عصيتك.....علشان من قلبي حبيتك




خفت قلبي منك يتكسر من بعد حبيبي ملاقيتك

عصياني ليك مسيرك تعرف انه كان من قلقي عليك

مقدرش يا روحي....اشوفك سبب جروحي

واسكت وأتألم,,,ولا حتي أعرف اتكلم

من الجروح قلبي خلاص أتعلم

والقسوه جابت اخرها معاه

دانا حتي مبقتش أمشي علي هواه

علشان مرجعش خسرانه,,,,وعلي عمري أفضل ندمانه

عصيتك وانا بندبح

صدقني قلبي ما يوم فرح

ولما لقي الفرحة معاك

صعب عليا ينادي عليك يرد منك بس صداك

وأشوفك بتتحول لذكري وماضي^^^وبالحاضر معايا مش راضي

يا حبيبي وعمري دانا بخاف منك عليك

وتملي أحساسي يقولي انه شاريك

مهو أصل لو ليك مره ضعفت......هعرف ان انا كده في حبك ضعت

شفت معاك كتير

امل وفرحة واحساس زى الحرير

في قلبي هصونهم

ولا عمري هخونهم

بس الاقي حبيبي اللي فيك حبيته

وحبك ليا اللي من قلبك زمان اديته

عصيتك .... بس علشان من قلبي حبيتك