موضوعى عن اغتراب الزوج وترك الزوجة والأولاد




عارفين كلنا ان الظروف دلوقتى صعبة والأسعار نار
ويدوب اللى جاى مبقاش بيكفى كمان



من هنا بيبتدى الزوج يدور على وسيلة يأمن بيها مستقبله ومستقبل
اسرته والوسيلة دى هى السفر للخارج


بيترك الزوجة والأولاد ويسافر على أمل يأمنلهم مستقبلهم
بشوية فلوس يساعدوهم على الحياة
ويقول سنة اتنين خمسة وهرجع واستقر وسط ولادى


نبص نلاقى الراجل الغلبان ده بيطلع عنيه شغل وغربة
وبرضو مش بيلاحق على الاسعار اللى بتعلى
والخمس سنين تجر عشرة ولا عشرين سنة



لحد مايرجع بعد ماعمره ضاع فى الغربة وتعب
يدوب بحاجة قليلة ولكن ده يهون قدام نظرة
اشتياق يشوفها فى عيون زوجته وأولاده لكن للأسف
بيلاقى العكس
بيلاقى جفا وقسوة من اولاده
اتعودوا على غيابه
اتعودوا على حياتهم فى غير وجوده
المسكين بقى يعانى غربة فى سفر وغربة وسط اهله




تفتكروا العيب هنا فى مين؟؟
العيب فى الراجل اللى كان كل همه يوفر مستوى كويس لولاده؟
ولا فى الاولاد اللى اتعودوا على غيابه وعدم وجوده فى حياتهم
ومشاركته فيها؟





العيب فى مين بالظبط ده اللى هناقشه سوا انا وانتوا