اول مرة اغير
تجربة جديدة لا علاقة لها بالواقع انما هى مجرد تخيلات
فتخيلت انى حبيت .. تخيلت مجرد تخيل
ولاحظت انها خانتنى وراحت لواحد تانى
واثار انتباهى بعد كتابتها اننى لأول مرة اختتم شعراً من تأليفى بالتحدى لدرجة اننى فى اخر بيت أعلنت اننى سوف أسعى لأقابل حب جديد
*******
اردت فقط ان
تعيشوا معى الفكرة
*******
انا قلبى وقلمى ... انا أملى وألمى
انا مرضى عذابى ... شيبتى شبابى
وحنينى.. أنينى ... وداع يا سنينى
لحظة ابتدأت منها الحيرة
لما مليتى القلب بغيرة
لما اخدتى عزولى حبيب
ونسيتى اسمى والسيرة
وبديتى تخضعى لإرادته
وتألفى اعذار على وقته
تبعدى عنى ف عز الضهر
وليالى تسهرى على راحته
انتى اخترتى اعيش محروم
وانا طول عمرى عزيز القوم
وانا كل جنايتى ان انا حبيتك
سهرت ارضيكى تركت النوم
راح اهاجر واترك اراضيكى
وانا معرفش ازاى ارضيكى
عشت ثوانى كاملة باحبك
والثانية سنين ربنا يرضيكى
عيشتينى الحب ثوانى حنان
ووهبتى الفرح زهور وأمان
ومعرفش ان بتلعبى بحياتى
وقلبك ناسى ان انا انسان
فرحت كتير زعلت كتير
لكن انا اول مرة بأغير
يحرم تانى عليكى ندايا
لو اعيش للحزن سفير
ياللى حتى بيوم العيد
كنتى بقلبك عنى بعيد
مش مهتمة باحساسى
ومهتمة افراحه تزيد
كنت اتمنى اعيش جواكى
يفرح قلبى بسعد هواكى
وانتى اخترتى تحبى عزولى
استسلمتى له بكل رضاكى
واضح ان لابد اغادر .. علشان قلبك يحيا سعيد
حتى قلبى عنى مهاجر .. بكرة حقابل حب جديد
رد مع اقتباس
المشاركة الأصلية كتبت بواسطة afifi mustafa
المفضلات