بسم الله الرحمن الرحيم
,,,..


سلامـ عليكـم يا جماعة

والله وحشني انزل توبيكات هنا في الركن اووي اووي اووي اوووي :08:

أولاً طبعا أتمنى ان الكل يكون تمام

انا انهارده حبيت اتكلم ف حاجة صغيرة كده معاكم
زى ما احنا متعودين..

باختصــار شديد اوى ومن غير رغى كتيــر


.. شمــاعة الظــروف ..



من اكتر الكلام اللى ممكن يدايقنى ف الدنيــا
بجد بقى موضوع أوفر اوى الحمد لله بقى اى حوار ف الدنيا مرمى ع الظروف
كأن الظروف ديه هيا اللى بتتحكم ف الدنيا مع ان المفروض العكس
اننا احنا اللى نسستم ونسيطـر بس ايه اللى قلبها كده ووصلت ازاى
لمرحله متأخرة مش عارف !!! دى بقت محتاجه جلكوز

انا عارف يا جماعه ان ناس كتير لما تشوف كلامى هتقول عليا بشتغل نفسى أوك مش فى أى مشكله بالنسبالى المهم انى اخرج ع الاقل اى حاجة من اللى جوايا بدل ما أطق مش طالبه يعنى

ليه لما تيجى تسأل ناس كتير جدا وللاسف بقى الغالب من النوع ده
ليه بتعمل كده ؟؟ طب ليه مش بتحاول تغير ده حتى ؟؟
انت راضى فعلا بكده !! ولا ده تنفيض وانت كمان بتشتغل نفسك !!

تظهر ف لا زمن الكلمه اللى بتجيب من الاخر .. أصل الظروف ..
أيوة مالها الظروف أكيد مش فى حد مرتاح جدا ف الدنيا
انا عارف ان اسهل حاجة الكلام بس والله يا جماعه ده مش خيال
على الاقل المحاوله انك تصلح الظروف ومش عشان الظروف طرقعت معاك
خلاص تبقى الدنيا كحلى وتسلم كل الدنيا وتقضيها انت والظروف بقى



انا بتكلم فعلا لانى لقيت ان ناس كتير أوى للاسف مش بقى عندها شماعه بس للظروف لاء دى بقت دواليب كبيرة اوى لكل حاجة ف حياتهم
احترام .. صدق .. أمانه .. حب .. وفاء .. تعامل
للاسف انا شايف ان الوضع بيدرج لحاله وحشه اوى
وفعــلا ربنا يستر
صدقونى يا جماعه اللى عايز يكون بيكون
بس لو حاول ديما يرضى ربنا ويكون قريب منه
ويحاول بكل اخلاص انه يعمل حاجة .. أكيد ربنا هيقف جمبه ف حاجة زى دى
لان لو كل واحد استسلم لظروفه اللى مش تمام
مش كان فى اى انسان نجح فـ حاجة فـ الدنيا
ياريت لو حد منكم شايف حاجة يعرفنا .. رأيكم مهم جدا ف الموضوع ده

وربنـا يوفقنا كلنـا ف حياتنا ونحقق اللى بنتمناه

..:: Keep Urself So Pure ::..