الثورة فى خطر

[وردة الايمان]

حرب: الثورة فى خطر مالم يحاكم رموز النظام الفاسد

الدكتور اسامة الغزالى حرب رئيس حزب الجبهه

قال الدكتور اسامة الغزالى حرب، رئيس حزب الجبهة إن ثورة الخامس والعشرين من يناير تواجه خطرا كبيرا يجب التصدى له ،لافتا الى أن هناك ثورة مضادة فعلا يحركها عدد من المنتفعين، و مشددا فى الوقت نفسه على انه يجب محاسبة رموز النظام السابق عن الجرائم التى ارتكبوها سواء كانت جنائية أو غيرها و أن تطبيق القانون على الرئيس مبارك وزوجته وحاشيته أمر لا يقبل النقاش.
وأضاف حرب فى برنامج " محطة مصر" على فضائية "مودرن حرية" الذى يقدمه معتز مطر ، أن مصر تواجه مشاكل إقتصادية كبيرة حاليا، مضيفا بأن الثورة تقتضى أن تطبق العدالة على المتهمين الذين أساءوا لسمعة مصر.
وأشار حرب إلى أنه يجب على سلطات التحقيق أن تضع الرأى العام فى الاعتبار، قائلا:" أن حالة غضب كبيرة تسيطر على الشعب بسبب التباطؤ فى محاكمة رموز النظام السابق".
واكد الدكتور حرب انه لا يمانع ان يطلق على المشير محمد حسين طنطاوى، القائد العام للقوات المسلحة لقب "رئيس الجمهورية" باعتباره قائما مقام الرئيس وله سلطاته وانه يجب أن تطبق مبادى الثوار نحو القضاء على المفسدين ومحاسبتهم ومصادرة كافة ارصدتهم التى تم نهبها من الشعب.

[اسامة22]

المشكلة الكبيرة هي ان الناس مركزة على رموز النظام السابق وسايبين الصغيرين اللي مش معروفين اللي هما سبب كل البلاوي اللي بتحصل دلوقتي .. يا ناس يا عالم الحزب الوطني كان فيه اكتر من 3 مليون عضو .. واللي محبوسين دول هما الرموز اللي عددهم لا يتخطى 10 افراد .. اما باقي ال 3 مليون احرار طلقاء ومجهولين لانهم ماكانوش في الصورة سابقا وفي نفس الوقت معاهم فلوس بالملايين يقدرو يعملو بيها اللي هما عايزينه وخصوصا لو ااتحدو مع بعض ,, يا جماعة اللي خسر من سقوط النظام السابق مش بس عز والعادلي وزكريا عزمي وصفوت الشريف وسرور والكم واحد دول .. في آلاف غيرهم خسرانين وعشان كده بيحاولو يخربو مصر لان الموضوع بالنسبالهم حياة او موت .. يارب ننتبهلهم بقا وننسى الرموز اللي محبوسين واموالهم مجمدة ولا حول لهم ولا قوة ..

[nogafoda]

مهو مش كل الي كانو في الحزب ايديهم طايله
كان في ناس مضطره تدخل الحزب بالاسم بس علشان ميوقفولهمش مصالحهم
يعني علشان ميبقاش مغضوب عليهم

[وردة الايمان]

المشكلة الكبيرة هي ان الناس مركزة على رموز النظام السابق وسايبين الصغيرين اللي مش معروفين اللي هما سبب كل البلاوي اللي بتحصل دلوقتي .. يا ناس يا عالم الحزب الوطني كان فيه اكتر من 3 مليون عضو .. واللي محبوسين دول هما الرموز اللي عددهم لا يتخطى 10 افراد .. اما باقي ال 3 مليون احرار طلقاء ومجهولين لانهم ماكانوش في الصورة سابقا وفي نفس الوقت معاهم فلوس بالملايين يقدرو يعملو بيها اللي هما عايزينه وخصوصا لو ااتحدو مع بعض ,, يا جماعة اللي خسر من سقوط النظام السابق مش بس عز والعادلي وزكريا عزمي وصفوت الشريف وسرور والكم واحد دول .. في آلاف غيرهم خسرانين وعشان كده بيحاولو يخربو مصر لان الموضوع بالنسبالهم حياة او موت .. يارب ننتبهلهم بقا وننسى الرموز اللي محبوسين واموالهم مجمدة ولا حول لهم ولا قوة ..

عندك حق يا اسامه
بس ازاى نقدر نعرف المتسبب الحقيقى فى الفوضى اللى احنا عايشينها
انت بتقول 3 مليون ازاى هنقدر نحددهم ونحاسبهم
خصوصا انك هتلاقى ناس منهم انضموا للأحزاب الجديده اللى تم انشائها بعد الثورة
طبعا ستار يخفى اعمالهم التخريبيه
اتمنى ان الجيش يقدر يكشف الناس دى ويحاسبهم

[وردة الايمان]

مهو مش كل الي كانو في الحزب ايديهم طايله
كان في ناس مضطره تدخل الحزب بالاسم بس علشان ميوقفولهمش مصالحهم
يعني علشان ميبقاش مغضوب عليهم

حتى الناس دى تستحق العقاب
لأنها بدل ما كانت مع النظام علشان مصالحها الشخصيه كانت تاخد موقف ضد الفساد والرشوة
الخوف هو السبب فى اللى كنا فيه