العشق الممنوع

**اميرة حبى انا** · 27-05-2011, 03:34 AM

العشق الممنوع

ده اسم مسلسل تركى
حبيت اتكلم عنه ليه ؟ معرفش
مهند

(دى دموع الحب على فكرة اصل اللى بيحب بيدمع علطول كده سواء فرحان او زعلان

وسمر

(هى نفس الدموع برضو)

سمر اتجوزت عم مهند
ومهند هو وقع فى حبها وبما انه دون جوان عصره حب يوقعها فى حب
ونجح مهند ووقعت فى حبه سمر
بس متنسوش دى مرات عمه اللى رباه من صغره
وتروح الايام وتيجى الايام وسمر ومهند بيحبوا بعض
المشكلة انه فاق متأخر صحيح بس فاق
فاق وعرف انه بيخون عمه اللى رباه
بس برضو بيحبها
بس مش عايز يغلط اكتر من كده
هى بقى ( سمر ) مقدرتش تبعد وكان عندها استعداد تبيع الدنيا كلها عشانه
بس هو طالع فى المسلسل ده شخصيته ضعيفة وجبان فمقدرش يحارب عشان حبه
وآدى آخر العشق الممنوع

انا شايفة انه ممنوع وان المسلسل مش المفروض يبقى عليه الاقبال الفظيع ده من الناس
لدرجة ان قناة ميلودى بتعيده تانى من الاول قبل ما العرض الاول يخلص اصلا
مش عارفة حد شايف الخيانة حب
ماشى ماشى
حب وغصب عنهم
بس فى عقل لازم يحكم القلب شوية
لان القلب مش هيفكر فى حلال وحرام وصح وغلط
القلب
بيحب وبس

بس انا شايفة ان الحب
اسمى واعلى واحلى وارقى المشاعر الانسانية

والعشق هو اعلى درجات الحب
ومينفعش ابدا نوصفه او نطلعه فى صورة خيانة
نبقى ظلمناه
ومينفعش نظلم احلى احساس اتولد او اتوجد فى الدنيا

مش
منقول

**الرومنسى** · 27-05-2011, 04:06 AM

ممكن اتكلم انا
يمكن بعض الاحيان بنهرب من حبنا ونجرى بعيد وبعض الاحيان بننسى شئ مهم هو ان الحب أصلا لا ليه ميعاد ولا مكان الحب زى القدر بيصيب الإنسان
وبنسمية العذاب اللذيذ اللى ديما بياخدنا فوق السحاب وعذابة فى شئ واحد فى الاساس هو الحرمان المستمر فى بعد الحبيب
وفى اللى أكتر من كدا لعبه وبتنتهى بحب وتأثيرها اكبر من اى شئ تانى
الحب لغة لايفهم معناها غير العاشقين كلمة تنطق باللسان إلا أنها تحتوى معاجم العالم داخلها وتخرج مليون قصيدة عشق من كلمة واحدة فهو غذاء الروح وشعلة القلب المتقدة التى تجعل الحياة تستمر بلذتها بدونه تشعر بالموت مليون مرة وقد تندم على حياتك كلها
أما مشاكل الحب فهى متعددة صعب ذكرها الان
أما ربطة بالتشريع خطأ لأن هناك شعار نطلقة على الحب والزواج وهو
الزواج قاتل الحب
وهذا لما يحدث من مشاكل معيشية وهموم الحياة مما يجعلنا نهرب بعيدا بحبنا وننأى عن كل المشاكل
لذا يظهر هنا الحب بثوب جديد وانا لا أنكرة هذا رأيى
وشكرا

**وردة الايمان** · 27-05-2011, 01:43 PM

المشاركة الأصلية كتبت بواسطة اميرة حبى انا

بس انا شايفة ان الحب
اسمى واعلى واحلى وارقى المشاعر الانسانية

والعشق هو اعلى درجات الحب
ومينفعش ابدا نوصفه او نطلعه فى صورة خيانة
نبقى ظلمناه
ومينفعش نظلم احلى احساس اتولد او اتوجد فى الدنيا

اولا احيكى بجد يا اميره على موضوعك

ثانيا بالنسبة للمسلسل انا اسمع عنه بس
واعرف انه مسلسل مشهور
وعرفت مره انه السبب فى زيادة نسبة الخيانه بين الازواج وده خبر انا قريته بنفسى

الخيانة مش ليها غير معنى واحد بس

وحتى لو قدرنا وواقعنا خلانا نتحرم من احاسيس الحب الجميله

ده مش دافع لينا ابدا اننا نقع فى الخيانه
انا شايفه ان الحب اطهر من انه يوصل لمرحلة الخيانة
واحنا كمسلمين عندنا القدرة على التحكم فى مشاعرنا لو حسينا انها ضد دينا ومبادئنا

بجد يا اميره موضوعك جميل جدا