الحلقة 1
في شهر من شهور الصيف كانت الشمس قربت تغيب ... وفي بلكونة محندقة..كانت ميار بتسقي أصاري الزرع اللي علي سور البلكونة..وهي بتدندن أغنية
*ميار:بنوتة رقيقة عندها 19 سنة ...داخلة تالتة آداب قسم اللغات الشرقية شعبة لغة تركية جامعة إسكندرية...هادية وجميلة وطيبة وأصحابها مش كتير..بس قلبها مقفول وعمرها ماحبت لكن مؤمنة بالحب كويس أوي
دخلت عليها مامتها (سوسن) وهي مبتسمة وقالت لها:
ياسلام علي الروقان بتدندني كمان..وجابت كرسي وقعدت
*سوسن:والدة إيهاب وميار وسيف بالترتيب ......طيبة أوي أوي وحنينة جدا بس مغلوب علي أمرها مش بتقدر تعترض أو تقول لأ لزوجها لأنه شديد أوي وعصبي..وولادها بيحبوها وبيفضلوها عن باباهم لأنها قادرة تحتويهم
ميار:وماله ..أدندن شوية قبل ما الريس يرجع من بره هههههه
سوسن:ههههه باباكي ده ياميار كان زمان طيب أوي أوي قبل مايسافر فرنسا يعني يدوب كنتي انتي مولودة مابقالكيش شهرين وكان إيهاب أخوكي عنده 3 سنين
قعد هناك 6شهور ورجع واحد تاني خالص..واحد ملت عينه الفلوس أكتر من أي حاجة تانية
ساعتها ميار خلصت سقي الزرع وراحت قعدت قدام مامتها علي كرسي تاني
بتكمل...نقلنا من شقتنا الضيقة اللي كانت في حي في منطقة أبو سليمان وانتي عارفة انها منطقة شعبية..وجينا هنا الأزاريطة..وآديكي شايفة المكان الواسع الراقي الجميل والشقة الواسعة باباكي اشتراها أول ما رجع من فرنسا كان معاه فلوس كتير..عرف هناك في خلال 6 أشهر إزاي يعمل فلوس وآدينا أهو عايشين من يومها عمالين نعمل فلوس فلوس فلوس
وآخرتها..عمل فلوس كتيرة بس ماعرفش يقربكوا منه
ميار:ماما..إنتي أول مرة تقوليلي الكلام ده وشكلك متأثر أوي كمان وعايزة تعيطي
سوسن:لقيتك كبرتي ياميار وكنت محتاجة من زمان حد أقعد أتكلم معاه وأشكيله..أنا عمري مااشتكيت لإيهاب أخوكي الكبير وفضّلت أقول لك انتي..انتي بنت وهتفهميني أكتر
ميار:أنا عمري ماحسيت إن بابا قريب مننا ياماما ولاحنين علينا زيك..بالعكس بنخاف منه بمجرد مانسمع صوته...طيب أقول لك علي حاجة ..إبنك سيف الأوذعة اللي في تانية ثانوي اللي مش عايز يطول ده ههههههههه من يومين بيقول لي بيني وبينه :هو بابا ليه مش بيحبنا؟...قلتله ليه بتقول كده ياسيف بابا بيحبنا كلنا
سوسن:ههههه تلاقيه ساعة ماكان بيزعقله عشان عايز يجيب موتوسيكل وهو قال له لأ
ميار:هههههه آه ودخل وقفل الباب عليه وفضل يقول لي أنا ليه لما بطلب من بابا حاجة مش بيجيبها مع إنه معاه فلوس كتير
سوسن:أخوكي قال كده!
ميار:آه والله..ده واخد المرة دي موقف جامد أوي وزعلان
سوسن(بأسي):بيني وبينك سيف عنده حق..بس مش لدرجة موتوسيكل..سيف لسه صغير علي ركوب الموتوسيكلات
ميار:صغير إيه ياماما ..أصغر منه وبيركبوه وبيركبوا عربيات كمان..وماتزعليش مني ياماما بابا معاه اللي يجيب مش موتوسيكل واحد
سوسن:عارفة ياميار بس يابنتي ربنا له أحكام في كده هقول إيه بس
إيهاب:ماماااا
سوسن:أنا هنا في البلكونة ياإيهاب تعالي
إيهاب:سلام عليكم..
