السلام عليكم ورحمة الله وبركاته
كيفكم؟
إن شاء الله
درس النهاردة سهل وبسيط جدا
لاكن محتاج شوية دماغ صااحية
يعنى إللى يطبق ميكونش شارب سيجارتين ملفوفة
للبوليس يجى يطب علينا وياخونا من قفانا
انا حذرت أهوو ..
يلا نبتدى الدرس
أولا :-
نفتح الصورة إللى هنعمل عليها الإيطار
وأنا إخترت الصورة دى

ثانيا :-
نجيب أداة التحديد دى

والأداه دى إسمها
rectangular marguee tool
ثالثًا :-
هنحدد الصورة بالطريقة دى

رابعًا :-
من قائمة Select نختار Modify وبعدين نختار Smooth ..
واهى صورة للقائمة عشان محدش يقولى معرفتش والإستعباط ده

بعدين هيجى يسألنا
عاوزين الـ Sample Radius كام بكسل
اعملها زى ماتحب بس انا بحب 12 او 15
زى إللى فى الصورة دى


وبعدين هندوس اوك
هيبقى الناتج بتاعنا كده

لالالالالالالا
اوعى تتسرع ابوس ايدى
هههههههههههههههههههههههههه
وتعمل حالك زكى وتروح جايب الاستيكة وقال ايه تمسح الجوانب
غلط طبعًا ده إنت كده تبقى أزكى إخواتك ( غبى يعنى )
ليه بقى ؟! سؤال حلوو :11umbup:
لانك بمنتهى البساطة لو مسحت الجوانب مش هتتمسح ولو زكى بقى وتحب تقول ماهى الاستيكة مش هتمسح حاجة اقولك هتمسح محتوى الصورة الأصلى إللى إنت أصلاً عاوزه
المهم نرجع لدرسنا
بعدين نضغط على ctrl + I
هتكون الصورة كده بعد الضغط

بعدين زى الشاطرين نمسح إزاى بقى
ركزوا معايا وشوفوا الصورة اللى جاية دى
وهتعرفوا عملت ليه كده

بعدين هنضغط على ctrl + I
عشان المرة دى نزيل التحديد الخارجى
بعدين من نفس اداة التحديد إللى فى الصورة دى

وفوق نكون مختارين دى

ونعمل كده بقى

وبعدين بنختار أداه المسح
وبنمسح الحاجات إللى إحنا حددناها
وبعد مانمحى الحاجات إللى زايدة
عاوزين طبعًا نشيل التحديد
من قائمة Select نختار أمر DeSelect
هيكون الشكل بتاعنا بعد كده كده

ولو حابين نعمل له إطار
ندوس كليك يمين على اللير ونختار Stroke ..
ونختار لون مناسب للتصميم أو للصورة إللى إنت عملت عليه التطبيق
ونخفف الـ Size لـ 2 أو 1
كيف ماتحب
وهى دى نتيجة الدرس

ملاحظة:_
لو حصل معاكم خلل فيه قولولى وانا اشرحه بطريقة غيير
واللى عنده طريقة تانية غير بتاعتى يعمل بيها
يعنى انا مش رئيسة مراجيح مولد النبى
يلا سلامووز
واهم حاجة التقييم لو عجبكم
زغرطى ياام لطفى :110: