من الكباريه للبيت ومن البيت للكباريه

[قموره]

تخيلو معي :

6 الصبح يدق المنبه .. تصحى بسرعه البرق تحضر الفطارلاولادها .. تجهزهم للمدرسه ، بعد ساعات رجعو حضرت لهم غداهم .. اكلتهم .. درستهم .. لعبت معهم بالاخير جهزتهم للنوم ..

دقت الساعه 11 مساءا .. بدأت تجهز نفسها لشغلها
المذكورة رقاصه !

هل ممكن تكون الراقصه ام ومربيه فاضله
هل ممكن السارق يكون صديق وفي
هل ممكن المدمن يكون مدرس محترم

هل السلوك الاخلاقي يؤثر في عطائنا الاجتماعي ؟
وهل نظرتنا كمتلقي تحتلف اذا عرفنا حقيقه كل شخص
ام نكتفي بمقوله :

دي ست محترمه من البيت للكباريه ومن الكباريه للبيت ؟


موضوع محتاجين فيه نعرف وجهات النظر
فى شغل المراة

[فريد]

الموضوع صعب و الحكم على شخص بصفه عمله اصعب
لكن الرقاصة ممكن تكون ست بيت اه ممكن
ممكن تتفوق على ستتات بيوت كتير اه ممكن
لكن شغلها و طبيعته تؤثر على بيتها اكيد
وتؤثر على سلوكيات ابنائها اعتقد
و اعتقد النظرة ستختلف فمثلا نحن نتعامل هنا فيما بيننا
ياستاذ و ياستاذة
و حضرتك و يافندم و سعادتك
لو عرفنا ان واحد فينا مثلا ( فريد ) معهوش الابتدائية
ايه شكل التعامل و ده مثل بسيط فمابالك لو كان الامر براقصة
و برضه دى وجهات نظر نختلف نتفق
كل و احد له رايه
و ده راى الشخصى
الموضوع رائع و جميل
و لها ابعاد كتيرة جدا فى مجتمعنا ذو النظرة المحدودة احيانا و الثاقبة اخرى
تحيتى و احترامى و شكرى و تقديرى على طرحك الرائع قمورة

[قموره]

اشكرك على نقاشك استاذ فريد ولكن لى نقطه اريد مناقشتها معك

كنا بنشوف هند رستم وكانت معروفه بادوار الاغراء والاثاره ولكن فى المقابل كانت ست بيت ناجحه ومتزوجه من دكتور محترم جدا ومعروف واعتقد اسمه محمد فياض

اذن هنا العمل والوظيفه ليس بالمقياس للحكم على شخص بعينه

انتظر ردك وراى باقى الاعضاء والدخول فى المناقشه

[فريد]

ايوه ياقمورة من قلت ممكن تكون ست بيت افضل
من ستات كتير متفرغين
مفيش اختلاف لكن نظرة المجتمع ليها ايه مثلا هند رستم
زى ماقلتى الاجابة حتى خرجت منك ممثلة اغراء
بيتها بقى ناجح او لا مقدرش احكم بالظاهر
بس اكيد نفسيا الموضوع مؤثر حتى فى شخصية الابناء
ده اكيد مش ممكن الا عارف ان امه راقصة
و كل زميله بيبصوا عليه و يتغمزوا من تحت لتحت
زى الا مش عارفين
و مليش دعوة هيه محترمة او لا انا بتكلم على مبداء
انا لم ادخل فى النوايا
لان فيه ستات الظاهر انها محترمة و هى غير ذلك
احنا بتكلم فى العموم

[قموره]

انا معاك يااستاذ فريد

وعاجبنى نقاش حضرتك جدا

بس ساعات الست تضطر توافق على شغل مش هقول طبعا الرقص لان ده مرفوض تماما

بس خلينى افتح معاك مجال تانى للنقاش لو العكس موجود والرجل هنا بيشتغل شغلانه رافضها اولاده ولكنها هى مكسبه واللى معيشاهم يتصرف وياهم ازاى

زى انه يكون ساعى فى مصلحه وابنه فيها موظف مثلا

او اى وظيفه ابنه او بنته تخجل منها

مستنيه باقى النقاش وسعيده بمتابعه حضرتك جدا