افكار بسيطه للمراه العامله

**ام العيال** · 28-10-2009, 08:36 PM

السلام عليكم ورحمة الله وبركاته

هكتب لكم بعض الحاجات البسيطه اللى بعملها علشان توفير الوقت والجهد طبعا واللى اكيد هتستفيد منها المراه العامله

1-بجهز كميه من الكفته واحمرها واشيلها على قد الوجبه بالاكياس واحطها بالفريزر ولما احتاجها يادوب اكون عملت الدمعه واسقطها فيها

2-التقليه بجهزها متسبكه جاهزه واقسمها باكياس على حسب حاجتى واشيلها بالفريزر ولما احتاج اطلع الكيس ويادوب يسيح واحط عليه الشوربه والخضار

3-انا بحب اعمل صوانى كتير علشان كده بعصج كمية لحمه معقوله وبعدها ااقسمها على اكياس كل كيس على قد الصينيه واشيلها بالفريزر

5- الشوربه الزايده عن حاجتى بعبيها باكياس واشيلها بالفريزر بتنفع وقت عوزه سواء بصوانى الرقاق او شوربة لسان العصفور

6- طبعا بنحب نعمل محشى بالشتاء وممكن نجهز الخلطه من تسبيكه وخضره مقطعه ونخلطهم ببعض ونحطهم بكيس ونشيلهم بالفريزر ولما نجهز المحشى نخرج التسبيكه وتسيح ونخلط عليها الرز ونحشى

دول الاساسيات
لو افتكرت حاجه هقولها
واللى يحب يضيف حاجه اهلا وسهلا الموضوع موضوعكم