الموضوع واضح و لا اوضح؟

طب هوضح براحة

في بعض الايام ساعات بنقع في مشكلة او يبقي عندنا سر في حياتنا

سر كبير صغير

المهم لينا اسرار في حياتنا و حاجات تخصنا

نخش بقي في المفيد



كل واحد مننا عنده اصحاب صح؟

في ناس تقول انا بحكي لاصحابي كل حاجه عني

يعرفوا اسراري و بحكيلهم مشاكلي و بيساعدوني في حلها

ناس تانيه تقول لا انا بحكي بس لصديق او صديقة واحده بس الي بثق فيها

ناس تانيه تقولك لا انا مبثقش في حد و اسراري و مشاكلي ليا لوحدي و بس



طب دلوقتي ايه الي هيحصل لو حكيت اسراري لحد؟

ممكن انه يخوني و الاقي اسراري و مشاكلي بقت معروفة و منتشرة

او زي ما بنقول بقت public



طب و لو مش حكيت لحد؟

ما انا هكتم جوايا و ممكن اقع في مشاكل هايفة بس معرفش احلها و تكبر كل يوم

ما هو ايد لوحدها متسقفش

طب خلاص انا هحكي لاصحابي القريبين بس

تضمن منين انهم مش هيخونوك و يبيعوك و تلاقي سرك بقي public

انت ايه رايك في الموضوع ده؟