فهمتكم يا بتوع التحرير
بقلم : محمد ثروت - بوابة الوفد











أنت من فلول الحزب الوطني المنحل، وأحد أنصار الرئيس السابق حسني مبارك، ورجل أعمال نهب فلوس البلد وعنده حساب بالدولار والإسترليني واليورو في سويسرا وبريطانيا وجزر الأنتيل، أيوه أنت عميل من عملاء أمن الدولة السابق والأمن الوطني حاليا، أيوه أنت عندك ملفات في الكسب غير المشروع ومستني دورك في التحقيقات ومجهز ترنج أبيض لزوم سجن مزرعة طره، أنت عدو ثورة 25 يناير ولا تريد الخير لمصر، وهنحطك في القائمة السوداء.
يا أهلا وسهلا بكل هذا الاتهامات وغيرها، ويا ألف مليون مرحبا بالقوائم السوداء والبني والكحلي كمان، ولكني لن أكتم كلمة الحق وسأقولها عالية مدوية: أنتم عاوزين تخربوا مصر.

"إصلاح.. حرية.. عدالة اجتماعية" كان هذا هو النداء الأول للثورة.. بعدها بساعات تحول إلى "الشعب يريد إسقاط النظام" واستمر 18 يوما حتى تنحى مبارك أو تم خلعه، مش فارقه كتير، "الشعب يريد تطهير البلاد"، إلى جمع الصمود والإصرار والمحاكمات، وأصبح مبارك محبوسا في مستشفى شرم الشيخ، وابنيه وجميع الوزراء السابقين في طره، والمحاكمات شغالة.

"عاوزين مجلس رئاسي"، لا الشعب متمسك بالمجلس العسكري لحين انتهاء الفترة الانتقالية، "عاوزين الدستور أولا"، لا الشعب متمسك بنتائج الاستفتاء. طيب يبقى ايه الحل؟؟، أيوه كده يا وديييييييييع، الشهداااااااء.. عاوزين حق الشهداء، طيب ما القضايا منظورة أمام القضاء، لا عاوزين محاكمات سريعة وثورية، طيب هنأمر بسرعة المحاكمات، لا عاوزين علانية المحاكمات، طيب مفيش مشكلة، نخليها علنية، لا مش عاوزين عصام شرف، يا أخوانا مش انتم اللي جبتوه، لا أصله من فلول مبارك، وهو ومبارك ايد واحدة، طيب هنعمل تعديل وزاري، لا مش عاوزين تعديل وزاري، عاوزين المشير والمجلس العسكري يمشي وهنعمل عصيان مدني ونقطع الطرق والكباري ومترو الأنفاق وقناة السويس حتى تنفيذ المطالب!!!!.
أيوه كده "فهمتكم.. فهمتكم" على رأي الرئيس التونسي الهارب زين العابدين بن علي في كلمته الأخيرة، يعني هو الهدف في النهاية أن تكون مصر بلا كبير وبلا حاكم، وهي فوضى واللي مش عاجبه يخبط دماغه في كتف اللي جنبه.
انت بتقول ايه يا خاين انت، اشمعنى المدنيين بيتحاكموا قدام المحاكم العسكرية واللي قتلوا الثوار لا، طيب يعني لو حاكمنا مبارك والعادلي والضباط اللي قتلوا الثوار أمام محاكم عسكرية، وصدرت أحكام معجبتش حضراتكم، يبقى ايه الوضع برده..، لا يبقى الجيش خاين وبتاع مبارك، الجيش ومبارك ايد واحدة.
طيب ايه رأيكم لو نسيب مبارك ووزراؤه وعياله في السجن، ولما يسلم الجيش السلطة للمدنيين حاكموهم براحتكم، ويا أخي إن شاء الله تصلبوهم على باب زويلة... حضرتك بتقول إيه، قول ده تاني، لا لا لا، مش هنمشي الجيش يمشي.. طيب نجيب مين بدل الجيش يا أخوانا. أيوه كده هو ده الكلام.. خلينا في المفيد، عاوزين البرادعي رئيس وفي وزارته علاء الأسواني ووائل غنيم وممدوح حمزة وعمرو حمزاوي وشوية من الإخوان لزوم الخلطة السرية بتاعت كنتاكي التحرير، اللي نشرتها اليوم السابع النهارده.
طيب فين الديمقراطية اللي كنتم بتنادوا بيها وعاوزين السلطة والقرار يكون في يد الشعب.... يا أستاذ، ده شعب متخلف وإحنا هنعلمه الديمقراطية على أصولها.
يا ولاد الإيه، ده ايه التخطيط ده، الله أكبر على دماغكم العالية....
وربنا يستر عليكي يا أمي ياللي خيرك مغرقني يا حبيبتي يا مصر.







