قلتلك اسفه .... اعملك ايه يعنى
انا اسفه
اسفه انى قتلتك بغبائى
اسفه انى مش بقدر و مش بفهم
اسفه انى خسرتنا حاجات كتير حلوه
اسفه انى مش بفهم
اسفه انى مسمعتش كلامك
خلاص اعتذرتلك .. هموت نفسى يعنى
يا تقبل اسفى يا تولع بجااااز ...
اسهل حاجه ف الدنيا انك تعتذر
إعمل مصيبه .. و إعتذر
إجرح و إظلم .. و إعتذر
خلاص اعتذارك دا مسح الى فات
إعتذارك دا اللوم هييجى عليا لو مقبلتوش !
طب انا مش قابله إعتذارك
و إخبط إنت دماغك ف الحيط
ايوه انا مزودها و محبكها
سمينى مجنونه سمينى ذى ما تسمينى
انا كدا و مفيش غير كدا عندى
طب ليه جرحتنى و ظلمتنى من الاول !
طب ليه عملت موقف وحش معايا !
طب ليه تأذى حد بتحبه او بتعذه
ليه و الف ليه !
ولا انت فاكر الى قدامك ساذجه
و كلمه اسف هتمحى كل الى فات
طب انا مش من النوع الى بسامح
و من النوع الى مش بنسى الى جرحنى و لو بكلمه
ليه سهل تذعلنى و تجرحنى
و سهل تعتذر و عاوزنى انسى
و سهل كل حاجه كدا !!!
ما هو يا تتعلم الادب و تسمع كلامى
و متعملش الى يضايقنى
كصاحبك كأخوك كحبيبك
كأى حاجه ف العلاقات كلها
ليه تضايقنى و تذعلنى !
عارف ان دا هيضايقنى متعملوش
مش مشكله و مش حوار !
ليه المسميات الغبيه و العذر الى اقبح من ذنب
ظروف و غصب عنى !
ليه تبرر كرهك ليا !
ايوه اما متسمعش كلامى و تضايقنى
و تعمل الى هيجرحنى و يذعلنى يبقى بتكرهنى
حتى لو بتدعى عكس كدا
الحب افعال قبل الكلام
و الى بيحب حد مش بيجرحه
ليه و الف ليه
مش هقبل اعتذار .. مش هقبل حاجه
و متسألنيش عاوزه إيه لانى مش عارفه
بس عاوزه اجرحك ذى ما جرحتنى
و عاوزه حاجه ترضينى اكبر من الاعتذار
و مش عارفه ايه هى
لانى اكبر من انك تذعلنى و تجرحنى
و كمان مش ناقصه حاجه اصلا
بتقبلوا اعتذار اى حد ؟
رأيكم إيه ف الكلام دا !
رد مع اقتباس
المفضلات