الله ...

غدا ( الاثنين ) بالليل الساعه تقريبا 11

مع استاذ ...محمد ابو زيد ..( الاحباب )

واتمنى ان الفكره تنجح ..وتنول رضا كل الأعضاء ..

وياريت اللى يحب يشارك معانا فى الدردشه او الحوار يكون موجود فى نفس الميعاد ..

ولكم منى كل امنيات الحب والسعاده ...