شوية نكت كده على الماشي

مرة اتنين محششين واحد بيقول للتانى تصدق وانا صغير وقعت من الدور التالت
قاله ومت؟
قاله والله مش فاكر اصلى كنت صغير


مرة وزير سابق جار عليه الزمن وافتقر نزل يبيع خضار فى السوق بقى ينادى ويقول
.
.
.
.
فجل يا حوش جرجير يا كلاب


واحد بالدياتنا سرق مليون جنيه فحفر حفره ودفنهم فيها وكتب عليها مفيش فلوس هنا راح حمدان ابن عمه خدهم وكتب (حمدان مخدش حاجة



اسد قالولو حنسفرك السعودية .. الاسد فرح جدا وقالك بقى دى بلد اللحمة والفتة
وحنعيش
الاسد وصل السعودية وفى اول يوم مستنى الغدا الحارس رمالوا موزة .. الاسد استغرب قوى وسكت.
تانى
يوم فى الغدا الحارس بردوا قطعلوا موزة ورمهالوا .. الاسد قال ايه العبط
ده .. وراح ماسك الحارس وقاله انا ايه؟ قاله اسد .. والاسد بياكل ايه؟ قاله
لحمة .. قاله طب ايه الموز ده .. الحارس قاله: 'ماهو انت داخل السعودية
بتاشيرة قرد'.


اتنين مساطيل واقفين مستنيين الاوتوبيس فالاول بيسأل :
هنعرف الاتوبيس ازاى
التاني قاله بسيطه اللى هيجى يقف هنا يبقى اتوبيس قاله طب والكومسارى
قاله:
بسيطه اللي حيحط ايده على كتفك يبقى الكومسارى ندفعله الاجره فجه
الاتوبيس ركبوا جه واحد حط ايده عليهم فطلعوله الاجره وبيدوهاله فقالهم :
انا مش الكومسارى انا ضابط بحريه قاله شوفت شورتك المنيله ادينا ركبنا
باخره


قال الاسد: نريد تطوير الغابه
رد الضفدع : نجيب بنات ؟
الاسد قال: حنحفر ابار في الغابه
رد الضفدع :وبعدين نجيب بنات ؟؟؟
طنش الاسد وقال: حنبني سور حوالين الغابه
..........الضفدع بيقول: ونجيب بنات ؟؟
عصب الاسد وقال: فيه واحد اخضر وعيونه كبااااااار ومعصبنى هيندبح اليوم
رد الضفدع:
.
..
.
.
.
.
.
..
بعد ما تقتل التمساح............ نجيب البنات؟؟