هروب
يللا نهرب من هنا
يللا نبقى لوحدنا
المكان ده مش بتاعنا
والزمن ده موش لنا
..................
يللا على أبعد جزيرة
نشرب المطرة الغزيرة
الأمير أنا والاميرة
انتي... والكون ملكنا
...............
يللا نسكن أي غابة
نلقى فيها وحوش غلابة
دي التعالب والديابة
موش حتسرق حلمنا
................
حامشي لما الليل يليل
قولوا خواف...... قولوا عيل
قلبي شايل موش قليل
ليه نشيل على قلبنا
.............
يللا نطفش من بيوتنا
يللا نهرب من سكوتنا
حتى لو في الرحلة موتنا
تبقى موته حنينة
يللا نهرب من هنا