اللي سمعته من خلال متابعتي للأحداث من اتصالات من أكتر من مصدر

من ناس كانوا عند البالون

وناس كانوا عند ماسبيرو

وناس من التحرير

وست كبيرة من سكان التحرير
البداية
ناس راحت لمسرح البالون وعاوزين يدخلوا لأنهم من أهالي الشهداء

الأمن بتاع البالون رفض

دخلوا بالقوة وكسروا المسرح وضربوا أهالي الشهداء

( هل أهالي الشهداء اللي بقالهم أكتر من 10 أيام معتصمين هيروحوا البالون علشان يدخلوا بالقوة ؟)

(هل دا في مصلحتهم ؟)

مستحيل لأن دا هيشوه صورتهم أمام الناس وهيظهروا كبلطجية أو متسولين عاوزين أي حاجة بالعافية

ودا طبعا مستحيل لأن اتعرض عليهم لغاية 100 ألف جنيه للتنازل عن القضية
هنا لغز أو حلقة مفقودة

وهي ازاي الناس دي اتجمعت ورايحين ومعاهم شوم!!

مين الناس دول ؟

رايحين ومعاهم شوم ليه ؟

جم منين ؟

حل اللغز هنا
واحد من الناس اللي كانوا عند ماسبيرو لتأييد أهالي الشهداء قال :

فيه ناس جم لماسبيرو وقالوا لأهالي الشهداء إن فيه تكريم لهم في البالون

ناس راحت معاهم والأغلبية رفضوا وقالوا المحاكمة
دا فيديو لأخت أحد الشهداء
http://www.youtube.com/watch?v=N6lOC...&feature=share
بعد البالون راحوا رجعوا ماسبيرو وقالوا إن أهالي الشهداء اضربوا واتسحلوا من الشرطة وقبضوا على 7 منهم

طبعا اللي عند ماسبيرو راحوا معاهم عند وزارة الداخلية وحرقوا كل السيارات الموجودة سواء ملاكي أو شرطة

طبعا الشرطة اتعاملت معاهم لأن دا شغل بلطجة

وطبعا علشان يدافعوا عن نفسهم
البلطجية انسحبوا وراحوا ميدان التحرير

الشرطة طاردتهم حتى الميدان
دي كانت غلطة الشرطة إنهم راحوا وراهم الميدان
من الواضح إنهم استدرجوا الشرطة للميدان لأن في الفترة دي كانت الدعوات نزلت على الفيس بوك بتطالب الثوار بالنزول للميدان لأن أهالي الشهداء اتسحلوا من الشرطة والجيش ، الدعوات دي موجودة على كل المواقع منها " رصد - حملة دعم البرادعي - وكلنا خالد سعيد " وغيرهم

وبدأت الأحداث تتصاعد بشكل جامد لأن كل اللي راح الميدان رايح وناوي على حرب مع الشرطة
المطالبات بالنزول للميدان بتقول إن أهالي الشهداء اتسحلوا في الشوارع من الشرطة والجيش الحقوهم يا شباب الثورة
طبعا نقطة أهالي الشهداء دي نقطة خطيرة جدا وحساسة جدا

ولما أي حد يعرف إن أهالي الشهداء اتسحلوا يبقى نازل وناوي يولع في الشرطة وفي الجيش وفي البلد كلها
واضح إن دا تخطيط شياطين

اللعب على نقطتين في غاية الأهمية والحساسية
الأولى : ضرب أهالي الشهداء
التانية : كراهية الشعب للشرطة وأضافوا عليها الجيش

رغم إن الجيش لم يتدخل نهائيا
***
ربنا يحفظ مصر وشعب مصر

ياريت ننتبه إن فيه أعداء للثورة وعاوزين البلد تولع
الدعوات اللي نزلت على الفيس بوك بتقول الحقوا أهالي الشهداء اضربوا واتسحلوا في الشوارع وقبضوا عليهم من الشرطة والجيش

الناس نزلت هما مولعين نار

أنا عن نفسي لما قريت الكلام ده الدم غلي في نافوخي
لكن تابعت الأحداث وقريت المشهد كويس


 يارب احفظ مصر

يارب الثورة نجحت بحولك وقوتك

فاحفظ لنا هذه الثورة

واحفظ لنا مصر وشعبها من كل سوء