كان ياما كان ..
فقير وعاشق غلبان ..
بحبها دايب وولهان ..
وحبيبته أميرة الزمـان ..





فكـر يروح ويقولها ..
ولا من بعيد يلمحلها ..
ولا حتي يقرب منها ويفضفضلها ..
وبكل شجاعة يوصفلها ..
انتى الى قلبي حبها ..
عاشلها أيامو وعايشها ..




وبدأ يلمحلها بخوف ..
يمكن تحس بيه وتشوف ..
قد إيه بيحبها وبيها ملهوف ..
وإنه عدي جبال وكهوف ..
ومحدش هيمنعه .. لإنه أقوي من الظروف ..





قعد يكلم قلبه وهو متحير ..
هي فين وانا فين ..
ازاي تبص لفوق وانت صغير ..
دي لما تشوفك هتقولك انت مين ..
يعني هتحكم عليا أعيش حـزين ..
أسـير حبهــا وأســير السنــين ..





خلاص ياقلبي البخت مفيش ..
بس انا عنها ماليش غنا .. وماليش ..
غنا عن حبها ف قلبي الى هيعيش ..






ياما ربك جمع قلوب ..
بس المكتوب هيفضل مكتوب ..
انا هبعد ويمكن عن حبها أتوب ..
أسيبلها أحلامي .. وذكـرياتي وأسيب ..





أخد قراره إنه يبعد ويغيب ..
بالرغم إن شوقه فى قلبه رهيب ..
بس الحلم كان بعيد مش قريب ..





سلام يا أرق ذكرايات جوايا ..
يا أحلي حب هيموت ومش هيعيش معايا ..
كنتي جرحي ودوايا ..
بس قربت علينا النهاية ..
وخـلاص خلصت الحكاية ..





لازم أعيش عشاني ..
وعمري ماهعشق نجمة الليل تاني ..
هعيش ف سجــن أحــزاني ..
بـس هتـفضـلي وآحشــانى ..





آخر حاجة يالي كنتي وكان ..
آآه ياقلبي ياعاشق ياولهان ..
ياقلب مليان حب ليها وحنان ..
قدرنا أصبح النسيان ..
وكـان ياما كــان ..





بقـــــلمي