افتقدتك يوم زمان

[فريد]

افتقدتك يوم زمان يوم ماحستش بامان
فى الشوارع فى الحوارى فى الميدان
وفى بلدنا عند خالى فى الدار و فى الغيطان
يوم ماكانوا بيحرقوا ويعدموا كل العيدان
قبل ماتطرح سنابل خضرة فى الغيطان
حصدوها وكسروها قبل الاوان
فاكرة ياما لما تهتى منى تهت منك يوم زمان
يوم ماكانوا الغدارين بيعذبوا ولادك الطييبن
علشان صلاة وعلشان دعاء و علشان اذان
فاكرة ياما ايوه فاكرة
وانا برضه فاكر
قد ايه كنتى حزينة
لما كنتى بدراعك بتحوطينا
و تحاولى فى صدرك تخدينا
ومنهم تحمينا
مرة بدموعك و مرة بالحنان
عارفة ياما ايوه عارفة
و انا برضه عارف
كنت حاسس بيكى خايفة
وكنت خايف
كنت بلمح ضحتك
دبلانة على الشفايف
كنت بتدارى دمعتك
عشان مايخفش اكتر الا خايف
و كنت انا رغم صمتك
ياحبيبتى ياما بحس بيكى
كنت بموت فى كل لحظة
من الخوف عليكى
و كان عندى امل يجي يوم
و اشوف ضحتك مالية على الشفايف
تطمنى بيها الا انجرح
والا اتظلم و الا بيبكى والا خايف
بس كنت ساعتها خايف لكون بحلم
و اليوم ده مييجيش ويكون بعيد
كنت خايف ايوه ساعتها لا الياس
يسرح فى القلوب و الخوف يذيد
كنت خايف مكدبش ياما
بس حالف متفوتنى لما
الا لما اجيب فيها سيرتك
من اول بحرى لاخر الصعيد
كانت الايام بتجرى بطيئة ياما بينا
و كانت كل حته فيكى بتضيق علينا
ورغم صوتك الا كان فى قلوبنا بيندينا
ورغم دمعتك الا شيفينها احنا بعيننا
فاكرة ياما فاكرة ياما
ايوه فاكرة وانا برضه فاكر
عارفة ليه ياما النهارده بفكرك
بكل الا مضى
علشان ولادك النهارد حرروكى
وكل الافات راح و انقضى
عارفة ليه ياما النهارده بفكرك بكل الا فات
عارفة ليه ياما النهارده بفكرك بالدموع وبالاهات
عارفة ليه ياما النهارده بفكرك بحكايات الولاد و البنات
علشان خلاص ياما بقيتى حرة
علشان رجعتى تانى تكونى درة
علشان خلاص يما رجعنا ليكى
و رجعت اللمة تانى للياليكى
و رجعوا الولاد و البنات يحكوا حكاويكى
عارفة ليه يما النهارده بفكرك
عشان انا برضه لسه خايف
و عارفة ليه دايما بالماضى بذكرك
علشان انا لسه بعنيه شايف
قد ايه لسه الديابة واقفة فى الانتظار
مستنين ينهشوا فى لحم الصغار
ولادك و بناتك الاحرار
الا ضحوا بحياتهم و استبسلوا قدام الكبار
قد ماكنت بخاف عليكى بخاف عليهم
مهما الا اتحقق الحلم بفضل الله ثم بيهم
بس متخافيش يما من الليلة ديه
احنا خلاص يما ذقنا
و شربنا و استمتعنا بطعم الحرية
وخلاص يما بقيتى حرة مبقتش مجرد امانى
واوعدك عمرى عنك مها اتاخر تانى
فريد عنانى

[اميرة حبى انا]

جميلة اوى يا استاذ فريد
وحشتنا كتاباتك
حبك لمصر واضح فى كل حرف بتكتبه

[قموره]

رائعه من روائع استاذنا فريد

يتجسد فيها حب الوطن لدرجه العشق

شكرا استاذ ولا يحرمنا الله من ابداعاتك

[فريد]

جميلة اوى يا استاذ فريد
وحشتنا كتاباتك
حبك لمصر واضح فى كل حرف بتكتبه

يافندم تحت امرك
الجديد دائما موجود
طالما بقيت مصر و بقيت انا
و حب مصر هو الشيء الذى لا استطيع الاستغناء عنه
و لا يستطيع احد الاقتراب منه

[فريد]

رائعه من روائع استاذنا فريد

يتجسد فيها حب الوطن لدرجه العشق

شكرا استاذ ولا يحرمنا الله من ابداعاتك

و لا يحرمنا من وجودك
و كلاماتك الجميلة
و نورك فى كل الصفحات
و لو لم يكن لحب الوطن فى القلب مكان
فلمن يكون الحب و الابداع