بنوتات المنتدى إزيكم
النهاردة جيبالكم موضوع مهم
شوفت فكرتة بس انا بصراحه ال كتبته







أكيد كتير بيعانى ان غرفته ممكن تكون مش مرتبة


بترتبيها وتنظميها بس تيجى مثلا تخرجى فتحضرى لبسك واكسسوراتك تلاقى الدنيا باظت


طب ايه الحل عشان غرفتك تفضل مترتبة



فى أفكار كتير وأى حد عنده فكرة يضيفيها



ولو أى حد عايز يسأل يسأل وأنا إن شاء الله أجاوبه










نبدأ بترتيب الدولاب



دولابك صغير أو كبير


تقدرى تنظمية وتخلى لكل حاجه مكانها











حاولى على قدر المستطاع إنك تستغلى كل رف فى الدولاب


طبقى اللبس كويس وبشكل لذيذ عشان مش ياخد مساحه كبيرة


قسميه قسمين


قسم لملابس البيت وملايات السرير والفوط وعادة بيكون القسم ال فيه رفوف


تعملى ايه


اعملى رف لملايات السرير والفوط صفين يعنى


رف للبس البيت صفين بردة صف للبيجامات وصف للفساتين


وممكن تعملى رف كمان تحطى فيه شنط الخروج وممكن لا حسب راحتك


وممكن تخلى رف لترتيب علب الاكسسورات والميك اب



والقسم الاخر ال بيكون فيه مكان الشماعات لملابس الخروج بكل مستلزماتها


على باب القسم دة اعملى من جوه شماعه عشان تعلقى عليها الاحزمة والشنط والإيشاربات


او ممكن تعلقى طرحة كل طقم مع الطقم بتاعه


ممكن الشنط تحطيها فى احد رفوف القسم الاول للدولاب بطريقة جميلة وسهله الاستخدام











بالنسبةلتخزين اللبس



خصصى قسم لتخزين اللبس وغالبا بيكون القسمين العلويين من الدولاب


بردة اعملى قسم للبس البيت والقسم الاخر للبس الخروج










بالنسبة للأدراج



استخدميها فى حفظ الملابس الداخليه والجوارب


قسميها بحيث كل حاجه تكون فى صف زى ال فى الصورة














ممكن تعمليها بكارتون تخين وممكن ببلاستيك او خشب ابلاكاش














* حطى بين اللبس ورد معطر عشان يدى ريحة حلوة للدولاب *






خلصنا الدولاب




بالنسبة للإكسسورات( الحُلى وإكسسورات الشعر )


ممكن تعلقيها على علقات فى الدولاب


وفى طريقة احلى انك تجيبى علبة بلاستك او علبه هدايا حجمها مناسب طبعاً وتقسميها بحيث يكون لكل حاجة مكان


ممكن تشترى علبه لذيذة ذى ال فى الصورة دى











وممكن حل تانى بسيط لو عندك شنطة خروج مش محتجاها تحطى فيها
الإكسسورات بس مش على بعضهم لا تجيبى
أكياس لكل نوع وترتبيها فى الشنطة









نيجىللسرير











بصى إياكى تقومى من النوم وتسيبى السرير مش مترتب


روحى اغسلى وشك واتوضى وصلى وارجعى رتبية


على طول ولو عندك دبدوب حطيه بشكل حلو على السرير او جنب السرير









بالنسبةللكومادو



حطى عليه منبة واباجورة لذيذة بلاش تحطى حاجه تانيه


والدرج بتاعه حطى القصص ال انتِ هتقريها









التسريحة











مش كل الناس بتكون عندها فى اودتها



لو عندك هتريحك كتير


هتقسمى درج خاص للإكسسورات


درج خاص لمستلزمات الشعر


درج خاص لمستلزمات الميك اب













بالنسبةللمكتب



رتبى الادراج


اعملى درج للكتب


درج للورق والكراسات


درج لمستلزمات الكتابه



حطى على المكتب برواز لصورة جميلة انتِ بتحبيها













لو الكمبيوتر فى اودتك راعى ان الترابيزة ديماً يكون شكلها مترتب و حلو


مش عليها بئى كوبايه ميه وطبق



ممكن تحطى عليها اكسسورات بناتى لذيذة دبدوب صغير او فازة







فى انتظار ردودكم واضافتكم واسألتكم



أى خدعه