اولا القاعده
125 جم بسكويت ولو بسكويت قمح [دايجيستف مثلا ] يكون افضل 50 جم زبده في درجه حرارة الغرفه يعني طريه...

نكسر البسكويت ...ممكن نضيف معلقه كاكاو عليه .......+...قرفه حسب الذوق
ونخلطه بالزبده ونشكل القاعده في الصينيه.....نضغط البسكويت جامد بأيدينا وبعدين نحطه في التلاجه
طبعا الصينيه تكون من النوع اللي الجوانب بتفتح ....عارفينها..

لتوب عباره عن

علبه جبنه فلادلفيا 200 جم أو أي جبنه مشابهه لو لايت] يبقي افضل علشان السعرات
حوالي 300 جم بطاطا بيضا أو حمرا .....حسب انت بتشجع مين........ مستويه ومهروسه
3 بيضات كامله
5ملاعق سكر بودره
معلقة نيس كافه دايبه في قليل من الماء الدافي
150 جم زبادي خالي الدسم
معلقة كاستر أو معلقة نشا + فانيليا
نضرب كله علي بعض وبعدين نحط
175 جم شيكولاته غامقه وسايحه [في حمام مائي] وبارده ونخلطهم كويس
ونحطها علي البسكويت

نخبزها في فرن 180 درجه لمده 45-60 دقيقه

بس نحط الصينيه في حمام مائي
وعلشان كده نغلف الصينيه بورق فويل كويس علشان الميه ماتتسربش داخلها

ونجملها بعد ماتبرد بشيكولاته دايبه علي الوجه كخيوط]
ونحطها في التلاجه حوالي 6 ساعات أو ليله


وبعدين