ازيكم ياشباب وبنات قهوتنا الكرام

النهاردة كان خطيبي عندي في زيارة منزلية
وقررت افاجأه واعمله حاجة صنع ايديا وحياة ابويا:biggrin23:
مهم تعملي ايه يانونا تعملي ايه قلت اعمل بيتزا
وبسبوسة يلا محدش واخد حاجة:11ap:

المهم دخلت وعملت البيتزا والبسبوسة
مع كم انفجارات وفراقيع في مطبخ وجيران نزلوا يطمنوا:vinsent:
علي اعتبار ان البلطجية هجموا علينا وبعد ماعرفوا اللي فيها
طلعوا مع نرة تمني بالشفاء العاجل ليا :crazy:
عارفين طبعا من ايه

المهم خلصت البيتزا زي ماقالولي
حطي كل الاضافات عندك وهتطلع الذ بكتير والبسبوسة
وخلصت علي مطبخ بالمرة :biggrin23:
وجه المأسوف علي مستقبله معايا خطيبي

طبعا من اول مادخل من باب البيت وهما عمال يشمشم
ويقول في ريحة غريبة فيه ريحة فار:shocking:
عملت نفسي بودن واحدة ولاكأني سامعة
من اصله ودخلت المطبخ اجيب البيتزا وانا بشيلها من الفرن
لقيتها مفتفتة ليييييييييهunch:

اتاريني نسيت احطها في حاجة وحطيتها علي شبكية
الفرن عدل فطبعا اللي فضل الحشو
والعجينة كلها في قعر الفرن:110:

قلت وماله الامل في البسبوسة بقي
جيبتها وكانت ريحتها تحفة علشان طبعا جوز الهند اللي فيها
وجينا نقطعها انها تتقطع لايمكن
ياستي ربنا يهديكي ابدا ابدا
هبدتها في الحيطة الصينية اتكسرت والبسبوسة سليمة
:11xing::11xing:
المهم بعد محاولات لتقطيعها وصلت لأستخدام
الشاكوش والقادوم اتقطعت
واكتشفت وانا باكلها اولا ان جوز هند لسع
واتحرق:11umbup:
ثانيا انها كانت بسبوسة اختراااااااااااااع
اول بسبوسة في الوطن العربي والاجنبي
بطعم البسكوت ولا بتبوش ولا بتفتفت
ياحلاوة عليا:110::110::110:

خطيبي طبعا قضي زيارة في الحمام
ومشي بس اموت واعرف
طلب ليه نطول الخطوبة ومنستعجلش
:shisha::shisha:
وقال جملة غريبة انا عايز استني قضي
ربنا يجيي لوحده مش عايز اروحله انا:kwaadA01:
يانا يامظلومة مع الراجل ده
انا غلطت في حاجة:cry_1::cry_1: