السلام عليكم ورحمة الله وبركاته...

نبدأ معكم بالفصل الرابع...

ماهو الاستايل ويش معناته ويش قصده بالجرافيتي؟

الاستايل هو طريقة رسم الفنان للاشكال بطريقته الخاصة , هو المظهر او نمط الرسمة , شكل الحروف وكيفية اتصالها مع بعض وهناك اكثر من استايل في الجرافيتي تندرج من ستايل الفقاعات الي هو throw up البسيط وهكذا الى ان تصل الى الوايلد ستايل المعقد وهو ستايل ملئ بالاسهم والاتجاهات يعني تحس الكلمة تعبر عن الشئ باكثر من طريقة مثلا اذا تبي تشكر خويك وتقوله "شكرا" في اكثر من طريقة عشان تخرج هذا الشعور لصديقك ونفس الشئ في الجرافيتي تقدر تخرج اسمك باكثر من ستايل وبطرق تعبر فيها عن نفسيتك انت , فنان الجرافيتي بدون ستايل يشبه الصوت الخافض والذي يزداد غموضا ماحد يسمعك ماعنده سالفة لا يوجد ستايل فلازم تكون عندك طريقة عشان توجد ستايلك الخاص وهذا مهم في الجرافيتي فانت تتميز عن الاخرين باستايلك الخاص وبعض الفنانين ليس لديهم فكل الناس تنظر اليك وهكذا مثل مغني الراب الذي لديه اسلوب في الكلام ولديه النمط لاخراج كلمات الاغنية بطريقة جميلة وينعجب فيها السامع انت تستطيع انت توجد ستايل ينجذب اليه الاخرين.
كل تاق "تاق هو توقيع الفنان للتذكير" بدون ستايل يعبر عن انه الفنان ليس لديه وجهة صحيحة ولا نمط معين ولا اخلاص للمهنة , وهذا يمثل انه هالفنان يريد الشهرة والمجد والشعبية بدون ان يضحي بالساعات الطويلة ويكافح لاخراج ستايل خاص به.
انا كنت اعتقد عشان اكتسب الشهرة وان الناس تعرف اني ارسم جرافيتي باني اطلع بره واروح ارسم في كل مكان اهجول بالبخاخ واحط تاق توقيعي واسمي على كل جدار بس هذا وهم الصراحة , قاعد اطالع في رسماتي على السكيتش والتاقات الي على اغراضي واشعر بخجل شديد وخيبة امل شديدة واحباط لان رسماتي والتاقات ليست لديها ستايل معين ابد اي كلام خطوط غبية ولا ناسخ حروف ما بدعت في شئ ما حسيت بطعم الفن وين الاستايل فيه.
ويجي السؤال المهم وهو كيف اطلع ستايل جرافيتي خاص بي؟

