ازيكم كدة واخباركم واهرامكم .. يارب تكونوا بخير:11umbup:

ومتخافوش مش جاية استلف عارفة محدش هيبص ع التوبيك حتى:biggrin23:

نتكلم جد بقى هنهزر ولا ايه



هو بس موضوع فارسنى اوى وللأسف بقيت بلاحظه بطريقة كبيرة




واحد عاوز يشترى عربية مش عارفة ايه بنص مليون

وعاوز يستلف من فلان صاحبه ولا علان عشان يكمل باقى تمنها

مع انه معاه مبلغ يجيب عربية برضو بس حاجة اقل




واحد عاوز يستلف عشان يكمل تمن الشاليه فى مارينا ولا شقة على النيل

مع انه ربنا كارمه بشقة كويسة قاعد فيها



اللى اعرفه ان الواحد يستلف لو فى شئ ضرورى جداااااا
مصاريف علاج او تعليم او شئ ضرورى جدااا فى حياته
ومش معاه

انما واحد يستلف عشان بهرجة فاضية ومنظرة انه عنده شئ وشويات
غريبة دى:11nk(2):



طب انت معاك ياتجيب على اد امكانياتك ياتستنى لما تكمل تمن
الحاجة اللى عاوز تجيبها

ليه تربط نفسك بدين محدش ضامن عمره ولا ظروقه ولا هتلحق وتقدر
تسدده ولا لأ

ليه تذل نفسك لحد ياعالم هيصبر عليك لو لاقدر الله
مقدرتش توفى الدين ولا لأ




المثل بيقول صبرك على نفسك ولا صبر الناس عليك



للدرجادى حب المظاهر وحب الامتلاك ممكن يخلونا
نذل نفسنا بالديون؟؟





الموضوع مفتوح لمناقشتكم وآرائكم
مودتى وتحياتى لكم