المنطقة السابعة - رابطة كل القطاعات
بسم الله الرحمن الرحيم
اولا ألف مبروك للناس كلها
ثانيا كل قطاع عمل رابطة عشان اللي استلمو في الرابطة دي يسيبو معلومات عنهم زي الاسم و التليفون و الايميل
للأسف أشخاص معدودة ردو بايجابية على مواضيع بالشكل ده
نفس الاشخاص كتبو معلومات عنهم في مواضيع لقطاعات تانية مش القطاعات اللي هما استلمو فيها على اساس ان احنا كلنا جيران في الاخر
من هذا المنطلق فكرت ان احنا نعمل موضوع واحد لكل القطاعات
بعد اذن الناس طبعا انا هاخد كل البيانات اللي مكتوبة عن اي حد في المنطقة السابعة مهما كان القطاع اللي استلم فيه و هكتبو في الموضوع ده
ياريت بعد اذنك تسيب اسمك و رقم تليفونك و ايميلك عشان نقدر نتصل ببعض و نوصل لبعض
كل الناس طبعا عارفة فوائد ان احنا نبقى ايد واحدة بس التكرار يعلم الشطار:
1. لما واحد بس يتفق مع المقاول غير لما أكتر من واحد يتعامل مع نفس المقاول طبعا السعر هيختلف
2. الحديد و الاسمنت و الرمل و الزلط و غيره من المون اللي مطلوبة في البنا لو واحد بس راح يشتري هياخد بسعر السوق لكن لو مجموعة كبيرة هناخد باسعار الجملة ده غير النقل طبعا
3. تبادل الخبرات و الافكار الجديدة و حتى التأكد من المعلومات هيكون أسهل و أضمن اذا كنا دائما على اتصال
طبعا في فوائد تانية للتعاون أكيد هتبقى واضحة للكل
و اسف للتطويل... شكرا
رد مع اقتباس
المفضلات