افضل طريقة لتعلم ستايل الجرافيتي ليس بانك تروح وتهجول بره في كل مكان في المدينة وتحط ثرو اب وتاقز , تعلم الجرافيتي مثل تعلم العزف على الة موسيقية , ابدا بالتعلم بالخروج مع احد فنانين الجرافيتي الذي قضوا سنوات في هذا المجال في اماكن منعزلة , واعرض عليه ستايلك التاق والثرو اب حقك وخلي يعرض لك محاسن ستايلك والانتقادات فمن المهم أن نستمع إلى ما يقول لزيادة مهاراتك في الرسم , لانهم يعرفون عن ايش هم قاعدين يتكلمون اكثر من الي انت تعرفه حاليا هم اهل الخبرة ولازم تتبعهم ويوجهونك للطريق الصحيح وتذكر, كل الفنانين كانوا مبتدئين تويز كلهم كانوا فاشلين واذا قالوا لك لا ما كنت انا مبتدئ علطول محترف فهو كذاب بعينه فحضارة الجرافيتي كلها كتابين خطاطين الي صار لهم سنتين وثلاث سنوات ومع الاجيال راح يتغير مستواك وبتحس بالتغيير ماراح تصير فنان في يوم وليلة كثرة التدريب والتطبيق تعلمك اشياء جديدة.
طبعا من الاخطاء الشائعة لاغلب فنانين الجرافيتي انهم يبداون بـ الوايلد ستايل wild style الاستايل المعقد ذو الاسهم والاتجاهات الكثيرة والتفاصيل وهو يعتبر من افضل واصعب الاستايلات في الجرافيتي والذي يحتاج لسنوات لدراسته والتدريب وكيفية الوصول الى هذا المستوى , لاتسوي فيها محترف وتروح تسوي وايلد ستايل عالجدار او سكيتش من جد مالك داعي لان اول شئ مستحيل تسويها لان تحتاج الى فلسفة طويلة الله لا يوريك بس ولا تشعر بخيبة الامل الايام جاية الجدران مارح تطير , فابدا بالحروف السهلة البسيطة ابدا حروف البلوك block letter وبدون ما تلونها مجرد جرب خطها بنفسك وحاول مرة ومرات بتخيب ويمكن ما تطلع بالشكل الي انت تبيه وادرس مشاكلك وناقشها مع الفنانين الى انت تطور ستايلك الخاص بك.
بعد ما ضبط اسمك بالاستايل الي عجبك ستايل بسيط شوي شوي طوره الي شئ معقد ضيف اسهم بشكل موزون واضف الحيوية عليه اكثر وغير كذا لازم وواجب عليك تتعرف على كل الفنانين في منطقتك وفي العالم واعرف ستايلهم وليش وكيف سوا كذا وقلدهم خذ منهم الافكار والمفاهيم تفسلسف مع استايلك شوف انا قلت لك استفيد مو تسرق ستايل احد الفنانين لان السرقة تشكل اسوا جريمة تعملها كفنان انتبه.
تذكر الوقت مش جوهر هالشغلة يعني الجدران والمباني ما بتطير خذ وقتك وانت تطور وتوجد ستايلك الخاص فيك قبل لا تطلع بره وتعرضه للناس عامة وترسمه بره بالهجولة , وطبعا عشان توجد ستايل مش مسالة سهلة يا اخوي بل يستغرق ساعات طويلة من العمل الشاق والتدريبات المكثفة الى ان تتطور ومثل ماقال الكتاب يسمونه كتاب مقدس لانه في كل شئ عن الجرافيتي يقولك : " مافي طريقة احسن لتعلم الاستايل الجرافيتي والوايلد الاستايل الا عن طريق دارسة تاريخ الجرافيتي القديم من الحروف البسيطة الى ان تصل الى الاستايل المعقد " والقصد انك تروح وتشوف رسمات الجرافيتي على ايام السبعينات والثمينات بتقولي ليش؟ لان راح تقدر تعرف كيف هم بداو وتاسسوا وشوف كيف ستايل الحروف عادي وشوف بعد 20 سنة وتعمل مقارنة وتستنتج كيف وصلوا فانت اتعلم من البسيط لين ما تفهم وتوصل للصعب خطوة خطوة حبة حبة عشان توصل لاصعب استايل وهو الوايلد استايل.

شكلك ما فهمت مفهوم الاستايل وبتسالني كيف بطلع ستايل وكم باخذ وقت , يالغالي اسمع.

