نبدأ بصباح الورد والياسمين والجرجير كمان لو تحبوا

سيبكوا من الاكل والورد وركزوا شوية

ومش هرغى عشان مليش مزاج وندخل فى الحوار على طول





دلوقتى طبعا مفيش حد مش ماشى ومعاه المدعو موبايل

حتى الاطفال الابرياء "مش اوى يعنى عدوها"

هما كمان ماشيين بموبايل وتلاقى العيل فيهم:59:

موبايله اطول منه وماشى متأنتك وبيرغى فى اللفلفون




طب انتوا شايفين ده شئ طبيعى وصح ولا غلط

واحنا خليناه صح وضرورى؟





يبقى طفل ماشى بموبايل منعرفش هيعمل بيه ايه هيكلم مين




ولا المصيبة الكبرى الكاميرا

يمشى يأذى بيها خلق الله وبلوتوث متعرفش بينقل فيه ايه؟




مش ببالغ على فكرة الاطفال دلوقتى بيشتغلوا عليه احسن مننا كمان




انتوا شايفين ان ده ضرورى ان اطفالنا يمشوا بموبايلات ؟




هتبقوا مطمنين بالتكنولوجيا الموجودة فى الجهاز ده على ولادكم من اى انحراف

او شئ غير اخلاقى زى الصور والمقاطع الاباحية اللى عاملة زى الفيرس

ومنتشرة فى اغلب موبايلات الشباب ؟





هل ده تحضر من وجهة نظركم ولا تخلف ولا تقليد ولا ايه بالظبط؟




طب لو شايفينه شئ غلط وسلبى ايه الحل اللى نقدر احنا

نقدمه لكل أب وام اولادهم بيزنوا عليهم عشان يجيبولهم موبايلات؟




وبالمرة بقى فى ماسورة الاسئلة اللى اتفتحت دى




انت او انتى امتى جبت موبايل لأول مرة فى حياتك؟



وشايف اننا نقدر نجيبه لولادنا فى اى عمر او سن؟؟








كفاية عليكوا كدة يلا جاوبوا

وورونى رأيكم

اقعدوا بعيد .... قصدى اقعدوا بالعافية