1أحسنت وأصبت

أصوات: +41
أرسلت بواسطة abdalbary zaher , 12 - 07 - 2011
أحسنت وأصبت


2إية ده يا أبوحميد؟

أصوات: +27
أرسلت بواسطة 'DE9DE , 12 - 07 - 2011
كدة يأبوحميد ؟

دماغي لفت من اللي إنت كتبه؟ ههههههه
روح يا شيخ..... الله يعمر بيتك.



Giza, تقييم التعليق ضعيف [إظهار]

3yslam fomaaaak

أصوات: +14
أرسلت بواسطة moataz abuelnaga , 12 - 07 - 2011
ysalam 3aliiik we 3ala kalamk anta min shraf al kotab walahy we kalamk kolo hykam

مابعدتش كتير عن الجهلة, تقييم التعليق ضعيف [إظهار]

4الله ينور عليك

أصوات: +20
أرسلت بواسطة مى سالم , 12 - 07 - 2011
هو دة المفيد ربنا ينصرنا ويعدى مصر من الازمة دى على خير


5الله عليك

أصوات: +15
أرسلت بواسطة GAD1 , 12 - 07 - 2011
الله اكبر عليك انت استاااااااااااااااااااااااا


6المجلس العسكري هو السبب

أصوات: +6
أرسلت بواسطة sameh abbas , 12 - 07 - 2011
بقصد أو بدون قصد فإن المجلس العسكري هو الذي اوصلنا إلى هذه الدرجة....فقط سمح للاعلام المتآمر على أمننا القومي ان يقول ما يشاء وسمح للممولين من الخارج ان يخرجوا على الشعب ليل نهار ليشككوه في رموزه وكبرائه حتى شككوه في دينه ...لقد سمح ليحيى الجمل ان يتعامل في كلامه مع الله ( بقلة أدب ) ولم يعنفه علانية وحينما استقال طبطب العسكر عليه ولم يقبلوا استقالته....العسكر هم السبب لأنهم إلى الآن ومنذ قيام الثورة لم يتعاملوا مع الخارجين على القانون وعلى الدين وعلى أمننا القومي تعامل العسكر مع المجرمين...فإذا رأى المجرم أن العسكر ليسوا بعسكر فحق له أن يمرح ويفعل ما يشاء..أيها العسكر اتقوا الله في مصر وساعتها سيقف الجميع معكم ..لا تهابوا اي قوى خارجية وإلا فلا نجاح لنا


7...

