سيادة رئيسنا ...... زعيمنا المهاب
ورافع رايتنا فى كل الجناب
تعالى لقعدة وهات المدام
متنساش عيالك......
وريثنا الهمام......
وهات العصابة ......... وقصدى الديابة
هنقعد شوية لكشف الحساب
هنفتح دفاتر دا لوكنت فاكر!
هنمسح عرقنا ..... ونحسب سنينا
ونطرح ألامنا ونقسم جراحنا
ونجمع وجعنا هيطلع عذاب
وأية راح يزعل؟ خلاص الأمور
مبانت عمايلك وعشنا فى نور
وباقى عصابتك فى داهية تغور
يا ريس بقولك دى ليلتك هباب
بتزعل يا ريس لأن إحنا فوقنا
وعايزين حقوقنا؟
لهفها الجمايل وحبة عدايل
دا غير النسايب قرايب مدامك
وبعت الغلابة لشلة كلاب........
تتاجر بقوتنا وأقوات عيالنا
وعايزينا نسكت ؟
ونكتم جراحنا ؟
دا صرخة قلوبنا تهز السحاب


وجبت لنا (عادلى )وقال أية يعيدلى ...
أمان البلاد
أمانك يا ريس فى شعبك وناسك
وحضن العباد
بيظلم ويقتل ويعدم ويشنق
ويكتم بظلمه نفوس الولاد
مفكر يا ريس بعادلك تعيدلك
شعور الامان؟
دا عادلك دا ظلمك!
(حبيبك) عدو!
دا لو كان حبيبنا
مكنش ادا أمره
بقتل المظاهرة فى جمعة غضاب
وقال أية (سرورك) يزود سرورك
(سرورك) يا ريس دا زود همومنا
فبعنا هدومنا
وعشنا عرايا عشان الرغيف
دا كان غول مخيف
وفارد قانونه
لنصره عصابتك
وظلم الضعيف
قانونك سيادتك
مهواش قانون
وجوه السجون
هتعرف بان الإله القدير
مسير قانونه وحاكم فى كونه
وشايف عباده
هيحكم ما بينا فى يوم الحساب
ووليت علينا شوية موالى
و(بطرس) و(والى)
باعولنا عيانا
مرضنا ف شقانا
و(عزمى) و(جرانة)
سقولنا بصمتك صنوف العذاب
وطول عمرى أعرف بان المعانى
معانى الأسامى
بتنضح وتصبغ
فى شخص المسمى
ولكن يا (صفوت)مكنتش شريف
وشرفك دا عار خربت الديار

اهداء الى شباب الثورة من تاليف و اعداد تيرو
محدش يقول انا مين سلالالالالالالالالام