حبك اجمل الالحان

[fagrmasr01]

علمتينى احب ازاى بهدوء وأمان

علمتينى اوهب لك حبى بكل حنان

وعلمتينى الشوق والغيرة

و كل ما حد يجيب السيرة

اشتاقلك وتصيينى الحيرة

لكن مع حنية قلبك بارتاح للنسيان

وف حبك انسى همومى والاشجان

انا بافرح بيكى كطفل برئ

مع انى طول عمرى جرئ

واول درس فى حبك قلبى استكان

وعزفت لك دقة قلبى اجمل الحان

ودى اول مرة احب ، كإنى

عاشقك ضى العين والننى

وانسى معاكى أوهام سنى

وباهواكى يا غزال متحنى

لو هاوصف حبى ح اتوه توهان

وارسملك حبى ف جبين الزمان

بس ارسم ايه وازاى ولمين

دا مكانك جوه يا نور العين

دا انا قلبى وقلبك مش قلبين

انا فيكى وبيكى حنان وحنين

دا انتى لأساطير الهوى عنوان

عشقت حبك ..واعلنت الاذعان

وانا استسلامى لحبك فرحة

ياعروسة وبتزينى الطرحة

أجمل رمش وعينك سارحة

مش حاتعب وحااقولها كمان

على دقة قلبى وعود وكمان

بحبك ..وحبك اجمل الالحان

[اميرة حبى انا]

[fagrmasr01]

يارب يبارك لك يا اميرة
مرورك بينور الصفحة

الف شكر يا اميرة

يارب ربنا مايحرمنيش
من مرورك الغالى
ولا من تشجيعك ودعمك

[وردة الايمان]

أستاذ ...جمال..

شعرك ..وكلامك ...واحاسيسك ...اصبحت فوق الوصف فعلا ...

وكل كلمه تحمل ورائها معانى جميله ورائعه ...

ولكن استوقفتنى بعض التشبيهات ...

التى لا استطيع منع نفسى من التعليق عليها ...

على سبيل المثال ......لا الحصر.

علمتينى احب ازاى بهدوء وأمان

المعروب فى الغالب ان المحبوب هو الذى يقوم بدور المعلم غالبا فى الحب .

لكن مع حنية قلبك بارتاح للنسيان

تصوير جميل جدا ان حنان حبيبتك يشعرك بارتياح لدرجة نسيان كل شىء قد يؤلمك اويحزنك .

انا بافرح بيكى كطفل برئ

تشبيهك بالطفل فيه معنى جميل للبراءة ويوضح مدى تعلقك بمن تحب .

وعزفت لك دقة قلبى اجمل الحان

دقة القلب ممكن تعزف ؟ وكمان اجمل الحان ....
انت فعلا مبدع يا استاذ جمال .

وارسملك حبى ف جبين الزمان
تشبيه فى منتهى الجمال ..

دا انتى لأساطير الهوى عنوان

عشقت حبك ..واعلنت الاذعان

وانا استسلامى لحبك فرحة

ياعروسة وبتزينى الطرحة

مش حاتعب وحااقولها كمان

على دقة قلبى وعود وكمان

بحبك ..وحبك اجمل الالحان

أستاذ ......جمال
أشكرك ......على هذه القصيده الجميله جدا ..
والتى لا استطيع ان انقدها فنيا ...
كل المعانى جميله جدا ...
تاه معاها نقدى ...وانا تهت معاه فى جمال كلماتك ومعانيها ...


* وردة*

[fagrmasr01]

أستاذ ...جمال..
شعرك ..وكلامك ...واحاسيسك ...اصبحت فوق الوصف فعلا ...
وكل كلمه تحمل ورائها معانى جميله ورائعه ...
بيقول المثل ..
عيونك انتى هى الى جميلة
عشان كدا يتشوفى بيها الدنيا جميلة يا وردة

ولكن استوقفتنى بعض التشبيهات ...
علمتينى احب ازاى بهدوء وأمان
المعروب فى الغالب ان المحبوب هو الذى يقوم بدور المعلم غالبا فى الحب .
لو تعرفى حبيبتى .. هاتعذرينى .. هى ارق معلمة ف الكون كله


لكن مع حنية قلبك بارتاح للنسيان
تصوير جميل جدا ان حنان حبيبتك يشعرك بارتياح لدرجة نسيان كل شىء قد يؤلمك اويحزنك .
لو العالم عرف حنان حبيبتى .. التاريخ هاينسى تاريخه

انا بافرح بيكى كطفل برئ
تشبيهك بالطفل فيه معنى جميل للبراءة ويوضح مدى تعلقك بمن تحب .
تعرفى ان ساعات فعلا باقول لها ياميس

وعزفت لك دقة قلبى اجمل الحان
دقة القلب ممكن تعزف ؟ وكمان اجمل الحان .... انت فعلا مبدع يا استاذ جمال .
على فكرة دا مش تشبيه
.. لأن دقة قلبى بتعزف فعلا ..
عارفة ليه ؟ لأن كل دقة ف قلبى بتقول اسمها
ومفيش ف الكون كله لحن اجمل من اسم حبيبتى

أستاذ ......جمال
أشكرك ......على هذه القصيده الجميله جدا ..
والتى لا استطيع ان انقدها فنيا ...
كل المعانى جميله جدا ...
تاه معاها نقدى ...وانا تهت معاه فى جمال كلماتك ومعانيها ...
* وردة*

انا اللى فعلا يا وردة المنتدى
مش عارف ازاى اشكر لك اهتمامك وتحليلك الجميل دا

على فكرة

تحليلاتك بترسم فعلا الصورة اللى نفسى ارسمها عن حبيبتى
ربنا ميحرمنيش من اهتمامك الجميل دا
ولا من تحليلاتك الاكثر من رائعة

ربنا يبارك لك ويجازيكى عنى كل خير
آمين