لما تقول سيدنا موسي إتولد فيها ... يبقي انتا اكيد في مصر

لما سيدنا عيسي يمر عليها ... يبقي انتا اكيد في مصر

لما سيدنا محمد يقول ليا فيها صهر ونسب ... يبقي انتا اكيد في مصر

لما سيدنا محمد يقول أهلها في رباط ليوم الدين ... يبقي انتا اكيد في مصر

لما يقول بلدك فيها خير جند الارض ... يبقي انتا اكيد في مصر

...لما تقول بلد حضارة الـ 10000 سنه ... يبقي انتا اكيد في مصر

لما تقول بلد الشيخ خطب في كنايسها ... يبقي انتا اكيد في مصر

لما تقول بلد القسيس خطب في مساجدها ...يبقي انتا اكيد في مصر

لما تقول مسلم ومسيحي حاربوا الصليبيين ... يبقي انتا اكيد في مصر

ولما المسيحي يحرسك وانتا بتصلي ... يبقي انتا اكيد في مصر

ولما المسلم يعمل درع بجسمه يحمي الكنيسه ... يبقي انتا اكيد في مصر

ولما المسيحيه تصب الميه للمسلم يتوضي ... يبقي انتا اكيد في مصر

بلد ترابها أغلي من دم شبابها ... يبقي انتا اكيد في مصر

وكنيسه تكتب علي بابها إدخلوها بسلام آمنين ...يبقي انتا اكيد في مصر

بلد البرادعي وزويل ويعقوب ونجيب والسادات واحمد حسين ههه... يبقي انتا اكيد في مصر

بلد ألهمت ثورات العالم كله بثورتها ...يبقي انتا اكيد في مصر

بلد شبابها بقوا مثل أعلي لشباب العالم ... يبقي انتا اكيد في مصر

بلد ثورتها نزلت في مناهج دراسة دول العالم ...يبقي انتا اكيد في مصر

بلد أوباما نفسه أطفال أمريكا يطلعوا زي شبابها ... يبقي انتا اكيد في مصر

بلد ثورتها معملتش جديد لأنها دايماً صانعة تاريخ ... يبقي انتا اكيد في مصر
بلد خلت كل أجهزة مخابرات العالم تحس بالحموريه ...يبقي انتا اكيد في مصر
بلد غيرت مناهج السياسه والاجتماع في العالم ... يبقي انتا اكيد في مصر

وميدان إترفع فيه كل أعلام العرب الثوار ...يبقي انتا اكيد في مصر

بلد شعبها جاهز للديمقراطيه غصب عن الأنوف ... يبقي انتا اكيد في مصر

بلد أذكي عقول العالم ... يبقي انتا اكيد في مصر

بلد قال عنها نابليون أحكمها تحكم العالم ... يبقي انتا اكيد في مصر

بلد قال هتلر علي جنودها وحوش مش بشر ... يبقي انتا اكيد في مصر

بلد خلت اسرائيل تاكل بروتين وتلعب في الطين ... يبقي انتا اكيد في مصر

ومسيحي يبات في مسجد هرباً من قمع الشرطه ... يبقي انتا اكيد في مصر

بلد فيها نص آثار العالم كله ... يبقي انتا اكيد في مصر

بلد فيها تلت عجائب الدنيا السبع ... يبقي انتا اكيد في مصر