*إيهاب:شاب وسيم ولطيف وجنتل ومحبوب... وله أصدقاء كتير عكس ميار أخته
خريج تجارة اسكندرية السنة اللي فاتت يعني عنده 22سنة..طموح وبيحب القراءة جدا
سوسن وميار:وعليكم السلام ورحمة الله
سوسن:إنت لسه جاي ياإيهاب؟
إيهاب:آه وبابا كلمني وقال لي أروح أقابل أ/حاتم عشان جاي هو وابنه من المطار..بس اعتذرتله ومارحتش وطبعا إداني كلمتين محترمين ولسه هيكمل عليا لما يرجع
سوسن:ليه كده ياإيهاب مانت عارف معزّة أ/ حاتم عند باباوإن شغلهم كله مع بعض
إيهاب(متنرفز):ياماما بابا بيعمل كده عشان عايز يقربني من أ/حاتم هو وابنه عشان عايزني أشتغل معاه في الشركة..وأنا مش عايز أشتغل معاه..أنا عايز أعتمد علي نفسي ياماما ومحدش يقول أبوه خده يشغله معاه عشان هو رجل أعمال مشهور وناجح


سوسن:تعالي بس اقعد كده ونتكلم بالعقل
وراح جاب كرسي وقعد معاهم في البلكونة
سوسن:أبوك عايز يكبرك ياإيهاب
إيهاب:ياماما أنا عندي يدوب 22 سنة ويدوب متخرج السنة اللي فاتت يعني لسه قدامي الفرصة ياناس...وبعدين يكبرني إيه ياماما أنا مش عايز أكبر عشان بابا كبير أنا عايز أكبر عشان نفسي


ميار:إيهاب ...بابا خايف عليك وعايز يأمن لك مستقبلك
إيهاب:يأمن لي مستقبلي!!..مستقبلي ده لسه ملوش ملامح والمفروض إن الملامح دي أنا اللي أشكلها مش حد تاني
ميار:ماانت بقالك سنة متخرج أهو تقدر تقول لي الوظيفة اللي انت شغال فيها بتجيبلك إيه؟
إيهاب:إنتي بتضحكي عليا ولا علي نفسك..ده إنتي أول واحده شجعتيني لما اشتغلت وكنت مش مبسوط من الشغل..وقعدتي تقوليلي دي شركة كويسة ومرتبها كويس وانت شاطر وهتعلي علي طول وهتترقي والكلام الجميل ده كله..ميار إنتي نفسك مش مقتنعة باللي بتقوليه دلوقتي..انتي بتقولي كده عشان تحاولي تقنعيني إني ماتخانقش مع بابا زي كل مرة وأقبل العرض المرة دي..لا ياميار طموحاتي أكبر من كده بكتير
ساعتها باباهم جه....الأستاذ أمجد أو أمجد بيه
أمجد(بصوت غاضب جدا):إيهاب..إيهاااااب
سوسن(بصوت واطي):يلا ..يلا ندخل جوه
وسبقتهم جوه
ميار(بتهمس في ودن إيهاب):عشان خاطري ياإيهاب..ماتتعصبش قدام بابا زي كل مرة ومشيها ..عديها عشان خاطري
شاورلها براسه يعني ماشي وهو شكله متنرفز وبيحاول يكتم عصبيته
أمجد:أنا مش بنده عليك!...ولاأنا كلامي ملوش لازمة في البيت ده
*أمجد:شخصية عصبية ومادية أوي للغاية..مش محبوب من ناس كتير...رجل أعمال مشهور وناجح جدا
إيهاب:سوري يابابا أديني جيت أهو
أمجد:كلامي مابيتسمعش ليه..مش أنا قلت تروح المطار تستقبل أ/ حاتم وابنه شهاب
إيهاب:كنت راجع تعبان من بره يابابا وبعدين أنا اعتذرتلك في الموبايل
أمجد:الحق عليا بمهدلك الطريق عشان لما تيجي تشتغل في الشركة معايا تبقي ليك علاقات


إيهاب(بدأ يتعصب):يابابا أنا شغال كويس في الشركة اللي أنا فيها..ومش محتاج أغير وظيفتي..أنا محاسب مالي مركزي هناك وبترقّي بسرعة..في خلال 9 أشهر قدرت أثبت وجودي
أمجد:يعني إيه؟...بتخالفني؟.....روح شوف شهاب ابن أ/حاتم من بعد مااتخرج وهو بيشتغل مع أبوه وعنده دلوقتي 29 سنة وبقي رجل أعمال هو كمان وبيحلفوا بيه
