البيضه ولا الفرخه
دا فعلا الوضع الحالى فى مصر
الدستور ولا الانتخابات

بقالنا فتره وكل القنوات والصحف والجرايد والمواقع الالكترونيه
مالها شغلانه غير التأثير على عقول الشعب
وايهامه بان وضع الدستور قبل الانتخابات هو الاهم
حتى لا نعتبر كفار او نرجع الى عصر الجاهليه والتخلف

مع انهم حاولو قبل كدا وفشلوا
وكان المفروض يعرفوا انهم فقدوا مصداقيتهم عند الشعب
ولو لسه مش مصدقين يرجعوا لـ ايام الاستفتاء

اعتقد
كان المفروض على من يسمون انفسهم بـ النخبه
بدل ما يحاولوا اللف والدوران على ارادة الشعب
وينصبوا انفسهم اوصياء علينا
يناقشوا اولويات البلد
زى استرجاع الامن المفقود وتنشيط الوضع الاقتصادى وغيره كتير

المستفز فى الامر
ان عصام شرف ونائبه العلمانى يحيى الجمل
هيعقدوا اجتماع غدا الاحد مع رؤساء الاحزاب لمناقشه الموضوع دا
لـ اتخاذ قرار رسمى فيه
متجاهلين ارادة الشعب
وكأنهم الحاكم بامره وناسين او متناسين ارادة الشعب وردة فعله اذا غضب

يتبع

-
-
-