-- ماهو أقدم شئ تحتفظين(تحتفظ) به

[نور]

كل واحد منا له ذكرياته الجميلة عن مرحلة الطفولة و مواقفه الحلوة وبعضها اشياء صغيرة يمكن ما تكون في قيمتها المادية شي يذكر ولكنها بقيمتها لنا شئ كبير وغالي بما فيها من ذكرى لنا تشكل اهم الاشياء ونحتفظ بها يوم بعد يوم كلما نظرنا لها تتجدد الذكريات وتحرك المشاعر .

يمكن تكون رسالة
او ساعة
او قلم
او ميداليه نقش عليها حرف غالي
او ورد.

تتعدد اشياءنا الصغيره في حجمها الكبيره في قيمتها لارواحنا وحياتنا .
سؤالي لكم ؟
ما هو أقدم شي تحتفظين به الى الان؟

[مصطفى مامون]

موضوع جميل نور كما عودتينا دايماً وبالنسبه ليا انا فأقدم شىء احتفظ به هو صوره ليا فى كتاب سلاح التلميذ لما طلعت الاول على محافظه القاهره فى سنه سادسه وطبعا كل شويه لما عمر يجيب درجه مش عجبانى فى الامتحان اقوله شفت صورتى فى سلاح التلميذ وانا طالع الاول بص ياعمر الاهتمام لحد ما الواد قرف منى وقاللى بقولك ايه يابابا فين صورتك فى الاعداديه والثانوى مشفتهاش يعنى مش كان فيه كتب بتطلع الصور برضوا (عيل رخم) وهو فى سنه اولى
من ساعتها بقيت اخبى الصوره ومجبتلوش سيره ذاكر دى تانى ابدا

[وردة الايمان]

موضوعك جميل جدا يا نور
وظريف جدا رد مصطفى مأمون

وبالنسبه ليا انا محتفظه باول شعر كتبته
الورقه لسه محتفظه بيها وعليها رد مدرسة اللغه العربيه
اللى حبيت اعرف رأيها ايه
وياريتنى ما عملت كده
المهم ....انا لسه محتفظة بالورقه دى لحد دلوقتى

شكرا نور على موضوعك

[نور]

يلا كل اللى محتفظ بحاجة يقولنا عليها بالذوق

[nouran_111]

انا محتفظة بحاجة غالية عليا قوى
شريط كاسيت متسجل عليه من الوجهين اغنية جواب لعبد الحليم حافظ
و وردة
كانت اول وردة غرام واول رسالة حب اتلقها