قامت الثرة ونجحت وكلنا حاسينا بتغير بعضه حلو وبعضه وحش
ايه التغير تعالوا نعدوا

الايجابيات
1-احساس كل منا بمصر زيادة روح الانتماء لبلدنا
2-اعادة علاقات مصر بايران وافريقيا التي انقطعت طوال30سنة
3-اعادة تحجيم الداخلية والشرطة اللي طلعوا عين اللي جابونا في حجهم الحقيقي
4-الاستفتاء علي الدستور احساس كل منا ان صوته ورايه له قيمة وممكن يغير
ولاول مرة هنختار رئيسنا بجد
وده طبعا بابا حسني كان مريحنا منه من30سنة
5-قدرة المصريين علي تقرير وتحديد مصيرهم
6-عودة كرامة وقيمة المصري ومصر في شتي انحاء العالم
7-تغيير وحبس العديد من قيادات البلد اللي كانت من رابع المستحيلات انهم يتعتعوا من اماكنهم
وعلي ابوعيلاء وباقي العصابة
8-اعادة هيكلة امن الدولة وتقنين صلاحياته
9-اعادة تقنين وتحجيم صلاحيات رئيس الجمهورية
10-وقبل كل ده واهم حاجة عرفنا اننا نقدر نقول لأ للظلم والفساد وعرفنا قيمة جيشنا العظيم
وان محدش فوق القانون والمخطيء هيتحاسب
11-انخفاض ملحوظ في عدد المختلين عقليا اللي بيرتكبوا حدوادث
باعتبار ان اي حادثة كان بيتقال علي مرتكبها انه مختل عقليا
12-فتح المعتقلات وخروج المعتقلين ظلما في عهد المخلوع
13-اعادة بث حلقات الشعرواي وعودة عمرو خالد للتلفزيون المصري

سلبيات
1-اي تاجر في دنيا هيقول ياريت الثورة ماكانت قامت نظرا لحالة الركود اللي عايشنها
ده علي اساس يعني ان 30سنة كانوا بمبي
2-استمرار وزيادة الانفلات الامني وبشراسة في الوقت اللي مفيش شرطة ولاسلاح كافي
لصد هجمات البلطجية طب مابرده ايام حسني كان فيه حوادث برده
3-نقص المواد التموينية والسولار حديثا
بس ارجع واقول عادي ماده طبيعي علشان الاعتصامات اللي زادت عن حدها بدون معني
4-زيادة حوادث الفتن الطائيفية واحساس كلا الطرفين (مسلم ومسيحي)
ان الثورة السبب
طب ياجماعة ماايام حسني برده كان في حوادث اعتداء دينية
ابسط مثال حادث نجع حمادي اللي ثبت ان المتورط الاساسي فيه عبدالرحيم الغول
واللي تاني سنة مسك عضو مجلس شعب ماشاء الله
ولاكنيسة القديسين اللي وراها حبيب الغير عادلي
5-زيادة العجز في الميزانية وقرب نفاذ الاحتياطي للبلد
طب ماحسني اصلا كان خاربها وبيعها
6-استمرار فساد الاعلام وكذبه
ديل الكلب عمره مايتعدل حتي لوعلقت فيه عربية طوب

بصراحة مش عارفة حاسة ان السلبيات كانت موجودة اصلا ومفيش جديد
بس لازم نعرف ان اي ثورة تعقبها فوضي وفترة ترنح للبلد وبعدها الامور تستقيم في وضعها
الطبيعي

السؤال بقي ندمنا علي ثورة ولا لأ
واللي ندموا ليه ايه السبب
دعوة للنقاش