لحظه


اللى يحب مصر يزرع فيها ورده


لحظه..
قبل ماانسى ..
قولتلى كان اسمك ايه..
ليه عايزنى ابقى لسه..
فاكره اسم.. نسينى ليه..
اللى ينسانى فى لحظه..
ليه انا افتكره ليه ..
يبقى ناسى وابقى فاكره..
اشترانى ولا ايه..
واللى يوم ينسانى لحظه ..
مهما كنت ح اموت عليه..
لو يبيعنى مره واحده..
يبقى جوه حياتى ليه..
لو بحبك.. ابقى واحده ..
خنت قلبى وجيت عليه..
انت واحد ..حب واحده..
كان سعادته تحب فيه..
بعد لحظه.. سابها ورده ..
تبكى بعدوا..تموت عليه..
قولتلى كان اسمك ايه..
لحظه..
ح افتكر ايه ولا ايه..

فضلت اصبّر ف الحنين..
واقول انا ح اشتاق لمين..
دا حد جاى يعيش يومين..
والحب بيعيش بالسنين..

ازاى ح تفضل ف حساباتى..
ويبقى ليك ركن ف حياتى..
وانت ما خليتلى ذكرى..
تعيش ف عمرى..غير آهاتى..

لحظه..
افتكرلك حاجه حلوه..
ولاّ قلبى يقوللى ايوه..
للاسف.. كان كله قسوه..
فيا منك الف شكوى..

ودا غير حزنى..
وصدمة عمرى..
وآخرة صبرى..
لاتفكرنى.. ولا تسألنى..
انت رميت الحب ف لحظه..
وانا مش واخده..وآخر واحده..
تروح تنساها وتفضل باعده..
وتقدر يوم تفتكرك لحظه