أصوات: +18
أرسلت بواسطة مصرى عمر , 12 - 07 - 2011
الله ينور عليك يا شيخ تسلم إيديك والله العظيم أنت أستاذ


8انت قلت اللي نفسي اقوله من زمااااااااااااااااان

أصوات: +18
أرسلت بواسطة عبدالرحمن � , 12 - 07 - 2011
فعلا كل كلمة قلتها تنطبق على اللي بيحصل دلوقتي دول مش ثوار دول معاهم اجندات خاصة بتحركهم لخراب البلد , إلى الله المشتكى و حسبنا الله و نعم الوكيل



9الله ينور عليك

أصوات: +15
أرسلت بواسطة Mowatin bay7ab balad , 12 - 07 - 2011
الله ينور عليك و اذكر الاخوه اللي مش اخوه مقولة الشيخ الجليل محمد متولي الشعراوي عن الثائر الحق و افة الثائر يا شباب مصر انتهت الثوره و بقي لنا الانتظار لحصد نتائجها بالجهد و العمل بحثا عن المجد و نمو اقتصادنا ، و ليس بالاعتصام و العصيان المدني اتقوا الله .


10كيف تخُرب البلاد

أصوات: +20
أرسلت بواسطة Mowatin bay7ab balad , 12 - 07 - 2011
قيل لاحد الخبثاء ..كيف تخُرب البلاد.... قال اٌخون الحكام و اسُب القضاء و اهين الحراس واٌجهل الأراء واُسفه العقلاء واُسرح السجناء واشجع الغوغاء وانصر الجهلاء ... فقيل له ... اهناك قوم يقبلون ذلك فى بلادهم و اهلهم ومن هم منهم ... قال لهم نعم .. فهى بلاد يكثر فيها المنافقين و الجهلاء وتن...



11alex

أصوات: +10
أرسلت بواسطة محمد بركة , 12 - 07 - 2011
احسنت واحسن الله لك وعليك هو ده الكلام اللي من الاخر


12تسلم والله

أصوات: +11
أرسلت بواسطة اشرف خطاب , 12 - 07 - 2011
ايه الكلام الجامد ده.. ربنا يكرمك.. انت جبت من الاخر و الحمدلله ان لسه فى اعلاميين محترمين فى مصر.. ياريت كل الناس تقراء المقال ده عشان تفهم. انشر لو سمحت


13الشرعيه اولا

أصوات: +6
أرسلت بواسطة بحبك يا مصر , 12 - 07 - 2011
والله عندك حق احنا لازم نعرف الاخوه بتوع التحرير مين هما شعب مصر والاغلبيه الحقيقيه لمصر احنا ننزل يوم الجمعه الجايه ميدان سفنكس جمعه الشرعيه اولا
الجمعة 15 يوليو
الأغلبية الصامتة
الشرعية أولاً - ولا دستور ولا مجلس رئاسي مدني
الإستقرار والأمن والأمان أولويات هامة للشعب
...
لا للإعتصامات ولا للتخريب ولا للعصيان المدني وقطع الطرق وتعطيل مصالح المواطنين
لا للضغط على المجلس العسكري والداخلية والقضاء


لا لإسقاط الدولة المصرية
مهما كانت المطالب مش من حق اي حد انه يحاول يعطل الملاحه في قناة السويس
الغرض من إغلاق قناة السويس هو دفع الأسطول الأمريكى للتدخل بحجة حماية القناة و فض المنازعات فى مصر الي خايف على بلده ينزل معنا ميدان روكسي يوم 15 / 7 للحفاظ على الشرعية و الي عايز يقعد يتفرج علي مصر و هي بتخرب خليه قاعد في بتهم احنا مش هنسيب مصر تخربمشاهدة المزيد



14والله العظيم صح

أصوات: +0
أرسلت بواسطة _احمد , 12 - 07 - 2011
بعدها بساعات تحول ....وربنا انت فاهم ومذاكر كويس ومعندكش ضعف ذاكره ولا بتتثبت من الشعارات ...فعلا بعدها بساعات تحول


15ههههههههههههههههه

أصوات: +8
أرسلت بواسطة مواطن مصري , 12 - 07 - 2011
معلش خليهم يلعبوا شوية ،،،معادهم يوم الانتخابات لما الشعب يعرفهم قيمتهم كويس ويديهم الصفر بكل اللغات


16...