إيهاب:يابابا وأنا مالي وماله...هو حر هو عايز يكبر علي حساب أبوه أنا لأ
أمجد(بدأ يتعصب أكتر):مش كفاية صبرت عليك سنة وقلت يهبب اللي يهببه ومسيره هيرجع يشتغل معايا...لكن من النهاردة مش هتمشّي اللي في دماغك ياإيهاب ومن بكرة هتقدم استقالتك وهتيجي معايا إنت فاهم؟
إيهاب(صوته بدأ يعلي واتعصب أوي):أنا فاهم آه لكن أنفذ لأ..ولعلمك يابابا أنا مش هستقيل ومش هسمع كلامك عشان أنا إيهاب مش أمجد
علي طول راح باباه ضربه قلم سخن علي وشه خلاه اتنرفز.. ولأول مرة يعملها خرج من البيت من غير أي كلام
سوسن وميار:إيهاب إيهاب استني بس ياإيهاب
ميار:ليه كده يابابا ليه
أمجد:إدخلي أوضتك ولاأنزلك غضبانه زيه؟
ساعتها ميار خافت وعينيها بدأت تدمع ودخلت تجري علي أوضتها وفضلت تعيط جامد وكلمت إيهاب علي الموبايل مش بيرد أبدا
سوسن: إيهاب لسه صغير ياأمجد اتفاهم معاه بالراحة مش كده
أمجد:أنا كده وانتي عارفة كده كويس..ولادك بدأوا يعصونى ..ده عايز يخلي وشي في الأرض...إزاي مايشتغلش معايا ..غيره بيتمنوا بس أعينهم مكانه..لكن الحق عليا إني بستشيره أصلا...أنا كان المفروض أعينه وآجي أقول له مكانك هناك من بكرة وخلاص انتهي..لكن خلاص الموضوع ده انتهي أمره
سوسن"ياعيني عليك ياإيهاب ..بس أعمل إيه مش بإيدي ياابني
وفضل الوضع كده لحد الساعة 1 بعد نص الليل
وأخيرا إيهاب رد علي ميار وهي بتتصل بيه
إيهاب(بصوت باكي وحزين أوي):أيوة ياميار
ميار(بدأت تعيط ):إيهاب.. تعالي ياإيهاب..عشان خاطري تعالي..ماتزعلش من بابا وتعالي..أنا سمعته بيكلم ماما بعد ماانت نزلت وقال انه هيشغلك معاه ومفيش مفر وماما جت وقالت لي بعدها إن بابا راسه وألف سيف هتشتغل معاه يعني هتشتغل معاه..فكر في الموضوع ياإيهاب وخلاص..مش هتغرم حاجة..هتشتغل برده بمجهودك هتكبر عشانك وبمجهودك برده..ملكش دعوة ببابا ..انت هتشتغل لوحدك
إيهاب:أنا فكرت وخلاص ياميار..هستقيل من شغلي بكرة وهروح اشتغل مع بابا في الشركة
 بس مش عشان أنا ضعيف ولاعشان خايف من بابا
ميار:طيب ليه؟
إيهاب:لأن ماما سبقتك من نص ساعة وكلمتني وعيطِت جامد أوي أوي في التليفون عشان أسمع الكلام واشتغل مع بابا..وكان كلامها مؤثر أوي وصوتها يقطع القلب..وكله إلا ماما..أنا بعمل كده بس عشان ماما والله مش أكتر ياميار
ميار:إيهاب إنت عاقل وأنا واثقة في كده..هتكبر..هتكبر ياإيهاب وهتبقي رجل أعمال كبير والكل هيحلف بيك ..صدقني
إيهاب:ماشي ياميار..وخد نفس عميق ...ماشي
ميار:تعالي بقي ماتتأخرش ..عايزة أرغي معاك شوية قبل ماأنام
إيهاب:هههههه..ماشي ياروما أنا جاي
ميار:يلا باي باي
إيهاب:مش عايزة حاجة أجيبهالك وماما مش عايزة حاجة؟
ميار:هههههههه ماهو لو كان في سوبر ماركت فاتح كنت قلتلك هاتلي شوكولاتة مورو
إيهاب:إنتي مابتزهقيش من مورو دي يابت انتي...طيب أجيبلك شوكولاتة تانية غير مورو؟
ميار:هههههههه نووووو
إيهاب:طيب عموما المحلات ماقفلتش بس مش هجيبلك


ميار:إخص عليك ماشي
إيهاب:خلاص ماتعيطيش هجيبلك ههههه
ميار:ههههههه ماشي باي باي
إيهاب:باي باي
----------------