السلام عليكم و رحمة الله و بركاته

مش ممكن
كلمات : ماجد هشام

مش ممكن أرجع تانى ليكى .. أنا قلبى بقى بعيد عليكى
و مش ملكك
مستحيل هفكر تانى فيكى .. الفرصة خلاص عديت عليكى
اقفى عندك

حاجات كتير بحاول أفتكرها و مش فاكر .. و قلبى خلاص كبر و معدتش قاصر
انك تلعبى تانى بيه
سنين كتير عشت معاكى ايامها ..خداع و كدب و هو ده عنوانها
لما بيجى بالى فيه

شريط حياتنا قدامى بيعدى .. بشوف قلبى فيه عمال بيبكى
من جرح قلبك
أتارى أنا كنت عايش و مش دارى .. مع قلب عمره ماعاش فى يوم عشانى
ياريتنى سبتك