السلام عليكم ورحمه الله وبركاته



انا زملكاوي وافتخر بكوني زملكاوي وفي البداية مبروك للنادي الاهلى وجماهيره الفوز بدرع الدوري المصري

وكزملكاوي احب اتناقش ونتكلم ونعرف ليه ضاع الدوري بعد كل المجهود دا

وممكن نعدها فى الاسباب دي

1- التحكيم واتحاد الكورة
2-الادارة وعدم توفير الدعم المادي
3-ضعف الاعبين وعدم قدرتهم على تحقيق البطولة
4-حسام حسن واخوه والجهاز المعاون


وانا شايف ان اول ثلاث اسباب لا يمثلوا اى اهمية وان اهم سبب هو السبب الاخير

ومن وجهه نظري انا شايف ان حسام حسن هوا السبب ف ضياع بطولة الدوري العام
والاول نظرة عامة على تاريخ حسام مع الزمالك وهو مدرب
حسام مسك الزمالك سنه ونص كان الزمالك في المركز الثالث عشر قفز بالزمالك للمركز التانى كتر خيره
بس الحقيقة الى لازم نعرفها ان حسام ضيع 3بطولات

كاس مصر قدام الاهلى وادي بطولة الدوري وبطولة افريقيا بالتحريض العلني والواضح من ابراهيم حسن وخلينا نقف هنا ونعترف ان اابراهيم حسن احد اسباب ضياع الدوري وبطولة افريقيا

وخلينا نعترف ان جوزيه فى نص سنه جاب للاهلى بطولة الدوري بعواجيز وكلمة عواجيز دي كلمة المدرب حسام واخوه وف نص سنه صعد بالاهلى للمجموعات ف بطولة افريقيا

في حين فقد حسام تركيزه للخطط والاداء الفني ركز هو وابراهيم في التصريحات والبحث عن حجج لكل هزيمة حتى لما كسب ماتش فكر في حجة وطلع وقال انا بقول كلامي اهو وانا كسبان عشان محدش يقول اني بقوله بس لما اخسر

في الوقت الى كلنا شوفنا تصريحات جوزيه من اول ماجه وقد اية كان ليها مبدا السحر في حصول الاهلى على الدوري

وكلنا شوفنا تصريحات حسام بعد ماتش 3-3مع الاهلى ودخلنا ماتش الكاس بغروره واتغلبنا 3-1
وشوفنا تصريحات ابراهيم والتحريض على نزول الجماهير واديها خربت ف افريقيا

وبقينا تريقه الواد ابو جلباب

ومنها برضوا تصريحاتها وكانت السبب فى توليع بورسعيد علينا بعد مكنا بنلعب ف بورسعيد وبنعتبرها الملعب التاني بتاعنا بقت حرب علينا

واستغربت جدااااا من تصريحه باللعب النظيف واتفرجت ع الفيديوه بتاعه لما كان مع المصري ومفكرش وقتها فى اللعب النظيف

والتصريح الغريب بتاعه لما اتهم مدربي الزمالك انهم ضدد نادي الزمالك هو كان عايزيهم مثلا يسيبوا الماتش ليه ان شاء الله كان احسن منهم في اية

وع اساس هو لما كان بيدرب المصري كان بيسيب الماتش للزمالك:11xing:


وجنني تصريح تاني ليه وهو بيقول ان اللاعيبه الى عنده ميعرفوش البطولات وغير قادرين ع تحقيق بطولة ومحدش فيهم شاف بطولة
طب مش هم دول الى لما كنا الاول كنت بتقول احسن لاعيبه ف مصر غريبة جدااااااااا

احب اضيف معلومة ان حسام حسن هو المسئول الاول والاخير عن ضياع البطولة

بالنسبة للحجة بقى بتاعت عدم توفير الدعم المالى وان مفيش لاعيبه وان الادارة مجبتش لاعيبه ليه زي مطلب

احب اوضح حاجة واحدة

حسام بنفسه طلع وقال انه اول مرة مدير فني يدي الادارة اسماء تلت وخمس لاعيبه ف مركز واحد ويقولهم لو مجاش دا يببقي دا