زي قلنا لك تبي تطلع ستايل ومن وين تبدا ويش ابسط الحروف ستايل وهي حروف تسمى البلوك ليترز حروف البلوك بتقولي كيف شكلها بكل بساطة طالع الكيبورد الي تكتب فيه ويا ويهك شفت الحروف اتخيلها بس انها متينة هذه فهمت علي بتستغرب بتقولي هذي مو جرافيتي بس هذي الحروف لازم تعرف تركيبتها واساسيتها لازم تتفسلف فيها انا اتكلم عن حروف اسمك الي بتختاره ركز على تركيبة الحرف وروح واكتب الحروف مرة ومرتين وثلاث شوف انا ما اتكلم يعني 5 او 6 مرات تكتبها لا يعني حوالي من 100 الى 200 مرة , وتطالع الحروف وتكبر عينك واجد وتقول في نفسك ليش الحرف هذا تركيبته كذا و كذا وتكتبه اكثر من مرة وتتاكد انه كل الحرف توازنه طول بالطول والعرض بالعرض و تحافظ على وزنيته وتكون حركة يدك دقيقة لمن تكتبه , القاعدة هذي فيها تقلبات واجد بس انت لو تتبعها راح تكون افضل لان هذا هو المفتاح الاساسي , ولا اذا ما تسوي كذا راح تفقد قدارتك وامكانياتك انك تمسك حروفك بشكل متكامل وهذا الي حاصل مع اغلب الفنانين التويز في السعودية المبتدئين يعني , طيب ما بالك في ستايل الوايلد استايل مجنون صح , انت تحتاج انه تكون رسماتك قابلة للقراءة صح ولا لا؟ ترى حتى الوايلد ستايل تنقرا بس انت ما تعرف تقراهم لان عينك مش مدربة على قراءة الوايلد ستايل عينك واحساسك ما كرست نفسك بالحروف التاقات وعرفت تركيبهم بتقولي ليش؟
لانهم وضعوا اشياء عالرسمة نبرات وزوايا مثل ما تكون توكيدية ان هذا هو الحرف اسمه كذا وكذا بس انت عينك مش مدربة عليها لانك مو عارفة تركيبة الحروف الاساسية عشان توصل للمستوى هذا المتقن والاحترافي لفنان الجرافيتي باختصار لازم تكون خطاط بالحروف وتعرف كيف تخليها باستايل..
عالعموم حبيبي اول شئ ابدأ مع حروف البلوك حروف الكيبورد وخلها عريضة مرة ومرة خليها مايلة وشوي شوي على رسماتك لا تتهور والله ما بتستفيد اسال مجرب انا حاولت ارسم اشياء يعني يجيني خيال وواتخيل اسمي بصير كذا بس لمن تمسك القلم ما تعرف من وين تبدا لاني ما اعرف وين اساس الحرف حقي يبدا ما اعرف العب فيه بجنون فانا اطريت امسكها من المفتاح وابدا اني ادلعها شوي شوي واتدرب عليها.

نهاية الفصل الرابع خذ من الكبير دايب الكلام :

عالعموم انتهى الفصل الرابع من هذه الدورة الشاملة للجرافيتي المفصلة الي تزهق الواحد ويطفش انه يتعلم جرافيتي انا ما ابغاك تحفظ ابغاك تفهم انا ويش اقول وتمسكها في بالك ابغاك تتفلسف انت وقدراتك, بتجي بتقولي وين الحين وكيف ارسم جرافيتي وحروف ياخي ملحقين على كل شئ , بس ايش رايك بالكلام الي قلته راح ياثر فيك نفسيا وروحيا وراح تغير نظرة تفكيرك كاملة ابغاك تركز عالخط بشكل كبير هالصفحة هذي راح ترجع لها واقراها اكثر من مرة لين ما ترسخ في عقلك بس بعدين خليني اشبع فضولك واوريك ويش باقي لازم تتعلمه بالجرافيتي سي يو في الفصل الجاي...

تمت


طبعاا ستايل block letters هو حروف الكي بورد سميناه بلوك لانه يتميز بشكل عرض وتقدر من
خلاله تشوف اساس بناء الحرف والاعمدة حقته وطبعاا يجب تعلم خطوط التاقات لاتقان الخط الجرافيتي بشكل صحيح سوف اباشركم بالمزيد في الدروس القادمة ^^

واعتقد انوو كل شي واضح ودايب ما قصر
بس برضوو الي يبغاا شي يكلمني

بيس اوت