أصوات: +5
أرسلت بواسطة E9'0 CE'D , 12 - 07 - 2011
تسلم ايدك ويسلم قلمك الحر يا استاذ محمد كلما انتابنى شعور بالقلق على بلدى الحبيبة اطمئن مرة اخرى عندما اقرأ كلمات لمواطن شريف مثلك يقول الحق ولا يخشى القوائم ولا يطمع فى الغنائم سلمت وسلمت يداك وسلمت مصر من كل شر يحاك لها بأيدى خبيثة


17ربنا يبارك لك ياشيخ والله اصبت وانصفت

أصوات: +4
أرسلت بواسطة محمود حمدى , 12 - 07 - 2011
ربنا يبارك لك ياشيخ والله اصبت وانصفت جزاك الله خيرا


18ماشاء الله...

أصوات: +3
أرسلت بواسطة مصطفي prince , 12 - 07 - 2011
ميه ميه والله يااستاذ محمد
ياريت متحرمناش من كتاباتك......


19ماشاء الله...

أصوات: +3
أرسلت بواسطة مصطفيprince , 12 - 07 - 2011
ممتاز جدا بارك الله فيك


20القاهرة - مصر

أصوات: +3
أرسلت بواسطة محمود قرشي , 12 - 07 - 2011
يسلم فمك

--------

أخيرا ها يطلع اللي قولنا عليه من أول الثورة. كمل وأحنا معاك.


21انته راجل مصرى شريف

أصوات: +2
أرسلت بواسطة sssssssss , 12 - 07 - 2011
بجد انا حسيت ان الدنيا لسه بخير لما قريت المقاله بناعنك الله ينور عليك انته قلت كل اللى جوه اغلب الشعب المصرى


22مواطن مصرى

أصوات: +1
أرسلت بواسطة ramzy ibrahim , 12 - 07 - 2011
قم يامصرى مصر دايما بتناديك دا أبلغ تعبير لكل مصرى مخلص وشريف للوقوف مع مصر ومجلسها العسكرى للخروج من هذا النفق المظلم ودحض الفتن التى تحاك لمصر


23cairo

أصوات: -3
أرسلت بواسطة ragaa sakr , 12 - 07 - 2011
ايوه كده ياوديع دي كلمه تستشهد بيها في مقالك يا اخي احترم لحيتك


24...

أصوات: +2
أرسلت بواسطة بلدى مصر , 12 - 07 - 2011
الله عليك يا فنان...يا مصرى بجد..ربنا يحميك ويحفظ مصر من كل سوء


25القاهرة _شبرا

أصوات: -4
أرسلت بواسطة ragaa sakr , 12 - 07 - 2011
ايوه كده يا وديع دي كلمه تستشهد بيها في مقالك يا اخي عيب على اللحيه ولا هي خلاص بقت حرب فيها كل شئ مباح


26...

أصوات: +4
أرسلت بواسطة do3a2 , 12 - 07 - 2011
ربنا يكرمك ويسلمك


27كوميديا سوداء

أصوات: +3
أرسلت بواسطة sam ramzy , 12 - 07 - 2011
انت عرفت تجيب اللى ناس كتير بتفكر فيه انا نفسي بقيت حيران مين صح و مين لا. طب عايزين ايه؟؟ و شوية هتلاقى نفسك بتقول هو فيه ايه؟؟ حقيقي مقال صح و فى وقته هو اه كوميدي بس كوميديا سوداء اللى تخليك قاعد بتعيط.


28...

أصوات: +5
أرسلت بواسطة hfhhfgh , 12 - 07 - 2011
الكلام ده فعلن اصدق كلام ويريت محدش يخاف من راى مصر بلدنا ودول بتوع اجندات خارجيه مش عاوزين غير نتيجه واحده تفكيك الجيش المصرى ونشر الفوض ودخول امريكا بدون مقاومه




اقرأ المقال الأصلي علي بوابة الوفد الاليكترونية فهمتكم يا بتوع التحرير