بسم الله الرحمن الرحيم
السلام عليكم و رحمة الله و بركاته


حبيباتى حبيت اقول لكم على تجاربى فى التوفيييييييييييييييير
بالاخص فى الحلويات
بصوا انا كنت بعمل كيكة محشية
هى الكيكة تحففففة بس مكلفة
انا بقى قلت اوفر ازااااااى
الكيكة دى مقاديرها سهلة لكن مقادير الحشو هى اللى مكلفة
حشو الكيكة عبارة عن علبة كيرى 8 قطع ب 8 جنيه
و علبة حليب مكثف ب 9 ج
و علبة قشطة ب 7 ج
يعنى المجموع 24 ج
دة غير مكونات الكيكة الاساسية و كمان طبقة التو
فى اللى على وش الكيكة و دى ببتعم
ل بكيس كراميل و زبدة و سكر
و علبة قشطة تانية
احنا حبينا الكيكة اوى بس بصراحة مكلفة



فكرت انا بقى و لقيت الحل و الله
وفرت نص التمن اللى قلت لكم عليه بتاع الحشو

عملت ايه انا كل يوم يجيب لى اللبن بغلى اللبن من باليل
و بحطه فى الثلاجة طبعا بيعمل وش قشطة بشيل الوش دة
و بحطه فى علبة فاضية فى الفريزر
و مرة مع مرة لغاية لما عملت كمية
ادينى كدة وفرت تمن علبتين قشطة بتوع الحشو
و التوفى اللى على الوش يعنى وفرت 14 ج تمن علبتين قشطة
نيجى بقى للحليب المكثف و دة العلبة بتاعته ب 9 جنيه
لبن بودرة سايب من كارفور تقريبا ب 3 او 4 ج
اخدت كوب مليان لبن بودرة
و حطيت عليه كوب سكر بودرة و ملعقة سمنة
و ملعقة فانيليا و نص كوب ماء
و اضربهم كويس اوى بالمضرب
و بعدين احطهم على نار هادية مع التقليب
علشان الكلكعة و بعد كدة دوقى بقى احلى حليب مكثف
و الله احلى من العلب يعنى احنا كدة
وفرنا حوالى 5 جنيه لاننا اشترينا لبن بودرة ب 4 ج
و تمن علبة الحليب المكثف ب 9 ج

نيجى بقى للجبنة الكيرى انا كنت بشترى علبة كيرى ب 8 ج
لقيت فى السوبر ماركت جبنة كيرى سايبة الكيلو ب 12 ج
جبت ربع كيلو ب 3 ج و حطيته فى الحشو و كفت
و زادت يعنى وفرت 5 ج
تانية يعنى انا كدة وفرت فى تمن الحشو اكتر من 26 ج

و الله و الله طلعت تحففة و لذيدة اوى
ووفرت كمان دى تجربتى مع التوفير لو عندك
اى تجربة قوليها و نفيد بعض




و كمان بوفر فى الرز بعمل الرز بطعم اللحمة
من غير ما اعمل لحمة و بيطلع تحفة جربوه
فى كيس بيتباع فى الماركتات الكبيرة اسمه ميلرز
بطعم اللحمة و الكارى و الفراخ و السمك
بتحطيه على الرز و متحطيش معاه ملح ولا اى توابل
و دوقى احلى رز بالخلطة و سويه زى الرز العادى
خالص يعنى حطى المية بتاعة الرز و حطى الخلطة فيها
و حتة سمنة او زبدة و لما يشرب المية وطى عليه
و حتلاقى الرز بقى لونه بنى زى الرز بالخلطة بالظبط
و عملت البسطرمة فى البيت بعمل 2 كيلو بسطرمة
بتتكلف علية حوالى 50 ج بسس
انا كنت بشترى الكيلو ب60 ج
و اتعلمت الكسكسى و بعمله باليل و بفطر منه
كذا يوم و كل دة بكام ب 2 كيلو دقيق بس
نفضل ناكل فيه اسبوع شفتى اد ايه التوفير
و كمان عملت البرجر فى البيت و اللانشون
و الله يا جماعة و فرت ومبسوطه اوى
اتمنى اكون افدتكم و ياريت اللى عندها
وصفة للتوفير تقول لنا علشان كلنا نستفيد



منقول