السلام عليكم يا شباب

ازيكم عاملين اية ؟ يارب يكون الكل بخير وفى احسن حال ؟

انا جاى انهاردة بموضوع مختلف شوية وهطر مسالة مهمة جدا وياريت كلنا نتناقش فيها

اية نظام الفلانتين معاكم بما انوا لما بيبقى ع الابواب بقى مش هقول الكل بيستعد بس الاغلبية بتسعد لليوم دا وكانوا يوم تاريخى فى هذا الزمان .

طيب تعالوا نتكلم بصراحة بالنسبة للناس اللى بتحب تفتكروا ان الواحد المفروض يتسنى اليوم دا عشان يعبر فية لحبيبوا انوا بيحبوا , مظنش اننا مستنين يوم معين بذاتوا عشان نحتفل مع الناس , ومظنش بردوا ان الواحد يبقى ذيوا ذى غيرى المفروض الواحد اللى بيحب يحتفل بحبوا مع حبيبتوا ف يوم خاص بيهم لوحدهم ولا اية ؟ دا للى بيستعدوا لية , وكمان البنت يوميها بتطير طيران بالهدية وبيبقى يومى بمبى ف بمبى وبتبقى مرهفة الحس اوى لدرجة انها مش تقدر تقول لحبيبها لاء فى اى حاجة كلامى مفهوم طبعا , وعجبى !!!!!!
اما بقى بالنسبة اللى بيقولوا مش بنحب ولا بنأمن بالحاجات دى !!! , اية رايهم ف اليوم دا هل ساعات بيحسوا انوا نفسهم يعيشوا لحظة ذى دى يلبسوا احمر ف احمر ويجيلهم ورد ودبدوب وقلب احمر او مخدة كبيرة مكتوب عليها i love u , انا بنفسى شوفت ناس كدا ف الجامعة بنشوف طبعا اليوم دا ف الكلية والكل حتى اللى مش بيحب بينزل يتفرج لان فجا الدنيا بتحمر ولا كانوا ماتش مهم للاهلى ورايحين نشجع ههههههههههه , وفجاة بقى تلاقى حاجاة غريبة اوى اية هيا يا ترى ؟ !!!!!!



فجاة تلاقى !!!!! اللى مش بيحبوا من البنات قاعدين هاتك يا حكى ( شوفتى جيبلها اية ع اية يعنى من حلاوتها دنا احلى منها ) وفية يقول ( دا تفاههه فاكر هياكل عقلها بالدبدوب دا ) وفية اللى بيقول ( قال اية بوكية ورد شكلوا بخيل ومسترخص ومش لاقى ياكل ) ويوم بقى لما يبقى بيدلها وردة يفضلوا يتريقوا علية ولما يجيب دبدوب كبير اوى يقولوا علية ( دا بتاع بابى ومامى وهتلاقى مامتوا اللى مديالوا الفلوس ) ههههههههههههه , مش البنات بس تعالوا بقى نشوف الولاد بتقول اية ؟ !!!!!!!!!






والشباب بقى بيقولوا اية بقى تعالوا نشوف !!!!!! بيقولوا لبعض ( بص يا معلم الواد الفافى دا شايل اية فالتانى يرد علية ويقول يا عم مهو فرفور ولسة مسترجلشى ) وفية بيقول ( ايوة يفضل يجيب ف دباديب والاخر تشد ف شعرك يا حبيب ) وفية بقى اللى بيبقى مظبط عربيتوا بيقولوا علية اية ( يا ننوس عين مامتك عملى شفايف وقلب ع العربية ) وفية بقى نوع غريب اوى سايب اليوم وبيبص ع اللبس وبيقولوا ( اش اش يلا شايف الصاروخ اللى جاى هناك دا التانى يرد علية يقول يا بختوا يلا دى طلقة ابن المحظوظة متهنى ومعاة صاروخ ) وفية ناس تانية بتعمل اية بقى ( يتلموا شلة ويرخموا ع اى واحد معاة بنت موزة اخر 3 اربع احاجات لبس وشكل وكدا ويدخلوا يغلسوا ع الواد اللى معاها فهتخدوا الرجولة فالشلة تدخل تديلوا العلقة التمام وياما ياخدوا البت يا يعكننوا عليها ودا حسب البنت طبعا ) , للدرجة دى اليوم مهم اوى كدا ؟ !!!!!!!




طيب لما هوة مهم ذى ما بتقولوا ؟ !!!!! , لية لما تيجى بتحتفلوا بتحتفلوا بعيد الحب الغربى والمصرى لاء ومش حد بيعبر اليوم دا ؟!!!!!, طيب وعيد الحب لية اليوم دا بالذات ولا اية قصتوا طبعا محدش يعرف يعنى بنعمل حاجة مش عارفين اية هيا , مجرد اننا بنقلد من غير ما نفهم بنقلد لية , مش حاجاة غريبة ولا اية ؟ !!!!!!

يمكن بتقولوا انا بقول الموضوع دا لية ولا حابب اتناقش ف اية ؟ انا حابب اتناقش مع الكل اللى بيحب واللى مش بيحب واية رايو ف اليوم دا سواء بيحتفل بية او لاء , واية اللى شايفوا فية , واية رايو ف المواقف اللى حكتها وتفكروا ؟ يا هل ترى الـــــ valentine هيودينا لفين ؟ ( حد يقدر يقولى ) ؟ !!!!!!


يارب اكون طرحت موضوع كويس نقدر نتناقش فية جماعة وكل اللى عندوا اية تعليق يقولوا انا مش فية مشكلة انا بحترم كل الاراء


MR.MEDO