مصر بتروح مننا

المحبوسين
المسجونين

في سجن طره شغالين

رغم العذاب

رغم الدموع

رغم الغضب

اللي اتسجن جوه القلوب
ساعة الصباح
ساعة الغروب بين الحواري والنجوع


بيرهبونا


ويهددونا


وبيسرقوا حلم السنين


وشغالين


واحنا اللي ليهم مسجونين


طالقين علينا البلطجيه



والمجرمين


والنشالين


لقوت عيالنا الغلبانين


ومجلسنا الموقر مطنشين


عن كل حاجه مطنشين


مستنيين


لما البلد دي تتخرب


ونقول آمين


للحاج حسني


وعصابة الأربعين


وحكومه فاشله


ورئيسها خايب


زي تلميذ بليد


قرارات بطيئه


ووعود سخيفه


ولا فيه جديد


والحل ايه


الثوره منا بتتسرق


والشعب طاقته بتتحرق


لازم نقوم بثورة تانيه


علي كل ظالم عيونه عميا


عن الفساد والبلطجيه


وكل شلة الحراميه


اللي عايزينها خراب


وبيدمروا ف كل باب


وكل يوم اسود هباب


من مر كاسه


يسقونا العذاب


علي مين تكون المسئوليه


ع اللي لسه بيدلعوه


ولا اللي بيقولوا سيبوه


ولا اللي نايم وغلبوه


ولا اللي لسه بيدوخوه


في طاحونه دايره


وعيونه عميا


يا ولاد بلدنا الشقيانين


اصحوا تاني يا مظلومين


مصر صرختها آنين


تزلزل الشعب الحزين


اللي عذبوه سنين


ويا حكم المجرمين


يا ابن مصر مستني ايه


بكره راح تندم عليه


اخرج وجاهد من جديد


اكتب ميلاد فجر سعيد


من دم وروح الشهيد


اللي بينزف من جديد


مع ضحكة الطفل الوليد


فيكِ يا مصر بيتولد


حد يقولي


ايه سبب اللي جري


في التحرير اليوم واتقرا


كان أمن مصر في الدرا


ولا في سريره عنتره


وحلمه يرجعنا لورا


بصراحه اقولها من هنا


كل حاجه فيها ريحه منتنه


فايحه وقافله انفنا


وكل شيء بعلمنا


طب ليه بنقفل بؤنا


تحريرنا باقي عندنا


ننزل ونصرخ بكل قوه


ونقول لمجلسنا اهوه


احنا لسه مصحصحين


يا موحدين


يا عابدين


يلا بسرعه مستعجلين


اصحوا بئه يا مسطولين


مصر بتروح مننا


بياخدها تاني المسجونين


اقولها تاني من هنا


حكامنا هيكونوا من طره


أصحوا بئه يا مسطولين


أو ناموا وقولوا آمين


لمولانا أمير المؤمنين