حسام حسن كتب انه عايز ((غالى او شوقي او ... او ... او عاشور الادهم))
يعني عاشور كان اختياره مش اختيار الادارة
مين الى جاب ابو كونيه مين الى جاب وجيه عبد العظيم ومين الى جاب عوديه حسام حب يجامل لاعيبه المصري الى وقفت معاه فى مشكلته مع المصري

واديه دلوقتي عايز يجيب لاعيب من الانتاج الحربي اسمه سعيد مراد عمل نفس ابوكونيه وجه قبل الماتش وراح يسلم ع حسام

نرجع للناس الى جبهم هو بيقول الادارة مش وفرت وبيرمي حجج وخلاص

هضرب مثل ضغير جدااااااا انا لو قولت عايز (( ميسي او كريستيانو او شيكابالا)) مش دا دليل اني حاطط شيكا معاهم
وانى شايف انه ميفرقش كتير عنهم او ع الاقل انا مقتنع بيه
لما حسام كتب اسمين وبعدهم عاشور وكتب اسمين وبعدهم وجيه مش دا دليل انك يا كابتن حسام شايف ان عاشور ووجيه ميقلوش حاجة عن الى قبلهم او كفايه انك انت الى اختارتهم مش الادارة الى جبتهم من نفسها

وبالنسبة للاعيبه الى بتعيب عليهم انهم مش بتوع بطولات مش هم دول الى مخلين الزمالك لحد الاسبوع خمسه وعشرون المركز الاول
ليه مش عايز تعترف انك السبب بدل متهاجم فاروق جعفر وطارق يحي هاجم نفسك

مش معقولة انهم غلط وانت صح
طب مغلبتش المصري ليه طيب انبي طب الاتحاد طب وادي دجله طيب ضيعت ليه الفوز ف ماتش الاهلي
عشان الفير ولا عشان خوفت تهاجم ولا مصدقتش انك كسبان


فى النهاية احب اقول ان حسام هو السبب للاسباب الى قولتها وكمان لانه مخلى ابراهيم يدخل فى الشئون الفنيه ودا غلط وكمان مختار ليه جهاز لا بيهش ولا بينش طارق سليمان ماشى بمبدا اربط أل....مكان ميقول صاحبه

ولا فى مدرب احمال ولا ف حتى اخصائي اجتماعي مش نفسي

يكفي ان حسام خلال سنه ونص ضيع احسن لاعيبه منه اخرهم هاني سعيد

حسام مشي شريف اشرف احمد عبد الرؤف الميرغني ايمن عبد العزيز سيد مسعد احمد مجدي
وغيرهم وغير الى هيمشي الموسم دا ويكفي هاني سعيد

سؤال كان نفسي اسئله لحسام اوووي لما انت الدفاع بتاعك بايظ ليه ملعبتش بليبرو وخصوصا ان احسن ليبرو فى مصر بعد ابرهيم سعيد هو هاني سعيد من وجهه نظري طبعا

ولا هو عافيه وان اسمك بتلعب 4-4-2



احب اقول ان ضدد ان حسام واخوه يستغلوا حب جماهير الزمالك ويلعبوا بالوتر دا سؤاء في ارسال
محامي او الكلام والتصريحات الى بيفضلوا يقولوها وحبهم للجماهير




اخر حاجة احب اقولها ان كلامي دا مش اني زملكاوي وقلب على حسام

عشان بس ميجيش حد ويعلق او يقول انهم اهم عرفوا حسام على حقيقته والكلام دا بالعكس حسام عمل للزمالك ومحدش ينكر دا

بس كلامي من باب محاسبه الجهاز الفني اخر الموسم وهو المسئول عن الجهاز فكان كلامي ليه هو


وكل دا من وجهه نظري زي ما انا شايف ان وجهه نظري هي

رحيل حسام ويجي حسن شحاته يكمل مكانه

ولو حسام هيقعد يبقي بشروط النادي مش شروطه هوا وان لازم يمشي طارق سليمان
ويجي واحد بيفهم ومن ابناء النادي وان يتم تلجيم ابرهيم حسن بحيث انه يكون مدير كورة وبس مش مدير كورة ومتحدث رسمي باسم النادي ومدير فني ومن الجماهير كمان
ولو مش عجبه يمشي


وسوري للاطالة