هام وعاجل من اجل مصر

[اسامة22]

أتمنى من كل الشباب
من كل مصري هيروح الاستاد النهاردة
إنه يحرص تماما على أن يكون في غاية اليقظة من تدخل بعض البلطجية بين الجماهير لأن دي فرصتهم
الأعداد هتكون كبيرة والمكان مقفول وقوات الشرطة والجيش موجودة بكثافة أرجوكم
علشان مصر
علشان الشهداء اللي ضحوا بحياتهم علشان تعيشوا بحرية وكرامة
علشان مصر ترجع للمصريين
نحافظ على مصر
ونحافظ على صورة مصر
ونحافظ كمان على صورتنا احنا كمصريين أتمنى منكم لو أي حد حاول يسخنكم سلموه للشرطة بإيديكم
ساعتها هتكونوا فعلا من الثوار اللي بيحبوا مصر وبيخافو عليها هل تقبل إنه يتقال على المصريين إنهم بلطجية وهمج وفوضويين ؟
هل تقبل دا على نفسك ؟
على والدك؟
على أختك أو والدتك ؟ عاوز أقول حاجة وأرجو أن لا تؤخذ بمحمل آخر جمهور الزمالك احذروا أرجوكم ، فيه ناس هتدخل بينكم هدفها البلد تولع لكن الكلام هيكون بشكل تاني
هيقولوا لكم
كسروا الاستاد واضربوا الشرطة علشان نفسد الفرحة على الأهلاوية
لو
وبقول لو فاز الأهلي
وأكيد هما عاملين حسابهم على كده
لأن معظم الترشيحات بترجح كفة الأهلي
ولو فاز الأهلي والزملكوية غضبانين من خسارة المباراة وخسارة الدوري تبقى هي دي فرصتهم ويظهر جمهور الزمالك بصورة سيئة وإنهم همج وبلطجية والبلد تولع مش مهم عندهم الهدف يرموها على الشرطة والجيش
أرجوكم خلوا بالكم على مصر نفس الكلام موجه لجمهور الأهلي
أكرر نفس الكلام موجه لجمهور الأهلي
أرجوكم
مصر أمانة بين إيديكم بلاش ترجعونا لأيام مبارك تاني لأن لو حصل شغب هيبقى عندهم حق يعاملوكم زي زمان
هيقولوا دا شعب مينفعش معاه غير الكرباج هل تقبلوا دا على نفسكم ؟
هل عندكم استعداد لكده ؟ حتى الإعلام الغربي لو شاف أحداث شغب في الاستاد هيقول نفس الكلام دا شعب همجي ويستاهل ومبارك كان عنده حق يعمل معاهم أكتر من كده خلوا بالكم من مصر أرجوكم أتمنى منكم لو أي حد حاول يسخنكم سلموه للشرطة بإيديكم
ساعتها هتكونوا فعلا من الثوار اللي بيحبوا مصر وبيخافوا عليها يارب احفظ مصر من كل سوء
يارب

[فريد]

اود ان ابلغك عظيم شكرى و امتنانى لكلاماتك الرائعة
و الواعية و التى تنم عن شخص يحب بلده فعلا
ولكن شيء ليس بغريب عليك
و ان كنت افضل ان تكون المباراة فى هذ التوقيت السيء بلا جمهور
و لدى الاحساس الغبى ان الامر يمكن ان يصل لما لا نحمد عقباه
اللهم استر مصر من الفتن ماظهر منها و مابطن
كلى املى ان يفهم الناس الامر على حقيقته
و ان الموضوع مجرد كورة عبيطة ملهاش لازمة
شكرا ياسمسم جزاك الله خيرا

[اسامة22]

اشكرك يااستاذ فريد
علي المتابعة وعلي كلماتك الرقيقة
وعاوز ابشرك ان حالا
تأجلت المباراة
والحمدلله

[قموره]

انت رائع دائما اسامه حتى فى تنبيهاتك وتخوفك على بلدك

استاذ فريد انا اامن على دعائك ويارب سلم مصر من كل ما يحيط بها من فتن وضغائن

وزى ما حضرتك قلت دى مجرد كوره رايحه وجايه فى الهواء مش لازم تعمل اصابات ومشاكل

[فريد]

الحمد لله الماتش طلع تعادل
و انقذت مصر من كارثة كان بطلها حسام حسن
و ماحدث يعتبر فوق الممتاز نظرا لظروف البلد و المباراة
و ماحدث اقل ممايحدث فى المباريات العادية
انها عناية الله شكرا ياقمورة ربنا استجاب لدعائى و تامينك عليه
اللهم احفظ مصر ارضا و شعبا و سائر بلاد المسلمين