ازاى تعاملى امك التانيه ( حماتك )

**ام العيال** · 28-10-2009, 10:48 PM

اخواتى وحبيباتى

موضوعنا ده طبعا يهم كل بنوته سواء مقبله على الزواج او متزوجه فعلا
مش حاقول حماتك -- لا -- حاقول امك التانيه
انا عارفه انه قبل الجواز بتبقى علاقتك بيها على احسن وجه ولكن بعده يووووووه تبدا المشاكل == وامك قالت وامك عادت والراجل بيبقى حيطلع من هدومه ويلعن اليوم اللى اتجوز فيه ويقول ياريتنى كنت قاعد عند امى

لالالالالالالالالالالالالالالالالالالا احنا مش عايزين كده ابدا وانا حاتكلم معاكم من خبرتى واللى عندها استفسار تقول ونتناقش بهدوء وباذن الله نوصل لحل يرضى جميع الاطراف

اولا مش عايزين ننسى ابدا انها امه وان احساسها بان واحده تانيه حتاخده منها بيضايقها طبعا وان كانت بتبقى سعيده بانه حيتجوز ويفتح بيت ويجيب عيال
لكن انها حملت وولدت وربت وتيجى واحده تاخده على الساهل راجل ملو هدومه بيسبب لها حزن داخلى وطبعا مش بتبينه
ولازم تحطى بدماغك انك حتشعرى باذن الله بالشعور ده برضه لما تجوزى ابنك انتى كمان

مسيرك يامرات الابن تبقى حماه

فلازم تقدرى مشاعرها وعامليها بما يرضى الله وبحب ومش علشان ابنها يحبك لالالا عامليها كده علشان ربنا ولو اتقيتى الله فيها لوجه الله اكيد ربنا حينزل حبك بقلبها ويسخرها لك وتبقى عندها بمعزة بنتها واكتر
انا عشت مع حماتى الله يرحمها 6 سنين --والله كنا مع بعض زى السمن على العسل وكنا بخرج مع بعض ونسافر مع بعض وكل حاجه مع بعضينا لدرجة اننا اوقات كنا بنتفق عليه وهو يقول حرام عليكم حتجننونى وكنا نضحك

ومش حاقول اننا ماتخنقناش مع بعض لا -- والا حابقى كدابه ولكن كانت هى دايما تقول لو كنت عايشه مع بنتى كنا حنتخانق برضه وكنا ناخد بعض بالحضن وننسى كل اللى حصل
وكفايه ان سلايفى كانوا بيغيروا مننا وانها ماتت وهى داعيه لنا والله

مستنيه ردودكم حبيباتى

**sharabasy** · 29-10-2009, 12:21 PM

والله ام العيال المشكلة مش في الحماة لاتها زي امي وواجب اني اعاملها احسن معاملة واحترمها مهما حصل منها ولكن المشكلة في عمتك او اخت الزوج ولكن والله الزوج عليه دوركبير في علاقة مراته بوالدته ممكن يخلي مراته تستحمل اي كلمة اوتصرف من والدته وممكن علي ابسط شئما تستحملش الزوج هوالاساس مااظن ان الزوج يعامل الزوجة واهلها احسن معاملة وهي مش حتستحمل مامته وتخيلوا العكس لما تكون علاقةالزوج والزوجة مش هي اكيد طبعا حتأثر علي علاقة زوجته بوالدته.
ام اياد

**ام العيال** · 29-10-2009, 01:31 PM

ام اياد
تخيلى فكرتينى اعمل موضوع عن اخت الزوج (عمتى ) باذن الله

بس حقيقى كلامك صح
لكن خلى بالك فيه ازواج انانيه يحبوا المعامله الحلوه لامهم وبيعامل اهل مراته بالعكس
وفيه ازواج غير متفهمين تماما
هنا بقى بيكون العبء كبير على الزوجه وعليها دور كبير فى تسيير مركب الزوجيه

الله يسعد الجميع