السلآم عليكم ورحمة الله وبركاته ..
دى بقى أول قصة من تأليفى ..
مش عاوزين إحباط بقى :11y: ..
كل حلقة هنعرض الشخصية الجديدة إللى فيها ..
ياسمين : بنوتة طيبة جدًا .. ورومانسية آخر حاجة .. هادئة وعاشقة للحياة .. فى سنة أولى كلية إعلآم ...
دينا: أم ياسمين وأسيل .. ربة منزل .. خريجة كلية طب .. لكن فضلت إنها تقعد فى البيت تهتم بأطفالها وتربيهم أحسن تربية ...
حسام : أبو ياسمين وأسيل .. مهندس فى شركة مقاولآت ..
مرام : بنوتة رقيقة .. بتحب تخرج مع أصحابها ومش بتحب التفاؤل أبدًا .. انتيمة ياسمين وزى أختها بالظبط ...

.. الحلقة الأولى ..

دينا : يا ياسمينا قومى يلآ .. بطلى الكسل إللى إنتى فيه ده .. أومال لو ده مكنش أول يوم جامعة كنتى عملتى إيه ؟
ياسمين : حاضر حاضر ياماما .. هخطف بس حلم سريع وأقوملك على طول ..
دينا : أومال لو مكنتيش ياختى نايمة من 9 بليل كنتى عملتى إيه ؟
ياسمين : تعالى هنا قوليلى .. جبتينى ليه .. ها جبتينى ليه .. أكييد عشان تصحينى من أحلآها نومة صح إعترفى ده أنا زى بنتك برده
البشمهندس حسام دخل عليهم فجأة ..
حسام : إنتى بتهزرى يا ياسمين لسه مصحتيش لغاية دلوقتى .. يلآ قومى إلبسى وأفطرى بسرعة عشان أخدك معايا فى طريقى وأوديكى الجامعة ..
ياسمين : بابا أنا هروح مع مرام صحبتى
حسام : لا إنتى ومرام هتيجوا معايا إنتى عارفة أنا بخاف عليكى إنتى وأختك أسيل قد إيه ..
ياسمين : حاضر يابابا .. أدينى هقوم أغسل وشى وأتوضى وأصلى وهكلم مرام تجهز عشان لما نيجى نوصل لبيتها أرن عليها تنزل ..
حسام : ماشى مستنيكى على السفرة .. منش فاطر إلا لما إنتى تيجى ..
خرج حسام (الأب) من الأوضة ..
دينا : يامفعوصة إنتى تقوليلى جبتك ليه .. طب بالعند فيكى جبتك عشان أطلع عينك ..
ياسمين : ماشى ماشى اكمنك الحاجة الوالدة وفى مقام أمى مش هتكلم معاكى

مرام : آلو
ياسمين : صباح الخير ياقمر
مرام : صباح النور ياحبيبتى ..
ياسمين : عاملة ايه ؟
مرام : خايفة جدا حاسة إنى رايحة للجحيم
ياسمين : ههههههههههههههه يخرب عقلك جحيم مين قولى نعيييم خلاص ياقمرى بقينى مزز وبنروح جامعة أهو :005:
مرام : ماشى ماشى انا طوول عمرى مزة على فكرة .. بس أما أشوفك هتطلع عنيكى
ياسمين : إيه الحكاية كل إللى يشوفنى يقولى هتطلع عنيكى .. ياجدعان هو أنا عينى رخيصة .. إنت فاكرنى أجنبى ولا إيه لآآلأآ أنا إبن بلد ومدقدق ههههههههههههههههههههه
مرام : ماشى ياختى كنتى عوزانى فى إيه ؟
ياسمين : آه بقولك بابا أصر يودينا ياختى إنهاردة .. فبصى بقى أول مانوصل لبيتك هديكى مسد كول ع الفون تنزليلى ..
مرام : إشطة ماشى
ياسمين : يلا سلامووز
مرام : سلآم

نرجع بقى لحسام وياسمين ..
حسام : جهزتى خلاص يا ياسمين؟
ياسمين : آه جهزت يابابا وقولت لمرام أول ماهننزل ونوصلها هرن عليكى تنزلى
حسام : اوك يلآ عشان أنا اتأخرت على شغلى ..
ياسمين : ماما عاوزة حاجة منى أنا نازلة ..
دينا : آه بصى خلى بالك من نفسك أوى .. إنتى فى كوم وإللى ريحاله ده كوم تاانى .. أى ولد يبصلك اعملى وكأنك مش شيفاه .. إنتى عارفة كلام الناس .. والبنت سمعة
ياسمين : خلاص خلاص محسسانى إنى رايحة بيت إعارة
دينا : ماشى يالمضة يلا سلام
ياسمين : سلاموز يادينا ياعسل

وياسمين ومرام أول مانزلوا من عربية أبو ياسمين ( حسام )
ياسمين : مرام .. عاوزة أقولك حاجة ضرورى
مرام : قولى يااخر صبرى
ياسمين : أنا حلمت بولد .. جميل أووى .. طويل ووسيم .. زى القمر
مراام : كنتى متغطية ولا اللحاف بعيد عنك ؟
ياسمين : ليه السؤال ده ؟ :blink:
مرام : عشان أقولك إنك ياحبيبتى بتخرفى وإنتى نايمة
ياسمين : ماشى ماشى إتريقى كده كتيير . طب ياحبيبتى منش حكيالك على حاجة تانية ..
مرام : لالا قولى بس مش دلوقتى لتفوت أول محاضرة لينا فى الجامعة المتنيلة على عين إللى خلفوها دى
ياسمين : طب يلآ ..
وأول مادخلت ياسمين ومرام وقعدوا على البنش
لقيوا وفجأة
.
.
.
.
.
.
.
.
.
.
.
.
.
.
.
.
.
.
.
.
.
نكمل الحلقة الجاية :bleh:
لو كان فى العمر بقية ..